ISAIA 23:1 - ASII LAKDAP Bible (BSI)

¹ Arka Tajar chelati miitu tsütsa. Agilülü hoqtrang ronglaq, namshiq sammok tra chum na mokkiitu jiiqtibi lei! Namshiq laitoq chang nam mung wa Tajar chela ka thento she. Chela mong wa maiq jam thun, Mokkiitu khing wa chang ka thento she. Namshiq ka mokkiitu thun maq khamjong mong na sitlaq Saipras mung maq nam mung nü na khamjong mong maq awawan lam maq tsütsa ka tailan.

Hawa Naga Bible 2001

¹ Vruex kuex Tire ghaq nuex seng vtueq vjungx bomjungc rvtueq. Svmuktvrax htauk wawc lix yauk shuimc jix hez lex, yonzyex wuez kuinz! Nuimshiq httaz juing Tire ghaq lix tvjvp juing kuex bac kaz shex; yuimx htenc nuiyc lix jvp juing htenc muinz tsic laz bac kaz. Kvruex thaungc kuex nuimshiq rueq Kupru maq vyek kox nuex tay wvnc tuit.

ISAIA 23:1 Referencias Cruzadas

RAPHA HIQWA LAK 10:4

Kiimaq Jawan saüse phan wa maiq phan thun ka Elisha mungti, Spen mungti, Saipras mungti, kiimaq Rhodes mungti riito.

1 HOKHVMX 10:22

Apaiq jaq niika mokkiitu tu kongshi Sammoktra jü na khum raüta laopan jakai tiikitlo. Kriika Hiram khamjahat kong rai kongdam piikiikai tiikitlo. Rawiitsamtsam jai maq apaiq mokkiitu phung ka piikii tsiiq chaq, kampho, chiiwi, kiimaq amaita ahü jokwi kong, kiimaq jokwikong ho wan raüta jang wantlo.

1 HOKHVMX 22:48

Hokhamwe Jehoshaphat raq kham jahat thun hai raüta sammoktra jüjong re na Ophir mung na chaq piikii kai miitu haito. Shatmaq kra khamjahat thun ka Ejiongebar chela laitoq chang na thento. Kriikha na khamjong re niika kilot mak she riito.

1 HOKHVMX 5:1

Tajar Hokhamwe Hiram ka Dawit rai silu dongdii riito. Krai mren apaiq raq Solomon ka awe Dawit pumsong hokham ma shongto nguta tsütsa ka tai raüta akiimwetiim ka apaiq rai riihumkai tiikito.

2 KAÜWA WERAÜ 9:21

Apaiq jaq niika sammok tra chum re na piikii kai chang khamjahat thun min phungshi asi riito. Kriika Hokhamwe Hiram kham jahat phung krai pong raüta sammok tra re na piikii kai kiholili riitlo. Wiitsam na jangshi shi kra akham jahat phung ka kham jong re na siti pong mung wa piikii chaq, kampho, chiiwi, amaita ahü phan jokwikong kiimaq jokwikong thun kra howan lili raüta jam na Solomon ma lunkuq wantlo.

Tvtsvmc 48:7

khamjahat thun rathaiq mong na tiithoksiq tlaq ikha.

ISAIA 15:8

Mob mung hiqrai binjü na barap binrii na maiqho wa trangli she tiitaitlo. Maiqhotrang ka Eglaim chela nai Beerelim chela wiimin tiitaitlo.

ISAIA 2:16

Apaiq raq mokkiitu thun jonghea pinthumti kra kiimaq asham liima tsomhea pinthumti thun kriimin wiita mitiithen baiq wan.

ISAIA 23:12

Sidon chela lei, üm chochi rilung ka thumto she. Kiimaq ümsenginok ka shumraü kharii mong niishe chamchaotlo. Tsangshiq ka Saipras mung na tiipaü laüho raü min, tsangshiq ka lunlot mak miraq.

ISAIA 23:6

Agilülü hoqtrang ronglaq. Phonesia mungti lei! Spen mung na chiimjinhotlo ronglaq!

ISAIA 24:10

Chela mong na mungbrak shaq wan li she. Mungmaiqse ka maiqmii jam mong na kilü maq tiisan raüta maiqmii khum tiichhii ngatlo.

ISAIA 60:9

Kriithun ka mokkiitu phong maiq mung luhea wa saü wantlo, Shiikeawe senginok tsangshiq jam na shea wantlo. Tsangshiq raq kampho nai chaq horaüta watlo. Tatiwe mang shreng miitu. Asii Israilnok Shiikeawe. Apaiq raq mangjong maiqse kunli ma Asenginok shreng miitu aming kuqto.

JEREMIA 2:10

Shenyap mung na sammok tra chum mong na Saipras mung na kironglaq, kiimaq shedong mung nü na weshi ra Kedar mung na tiiwa ronglaq. Raüla namshiq raq atin khan ashut ka jurmin klomak shaq michhi han.

JEREMIA 25:15

Tatiwe, Israilnok Shiikeawe raq ngi ma chongto, “Arjaq ara chekhap itsankhiq maq tiimali thiikang. Ngi raq ümniika ümra mung niiwa tiikitiikang, kra mung thun ma hokuq holaq. Laüta tsangshiq ma armaq phetak chhaq tiibak nyang laq.

JEREMIA 47:4

Philistain mung tiithenbaiq akhing saüwato, Tajar chela nai Sidon chela wa khrum lap chang lam min chumbaiqto she. Ngi, Tatiwe raq Philistain mung ka mitiithen baiqha, Kret khamjong mung maq awati thun, thum thum mishthen baiqha.

EJEKIEL 26:1

Naishiq ka munglu shumwi siwanli maq rawii roqshiri wiishi she angu na, jipi jiha ranaiqshi na, Tatiwe raq ngi ma akha nguto,

EJEKIEL 26:2

“Maiqse lei, Tajar chelati raq akha ngu raüta chochi siqtlo. Tsangshiq ka, ‘Jerusalem ka bunto she! Apaiq laopan ja ningkun kiimin thento she! Apaiq ka nashiq rai riilong pailot mak she!’

EJEKIEL 27:30

Tsangshiq tarü raq ümniimiitu kai hoqsiqtlo, Tsang khu na botkhulai phongtlo, raüta tapkhu thaq na küram liira hoqtlo.

EJEKIEL 27:6

Tsangshiq raq Bashan wang wa ok pe lam raüta samthukii thun haito. Tsangshiq raq ümrinchü ka Saipras mung wa pain pe lam raüta haito. Raüta kra chiiwi maq tiinyap haito.

DANIEL 11:30

Roman phenlabi ka mokkiitu pahea maq kiraüta, apaiq rai she mirkhat. Krai mren, apaiq ka ahaisi she miraq. “Kra ningkhan apaiq ka atsankhiq walüwa ikhiishe miraq. Raüta rejang wan lam maq, Shiikeawe senginok raq Shiikeawe shomnoq tlaq lamphan kra shiithen baiqla nguta mitan khan. Apaiq raq kra lamphanti phongwa, Shiikeawe lamphan baiqthü raüta ahin lam na kihotaq kriiti raq apaiq ma tsii chongkuq tlaq kra phan phan miklo.

Jona 1:3

Shatmaq Jona ka Tatiwe wokhong wa angan nü na, lamjiq nü na khoti wawanto. Apaiq ka Joppa chela kiina kihoto. Raüta sangpholai ashi Spen mung nü na wawanti asi riito. Krai mren, apaiq raq Spen mung na wa miitu mokkiitu maq kuqto. Raüta dü wanto. Raüta mokkiitu jiiqti rai Spen mung nü na khamjong lam maq wa wanto. Kiijaq apaiq ka Tatiwe wokhong wa aluwiq niishe miraq.

WEAWEA 24:24

Alongkaiti ka Saipras mung wa khamjong lam maq sangpho lai maq miki; Tsangshiq raq Asiria mung nai Ebar mung ka mitang wan, Shatmaq tsangshiq ka, maiqmii akhing na Pattup pat-sa miitu mithumki.”

Luke 10:13

“O Khorajin chelati le! Namshiq ma pinthum phiiptsi chang asi! O Bethsaida chelati le, namshiq ma pinthum phiiptsi chang asi! Ngi raq namshiq makki na, awang chang jaqsham ümtinkhan wa shamkuq kang thun kriika, Tajar chela nai Sidon chela na shamkuq wan kang ngu haü jiika, tsangshiq ka manniiphü, ngarai tiidii wan, makphai khüshang mihoq siq wan wa!

JOSHUA 19:29

Raüta hiqrai ka Rama chela kiina raiwanto. Kiimaq riita raiwan raüta kiitelong maq trotam na aruk Tajar chela kiiniishe tiisupto. Kriimiishe ka Hosa chela kiina raiwanto. Raüta Mediterenian Khamjong kii kiina tiisupto. Ara hiqrai mong niika, Mahalab chela, Akhjib chela,