ISAIA 2:8 - ASII LAKDAP Bible (BSI)

⁸ Tsangmung ka sumla phra phong riili she mawanto. Kiimaq tsangshiq riika tsangshiq raq maiqmii jaq maq atiiq lowan sumla phra phong kriili she shomnoqtlo.

Hawa Naga Bible 2001

⁸ Tsuingshiq ghaq vraungx nuex yac yuimx htenc mvrc yaq, tsuingshiq kuex tsuingshiq yauk maq vtvhungx vyac htenc kuex nawk palx wuez yaq.

ISAIA 2:8 Referencias Cruzadas

1 HOKHVMX 16:7

Kra tsütsa Tatiwe raq Baasha nai ata awii jamkun thun miitu tiithaitaq kriika shammiwe Jehu raq chongkuqto. Jamkhano ngukla Baasha raq Tatiwe makki na ngarai pahea klo wanto. Apaiq raq Tatiwe tsankhiq walü ka shaü wan ka, apaiq raq apaiq ma kongkhu na Jeroboam raq ngarai tang wantaq kiikha ngarai tang wan raüta lamlam li ka riimak, shatmaq apaiq raq Jeroboam jamtitiim ka chongthum ma tiija tlii jiipbaiqto kra kha na tiikhiq wanto.

2 HOKHVMX 17:10

Kinthun ümchuwa sitlaq kiijaq kiimaq pechong atsung asisi angu thun takiq kriijaq thatsang chang longkaü kham thun shongto. Kiimaq Ashera phrakaü jechak nyung sumla kra tiinga shongto.

2 HOKHVMX 17:16

Tsangshiq raq tsangshiq Tatiwe tsangshiq Shiikeawe thungtri thun ka wiita jinbaiq wanto. Raüta tsangshiq raq minsaü pongwenai anai sumla ka miiki ngam maq ashomnoq ma nguta loto. Kriithaq niimin tsangshiq raq jechak nyung phra kaü Ashera sumla kra tiiqto. Kiimaq ra wa raiqsaiq thun kra shomnoq wanto. Kiimaq Baal phrakaü ka shomnoq wanto.

2 KAÜWA WERAÜ 27:2

Apaiq riimin awe raq Tatiwe tiichochi chang jaq shamtaq kiikha athuk shamto. Shatmaq awe raq Shomjam na homseng honglu kuq wa raüta ngarai klotaq kiikhiika klomak riito. Shatmaq mungmaiqse raq riiwe kla ngarai ka tang wan ruq li riito.

ISAIA 17:8

Tsangshiq ka tsangshiq maiqmii jaq maq atiiq lowan sumla phra thun shomnoq chang berong-wacha thun kiimiika lamkam mak she miraq. Kiimaq tsangshiq jaq ma aklo wan Ashera phra kaü nai laihin phra noqchang homseng chaqchang berong-wacha thun kriimiika kam tsantsii thümak she miraq.

ISAIA 26:13

Tati, naishiq Shiikeawe lei, naishiq ka maiq raq pengto, Shatmaq naishiq Tatiwe ka ümniili.

ISAIA 37:19

Raüta tsangshiqnok phra kong thun ka wa maq chaqbaiqto. Kriika ngohea dea tisho kong ka riimak. Kriithun ka maiqse raq jaq maq pe wa ahai kiimaq long maq ahai sumla phongli dongdii.

ISAIA 40:19

Apaiq ka maiqse jaq maq alo sumla phra ikha riimak. Sumla ka jintiiqtinok raq chaq ngam maq lotlo, raüta kampho ngamtai na tsamtlo.

ISAIA 41:29

Ara sumla phra phong arka thiihü kong; tsangshiq raq jamlai min klolot mak, ara sumla phra phong arka ningkun ahü, kiimaq arang min ahü.”

ISAIA 57:5

Namshiq raq namshiq asii pero mong na ngalanta jechakre rai kiicham lam maq ase tiidongketi sumla phra thun kra shomnoq tlan. Kiimaq namshiq raq namsetiim ka jüseraikii na longsha bok thun kiijaq honglu na takuqtlan.

JEREMIA 1:16

Ngi raq isenginok ma mo mitiihoha. Jamkhano ngukla tsangshiq raq ngarai tangto. Tsangshiq raq Ngi ka miimbaiqto. Raüta laihin phra thun ma honglu takuqto. Kiimaq tsangshiq raq sumla phra pahea tiiqto. Raüta kriithun ka shomnoqto.

JEREMIA 11:13

Juda mungti sumla phra phong ka Juda mung na chela thun ümchuwa sitlaq kiichu sitlo. Kiimaq Jerusalemti raq maiqphai asi Baal shomnoq chang honglu take wan chang berong-wacha thun ka Jerusalem na chiiheawea lam ümchuwa sitlaq kiichu hai wan raüta shomnoqtlo.

JEREMIA 2:28

“Namshiq raq namshiq miitu phra kong atiiq han thun ka ümbano? Namshiq ma chamchao akhing na tsangshiq raq mitiichhiikuq liina— tsangshiq raq mitiichhiilot jiiha! Juda lei, ümchela thun ümchuwa, kiichu üm phra kong asi.

Hosea 12:11

Kra taümaq dongdii min, tsangshiq raq phra sumla, Gilead chela maq noq wanto. Kriikha na tsangshiq tsailam she mirhum wan. Tsangshiq raq minsaü pongwetiim, Gilgal chela na phra sumla ma takuq wanto. Krai mren, berong-wacha thun ka, re raq wiita mitiibunbaiq wan. Raüta longkaü rongli she miraq.”

Hosea 13:2

Tsangshiq riika ümchaü min ngarai tang wan ruqli. Kampho ngam maq maiqse khutsai na tiima dongtlaq kra phan phan, maiqse raq ajaq maq sumla thun tiiq wan raüta noq wantlo. Sumla thun kra tiiq raüta, ‘Mungmaiqse loi, ara phrakaü thun arma honglu kuq ronglaq!’” nguta tsangshiq raq ngutlo. Liironglaq, tsangshiq raq, minsaü pongwe sumla thun kra shomnoq wantlo!

Hosea 14:3

Naishiq Asiria mung raq tiikhup wongkuqlot mak. Naishiq tiichhiilot mak, rekhat kumrang kong raq. Naishiq jaq maq ahai sumla, ‘ümniidea naishiq shiikeawe’ nguta noqmai she. Thümwaq manti khrumti, O, Shiikeawe lei, ümniili.”

Hosea 8:6

Arka Israilnok tiiqwe raq atiiq wan. Arka Shiikeawe riimak! Samaria chela na noq tlaq minsaü sumla, bunlak buncha she mitiibun wan.

Mikha 5:12

Namshiq raq mintin kloke chang thun wiita mitiithum baiqha. Namshiq jaqliiketi tewe shammi ahü she miraq.

Acts 17:16

Paul ka Athens chela na Silas nai Timothi khewan nguta hai wanto. Apaiq raq kra chela ka phra sumla phong riili ama kra chhi raüta, atsan mong na piq maq ashuk ikha tsito.

TRI CHONGKE 4:28

Kra mung thun na namshiq raq maiqse raq jaq ma aklo sumla phra thun kra mishomnoqhan. Pe maq ahai thun, kiimaq long maq ahai thun, amak maq chhimak phra thun, riimakla ani maq taimak phra thun, riimakla tsam siq tsü mak, kiimaq akhü maq lairap atsang min shütsü mak phra thun kriishe mishom noq wan han.

Revelation 9:20

Atinkhan sawa tha wa raq tiichamchao jai min, mangjong hiq na maiq ümchuwa tiichongtaq, kra raq tsangshiq jaq maq ahai sumla phra shomnoq ka thaq mak phanli shatshat riito. Tsangshiq raq thatsang ka thaqmak dea riito. Maiqse jaq maq aklo chaq sumla, kampho sumla, koti ngam maq ahai sumla, longkaü maq ahai sumla, kiimaq pe maq ahai sumla, mak ahü, ni ahü, khumtsü mak, tsitsü ahü phra sumla shomnoq ka thaqmak phanli shatshat riito.