ISAIA 2:6 - ASII LAKDAP Bible (BSI)

⁶ O, Shiikeawe lei, ümniiraq ümsenginok, Jakob saüsetiim ka tiishaübaiq laü she kata! Armung arka shedong mungti nai Philistain mung maq awati mintin loqle klotithun riishe mawanto. Mungmaiqse raq pongmungti thung nai lai kriili she langtlo.

Hawa Naga Bible 2001

⁶ O Tishox lex, mnoz rueq Yaku suiuz vsaz htenc ngoz yaq mmiqsaz htenc kuex tuip gay toq! Kvruex ghaq vraungx kuex shaldungc mungx nuiyc Philistin miqsaz kox wawc luinglawc yauk shuimc dvyx shex mvrx wvnc tueq. Mungx miqsaz htenc muinz mungganc phvnx htungx vlayx dvyx shex phvnx wvnc vshuex.

ISAIA 2:6 Referencias Cruzadas

2 HOKHVMX 1:2

Kiimaq Israil mung Hokhamwe Ahajia ka Samaria chela na apaiq hokham jam wukhu rinchü maq dea wa raüta tsihea tiibukto. Kra ningkhan apaiq tsi ka miheaha shea hea mang wa nguta Philistain mung wa Ekron chela na siti phrakaü Baaljebub phra phana maiq teitlangkaiti tiikito.

2 HOKHVMX 17:20

Tatiwe raq Israilnok ka kunli no na tsuqbaiq wanto. Raüta tsangshiq ma pinthum mo tsihea tiiho wanto. Raüta tsangshiq ka chiqse rewe pinthum biheanok jaq khon mong na kiinong kuqbaiqto. Kra raütiishe atiisup niishe tsangshiq ka amakki wiishe alu na jobaiqto.

1 KAÜWA WERAÜ 10:13

Saul ka Tatiwe man na ashut klowan kha na tsaito. Apaiq raq Tatiwe aming thun jin wanto. Kiimaq apaiq raq hon atsii ka maaji ma waiwan lili riito.

2 KAÜWA WERAÜ 15:2

Kiimaq apaiq ka Hokhamwe Asa rai riihumkito. Raüta apaiq raq akha riimto, “Hokhamwe Asa lei, i bom ara tai laq. Kiimaq namshiq Juda mungti nai Benjamin mungti raq tairong laq! Namshiq ka Tatiwe rai sihan jiila, Tatiwe ka namshiq rai adam misi. Namshiq raq apaiq rit han la apaiq raq namshiq ma apaiq ka mitiihum kuq. Shatmaq namshiq ka apaiq wokhong wa juho han jiila, apaiq raq namshiq ka amiim mirbaiq.

2 KAÜWA WERAÜ 24:20

Kiijiishe Shiikeawe wenyi raq ramwe Jehoiada se Jekeria ka rom wanto. Apaiq ka mungmaiqse raq rashra chhili chang hiq ba na chapto. Raüta akhiishe riimto, “Tatiwe Shiikeawe raq namshiq ma akha waitlo namshiq raq apaiq aming thun ka jam nguto jin baiq lan. Lantea namshiq maiqmii khuthaq na chongthum mat dong ka jaram wa tiisaüho lan! Namshiq raq apaiq miimbaiq lan. Kra ningkhan apaiq riimin namshiq ka miimbaiqto she!”

NEHEMIA 13:23

Kra akhing na hali ngi raq, Jehudinok phong wa maiqwere pahea raq, Ashdoknok sheare, Ammon nok sheare, kiimaq Mobnok sheare lam wan raüta sitlo nguta tho ka lapkang.

Tvtsvmc 106:35

shatmaq tsangshiq raq tsangshiq rai sikherü jato raüta tsangshiq thatsang thunglai lang wanto.

DUNGWVNC 22:18

“Jechak re nyungshi ra raq mintin klo raüla, apaiq ka atsea baiq ratlo.

DUNGWVNC 34:16

Kiimaq namsetiim raq pong mung maiqse sheare kra molam wan she moraq miraq. Raüla kra nyungre raq tsangwesetiim ka Ngi miimthü raüta lamjiq niishe misheaho. Raüta tsangshiq thatsang phra kong kriishe mitiishomnoqho.

TAKSU LAK 6:1

Ise lei, ümkongtiwe thiitham kra, midokkuqha nguta, ümkiq khamkuq laü shea?

ISAIA 14:29

Philistain mungti lei, namshiq tseachang chongwai ka angoq she riikito. Shatmaq namshiq chochi chang ka ahü. Paü kaü ashi kra tsaikai jai ka, kriithaq na bihea kaüshi hali dong wantlo. Raüta tiisong watlo. Paütai poshi kiiwiika wrakong prenkaü she tho nongtlo.

ISAIA 8:19

Shatmaq maiq raq namshiq ka maiqjaq liitibi kiimaq wulum rai riibomti tha shammibi raq thatam raüta riisham bom chongtlaq kriiti phana riisham bom tiiwaikai mitiiki kiiphanjo. Tsangshiq raq, “Maiqse ngutlaq ka tewe shammibi nai peta loqlebi phaniika kaichang dongdii. Raüta maiqse atrati miitu maji bomchong kriika taichang,” nguta mingu.

JEREMIA 10:2

Apaiq raq ngutlo, “Maiq mung ahinti thun rilung lamphan kra naq phan rongkiq; ra na maiq wang chang tiijishitlaq thun kriima naq wangthang rongkiq, maiq mung ahin thun phiip raq tsai raümin.

JEREMIA 12:7

Tatiwe raq ngutlo, “Ngi raq Israilnok ka miimbaiq kang she; ngi raq atsea wanhanok mung ka tiishaübaiq kang she. Ngi raq lungwiitiikangnok ka rewe jaq khon mong na kiinong kuqbaiq kang she.

AJONJÜ 5:20

Ümniiraq naishiq ka jam nguto, rahiq luhea she miimbaiq wan laü? Ümniiraq naishiq ka, thongshi ri tsan na mitiima wan haü shea?

LEWI 19:31

“Wulum rai bom riichong raüta tsii chongketibi phana namshiq ka langtliikai naqki rongkiq. Namshiq raq kra klo hanla namshiq ka ashe apii miishe mijaki han. Ngi ka Tatiwe namshiq Shiikeawe.

LEWI 20:6

“Kiimaq maiq ashi ra raq wulum rai riibomti shammi rai, lang tliiki raüla, Ngi ka apaiq ma wesang miishe mijaha. Kiimaq Ngi raq apaiq ka isengi nguta wea mang she mirha.

Mikha 5:11

Nammung wa chela thun ka run lata, retiip thun kiimin mishthen baiqha

Mikha 5:12

Namshiq raq mintin kloke chang thun wiita mitiithum baiqha. Namshiq jaqliiketi tewe shammi ahü she miraq.

JEPHANIA 1:8

Tatiwe raq ngutlo, “Kra maiqjiipbaiq ranaiq, ngi raq ajong alabi, hokhamwe setiim, kiimaq pongmungti thunglai langtibi thun, kriima imo mitiihoha.

WEAWEA 23:7

Balaam raq akha riisham bom chongto: “Balak Mob mung hokhamwe raq ngi shea wato Siria mung wa, shedong mung pum tonglong hiq wa. ‘Kira laüta ngi miitu chonglaq,’ nguta apaiq raq nguto. ‘Laüta Israilnok mung thaq na mansonlaq’

Romans 11:20

Kriika riikhaqli tengto dea. Tsangshiq ngei baiq rat wantaq kriika, tsangshiq raq kamtsantsii thü wan mak kha na, ngeibaiq wanto. Kiimaq ümchaü namshiq ka tsangshiq cham chang chong na triiche cham tlan. Arka namshiq raq kamtsantsii thü tlan kra kha maq, tiichamkuq wantlo. Shatmaq, kra miitu namshiq ka naq shiikong rongkiq. Ashkong wan la na, namshiq ka tiihaisong shatmaq khoti singa ronglaq. Kra riihan jiika, namshiq ma ahea miraq.

1 SAMUEL 6:2

mungmaiqse raq ramwebi nai mintin liitibi ka heato raüta waito, “Tatiwe Tongshong Tek ka jamkhiishe wa miriirong i? Nashiq raq kra thüchü chang ba kiina tiiwa baiq nong hai jiika, jamlai phan kuqlaito mitiiwa rong i?”