ISAIA 13:2 - ASII LAKDAP Bible (BSI)

² Hiqlam kealoklok thaq na redong tanglap kra shonglaq! Laüta agi lülü phenlabi ka riimlaq, laüta rekhat ho ma hünong buklaq! Tsangshiq raq shiikonghea chela kilamchong thun kriimaq mikhat wanlaq.

Hawa Naga Bible 2001

² Ghaq luimx poz htauk nuex nganc dvmx kuex tsomz shuinz! Nolaungx bix kuex ramc shuinz, ngamc ngax yaq ghaqyungx kaluix kuex khvt tvkoc tsuingshiq muex tvtsuingc juing m-yaungx kueq nuimshiq yauk phumz tvjvp wuez shuinz.

ISAIA 13:2 Referencias Cruzadas

Tvtsvmc 60:4

Ümniiraq ümnaq shrengtibi ma honlam bom chongkuq laü, tsangshiq ka re jaq na jiim wan mak chang miitu.

ISAIA 10:32

Ümchaü ranaiq rekong ka Nob chela na. Raüta kiimaq tsangjaq tham ka Jajon chela phanü na nei raüta baitlo, Jerusalem chela na nam raüta baitlo.

ISAIA 11:12

Tati raq tanglap ashi ra na doraüta misham. Raüta miithii ma mishong. Arka apaiq raq maiqmung thun ma, Israil mungti nai Juda mungti ka, mangjong tlotli na, shedong shenyap kiimaq shekhu shemai mung na, anyin baiqrat kiiwa adam niishe triichom wan nong tiikang nguta tiichhike wan saqse.

ISAIA 11:15

Tati raq Suej khamjong chum anong wa kra atrü mirbaiq. Kiimaq apaiq raq rahai keihea tiihai raüta Euphretis rai ka tiishinriiq mitriibaiq. Raüta juse raisetiim aransetiim raimiishe kli mitiichong. Krai mren maiq wiita raq jeriiqriiqhea reko maq riita reko na mijin wan.

ISAIA 18:3

Taironglaq, mangjong hiq na siti maiqse angu wiita raq! Pumkaütiim thaq na miithii tanglap ashi she mishong wan! Tiitsang taishat maq rekhat ho ma aranphan paison lerong tsütlo she!

ISAIA 19:16

Akhing ashi misaü wan Ejip mungti ka jechak nyungre ikha puqsut haisu miraq. Ajong Pinthum Tatiwe raq ajaq ka ra na doraüta tsangshiq ka chongwai maq atsat-ho kra chhi raüta tsang haisitsi ma atiikhai rokrok miraq.

ISAIA 31:9

Tsangmung pengti hokham ajongwe ka phiip raq tsai raüta aju mir wan. Kiimaq phentubi thun kiimin phiip raq mitsai. Kra ningkhan tsangshiq raq rekhat tanglap kii thun kiimin baiqthü raüta mipin wan.” Arka Tatiwe raq toqtantlo. Jerusalem na shomnoqtlaq Tatiwe raq raq ngutlo. Kiimaq apaiq raq achaq wa ka kiijaq na honglu take miitu nyaishat nyaitlo.

ISAIA 5:26

Tati raq pongmungti luhea wa raüpot pheakuq raüta mitiihea. Apaiq raq ajaqshi tsü raüta tsangshiq hiq tiisup ra tiisup mung thun wa warongra nguta tiiheatlo. Krai mren tsangshiq ka arjaq jaqlo thitthit she saühotlo!

JEREMIA 50:2

“Maiq mung thun ma tsütsa ka chonglaq! Chiiriim laüta chonglaq! Sinthii shong laq laüta tsütsa ka tiitailaq! Arka apaü laüta naq thükiq! Aphrakaü Marduk ka tiibun tiiqbaiqto she! Bebilon wa sumla phra thun raq jea ngaüto she, aphra kong maiqphai asi thun ka wiita tiibunbaiqto she!

JEREMIA 50:41

“Maiq ka shekhu nü mung maq kitlo, maiq mung ashi ningkun jonghea hoti luhea wa; hokhambi pahea re chap süriihotlo.

JEREMIA 51:12

Bebilon chela ruk thun kra run miitu jaq maq jap lanta tiichhi kuq ronglaq. Phenlabi ka apa maq tiikhe ronglaq! Kintsongti thun ka tsong ronglaq! Bom hai lanta tiikheli ronglaq!” Tatiwe raq Bebilon mungti khuthaq na jamlai mikloha ngutiiwa chongtaq, kriika kloto she.

JEREMIA 51:25

Bebilon lei, ümniika pumkaü jonghea ashi raq mangjonghiq tlotli tiithenbaiqti ikha. Shatmaq, Ngi, Tatiwe ka ümniima wesang. Ngi raq ümniika rangho lata, hiq na tiipili she misoq baiqha. Lata botkhulai rai mishot baiqha.

JEREMIA 51:58

Ningkun ajong Bebilon ruk thun ka hiq na tiiphongtsok mitiibunbaiq, raüta ruk diiluhea ruk kilü thun wiita, wa maq hihut michaqbaiq. Maiq mung thun jaqsham ka atuli she mithumki, tsangshiq raq minshiiqtaq ka wa maq chaqbaiqto. Arka Ngi, Tati Ningkun Ajongwe raq toqtan tiikang.”