ISAIA 13:11 - ASII LAKDAP Bible (BSI)

¹¹ Tati raq ngutlo, “Ngi raq mangjong hiqraikhü na chamchao jonghea mitiisaüha. Lata abi kloti thun ma tsangshiq ngarai kha miitu mo mitiihoha. Ngi raq shiikong miilongti thun loweatek ka aranse ma mitiijaha. Kiimaq wanshak shakti nai maiq ka jimaq nishishiti thun ma mo mitiihoha.

Hawa Naga Bible 2001

¹¹ Yehowa rueq, “Ngaz rueq ghaq nuex thuimkux tvhttuiuc vtueq miqyaq jix lotlaz tsuingshiq mvrax htenc kvruex laung nuex murx tvgurc shaungx. Ngaz rueq ngamc boq jix miq ruip rawx kuex tvyomx gay ruiux thuinz tvyungc vtueq batac yaq jix htenc muex murx tvgurc shaungx.

ISAIA 13:11 Referencias Cruzadas

YOBA 40:12

Kriq, tsangshiq theaphi na liilaütli tsangshiq ka tiidea baiq laq; abi ati maiqse ka tsangshiq chap chang kiijiili tiinamtok tiiqbaiqlaq.

TAKSU LAK 11:31

Kechu maiqse raq mangjonghiq miili, poksi lapwan tlaq jiika, abi kloti nai ngarai tangti riika, chamchao mo ka miho dongdii.

TAKSU LAK 8:13

Tatiwe shreng ngutiikai ka, abi kiimung thun ka saisi raa. Ngi raq shiikong tsii nai khünga tsii ka saisi tiikang. Abi lamphan nai arot bomtsi kra saisi tiikang.

ISAIA 11:4

Apaiq raq miitsan maiqse kha ka tingting miphokuq. Kiimaq ümkha ijasiqti maiqse arang ka mitiiwongkuq. Apaiq aming maq mungmaiqse ma mo mitiiho, krai mren abi maiqse thun ka mitsai.

ISAIA 14:21

Maiqjiip baiq wan jaqsham arshe miphaja wan laq! Ara hokhamwe saüsetiim thun ka wiita mitsai. Jamkhano ngukla tsangtitiim raq ngarai pahea tang wanto. Asetiim phong wa ashi ra riimin mangjong hiq na hokham ma jawan lot mak she miraq. Kiimaq mangjong hiq na chela thun teiwan lot mak she miraq.”

ISAIA 14:5

Tati raq abi hokhambi ningkun thun ka tiithen baiqto she!

ISAIA 2:11

Ranaiqshi akhing misaü wan, kra saü wan raüla, maiqse shiikonglong ka athum she mirki. Kiimaq maiqse han-ngam khiilataq hon atsii thun ka wiita she mitiithenbaiq wan. Kiijiishetiq Tati khushü kli she mitiijong wan.

ISAIA 2:12

Kra ranaiq akhing na, Ajong Pinthum Tati raq ajong ala maiqse angu thun wiita loweatek kiimaq shiikong miilong siti thun loweatek kra kiimaq akhü tiinga raüta ngi dea ajong nguta sitlaqti thun kra wiita ma jea mitiingaü.

ISAIA 2:17

Maiqse shiikong longtlaq thun kra athum she mirki kiimaq maiqse lanphan doqdit siqtlaq thun kra wiita atiithen mirbaiq wan. Sumla phra phong thun kriika tiisiirai she mimoki. Kiimaq kra ranaiq akhing na Tati lamlam kli she mitiijong wan.

ISAIA 22:14

Ajong Thaq Na Ajong Pinthum Tatiwe raq ngi ma akha nguto, “Ara abi kiimung arka tsangshiq atra sitlaq wiiwii, mra ka diike maimak. Arka Ngi Ajong Thaq Na Ajong Pinthum Tatiwe raq ngutiikang.”

ISAIA 23:9

Arka Tati Ajong Pinthumwe raq thapthi wanto. Tsangshiq raq shiikongkhiq maq jamlai phan wa klowantaq thun kra miqchup tiithenbaiq miitu apaiq raq toqtan wanto. Kiimaq tsang mungti aki miikiimbi thun kriima jea tiingaü miitu kloto.

ISAIA 24:21

Akhing ashi misaü wan, raüla Tatiwe raq ra na siti ningkun hotibi nai mangjong hiq na hokhambi ma mo mitiiho.

ISAIA 25:3

Ningkun jonghea rümti maiq mung thun raq ümmaq mitiitsam; maiq mung thun bihea phan chela thun na sitinok riimin, ümniimiika phiiptsi rakrak mihaisong.

ISAIA 25:5

Rarin rawii na wak ram wa hiq shinriiqriiq ikha riito, Shatmaq ümnaq, Tatiwe raq, naijaqtinok tiikaiqshak khatbaiqlaü. Ümniiraq maiq tiichamchaoti abi maiq thun rütrang ka tiitsaqbaiqlaü rashekiihea na phumda raq tiinyamtlaq ikha tiinyamlaü.

ISAIA 26:21

Tatiwe ka apaiq sichang ramungtan jam maq aki saühotlo she. Apaiq ka mangjong maiqse raq ngarai thun klo khana tsangshiq ma mo tiihokai kitlo. Mangjong hiq na ahukse maq maiq atsatbaiq thun ka wiita mitiichhikuq. Kiimaq maiq ümchu wa tsatbaiqtaq thun ka hiqraikhü riimin paülot mak she miraq.

ISAIA 29:20

Kra akhing ka nanok tiichamchaotibi kiimaq Shiikeawe shummiitibi thun miitu ka rilung thum akhing she miraq. Ngarai maiqse loweatek ka atsea she mirbaiq wan.

ISAIA 29:5

Jerusalem lei, pongmungti phenlabi tlotli ümnaq khat wati thun ka botkhulai rahai raq pan wantlaq ikha, wiita mipan wan. Kiimaq tsangshiq nok phenlabi phiiptsi jiiptsi sitlaq kriika rahai raq tsamkü wun pan wan tlaq ikha wiita mipan wan. Tiihanghiiq miili kiimaq tiidong chhaq miili

ISAIA 3:11

Shatmaq abi klotibi thun ka miqto she. Tsangshiq raq nanok ma jamlai ashut wa klotaq kriithun ka tsangshiq miishe mijang kuq wan.

ISAIA 5:15

Maiqse angu tarü khushü mijam, kiimaq shiikongkhiqti thun ka aran miishe mitiijabaiq.

ISAIA 65:7

Tsangshiq ngarai thun nai tsangtitiim ngarai thun kra miitu. Tsangshiq raq kin na thatsang berong chong thun na homseng honglu kuqto. Raüta Ngi ma ngengseng bombi kiqsü kuqto. Kriikha na Ngi raq tsangshiq ka man na ngarai ümchuwa tang wantaq kra phan phan mitiicham chaoha.”

JEREMIA 48:29

Mob ka kai shiikongtlo! Ngi raq tsangshiqnok ka pinthum shiikonghea, khüngahea, kiimaq tiishomrahea pinthum nguta taikang. Tsangshiq raq maiqmii jonglu tiitsaki kli saptlo.

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

HABAKUK 2:4

Bomtsi chongtiikang ka ara waiq laq: ‘Abi ati maiqse thun ka atsai mirki; Shatmaq kechu maiqse thun ka atra misi wan. Jamkhano ngukla tsangshiq ka Shiikeawe bom, tsapkapkap maq langtlo.’”