ISAIA 11:4 - ASII LAKDAP Bible (BSI)

⁴ Apaiq raq miitsan maiqse kha ka tingting miphokuq. Kiimaq ümkha ijasiqti maiqse arang ka mitiiwongkuq. Apaiq aming maq mungmaiqse ma mo mitiiho, krai mren abi maiqse thun ka mitsai.

Hawa Naga Bible 2001

⁴ piq rueq htemc saz jix muex tvrac vlvmz maq phox kuq ruiux thuinz tvyomx jix muex tvkhup wungx kuq shuex. Piq rueq nvr yaq kvjaz kvmaq miq htenc rueq murx gurx shuex, layx bac jix miq kuex vthueyc rvhumc tuex.

ISAIA 11:4 Referencias Cruzadas

2 SAMUEL 8:15

Dawit raq Israil mung tlotli ka pengto. Kiimaq apaiq raq asengi mungmaiqse wiitarü ka mren mra chhaq kiimaq tingting tri raüshi maq shin raüta peng wan miitu shiithuk wanto.

YOBA 15:30

kiimaq apaiq ka ranyaq mong wa lun wan lot mak she miraq. Apaiq ka pechong ashi akü ako thun ka wa maq achaq baiq wishe ikha miraq, apü alii thun ka wiita rahai raq apan wan wi she ikha miraq.

YOBA 4:9

Rathaiq watlaq ikha, Shiikeawe raq tsangshiq ka atsankhiq tsi ma tiimiqchup she tiithen baiqto.

Tvtsvmc 110:2

Tatiwe raq Jajon chela maq ümhokham ningkun ka mitiijong. “Ümjaqtinok thun ka penglaq,” nguta apaiq raq ngutlo.

Tvtsvmc 18:8

Akhüpu maq wakhuk mong wanto, kiimaq tsekhi wakchaq walü nai wacha mong wa wachan henghea ka anübok maq dong wanto.

Tvtsvmc 2:9

Ümniiraq tsangshiq ka jin chongwai maq bunlak mibukbaiq haü; laüta hamliitak ikha wiita mitiibun bukbaiq haü.’”

Tvtsvmc 76:10

Maiqse tsankhiq riika ümnaq tiitsamkam tiijong wan chang li saütlo; re jaqsong atiichongti raq ümnaq shomra poi thun kra milang wan.

ISAIA 1:17

Laüta tingting jaqsham kra shrinlaq. Liilaq, riikhaqli tingting jaqshamlaq. Di ama ikha maiq raq tiichamchaotlaq kra khrumlaq. Thüm waq mantise re ma tsangshiq raq jamlai phan lap phaq sea wan chang wa sitlaq kra khashkhaq kuqlaq. Kiimaq manti nyungre kra tiikhup wongkuq shat maq riimlaq.”

ISAIA 13:11

Tati raq ngutlo, “Ngi raq mangjong hiqraikhü na chamchao jonghea mitiisaüha. Lata abi kloti thun ma tsangshiq ngarai kha miitu mo mitiihoha. Ngi raq shiikong miilongti thun loweatek ka aranse ma mitiijaha. Kiimaq wanshak shakti nai maiq ka jimaq nishishiti thun ma mo mitiihoha.

ISAIA 14:30

Tatiwe ka asenginok miitsan maiqse phong khuthaq na sku rümtiwe miishe mija. Raüta tsangshiq ka awokhong na hansang miishe mirüm wan. Shatmaq apaiq raq namshiq Philistainnok mung niika ramdong henghea mitiidong. Kra ramdong raq namshiq ka weshi min atra tiichong mak miraq.

ISAIA 16:5

Kra akhing na Dawit saüse phan phong wa weshi ka hokham ma mishong wan. Raüta apaiq raq mung ka tsapsaü kapse maq nai lungwii tsantsii maq mirüm wan. Apaiq riika tingting kappe tri maq mung mipeng wan. Kiimaq apaiq raq tri khaqkhaq sham raüta mung mipeng wan.)

ISAIA 2:4

Apaiq raq maiq mung jonghea hea liipan na kha dongtlaq kra miphokuq wan. Tsangshiq raq tsang nep jasai thun ka thaiwi pen thun miishe mitiiq wan, kiimaq tsang piq thun ka adongton chang saikiip thun miishe mitiiq wan. Maiq mung thun liipan na re dongmak she miraq, chiq chap rechap ka ümtiikiimin sürii mak she miraq.

ISAIA 26:6

Juwa maiq raq ji maq nishishi haihiitaq, kriiti raq ümchaü kriithaq maq khumtlo;

ISAIA 29:19

Miitsan maiqse kong nai sobsob bom bom maq siti maiqse thun riimin thongshiri hali Tatiwe, asii Israilnok Shiikeawe raq kuq tlaq chochi rilung kra milap wan nong.

ISAIA 3:14

Tati raq asenginok nyungwere thun nai mungtubi thun ka rung na khapho miishe tiichap wantlo. Apaiq raq tsangshiq ma kha ka ara nyantlo: “Namshiq raq spiqro thun ka wiita hukphaqsiq wan lan. Lantea namshiq jam thun ka miitsan maiqse jaq wa nyea wan lan tsiiq anyam raq amashe sitlo.

ISAIA 30:28

Apaiq raq akhaki na rahai jüchhang wa ikha jonghea tiiwatlo. Raüta phanrap hutjok tsuq wantlo. Kriiraq maiq mung thun ka miqchup tiithen baiqtlo. Kiimaq tsangshiq raq abi kiimung süriitlaq thun ka wiita tiithen baiqtlo.

ISAIA 30:31

Asirianok ka Tatiwe bom kra tai raüta phiip raq mitsai. Kiimaq apaiq mo tiihotlaq heng wa kra misap.

ISAIA 30:33

Man na rathup raphaji niiphü, ara Asiria mung hokhamwe ara chaq chang wacha ka jonghea hiq bashi na tiijethüje dongdii riito. Kra khobok kaü ka jonghea kiimaq tsaühea. Raüta chin ka pahea ratsan na saüli aphongthü wishe. Tatiwe raq atsitsü ka hea raüta walütu thun ka riijang wantlii mitiidong. Raüta kra chinphong kra mitiinyai chaq.

ISAIA 32:1

Akhing ashi misaü wan, raüla hokham weshi midong. Apaiq raq mung ka tingting tri raütu sham raüta mipeng. Kiimaq mungtubi raq mung ka riikhaq tri raütu sham raüta mirüm wan.

ISAIA 32:7

Maiqjiqti ka abi. Krai mren ashut li kiimungtlo. Apaiq raq arot chong raüta miitsan maiqse ka tiithenbaiq tantlo kiimaq tsangshiq raq lap phaqsea chang kriimin tangta baiqtlo.

ISAIA 33:22

Kra mokkiitu thun thaq na shongtlaq khea chan chang raütu phong chantlaq kriika atuli she miraq. Khea rahai ma tiithu raüta mokkatu tiikhum chang kriimin chanlot mak she miraq! Nashiq raq renok mokkiitu wa tsiiq tum thun ka tlotli milap wan rong i. Kra sepat lopi tsiiq ka pahea kha maq aküwe rii saqseng min asi. Tatiwe apaiq kli she na mung na hokham miraq. Apaiq raq nashiq mipeng wan. Kiimaq nashiq ka mitiiwong kuq wan.

ISAIA 40:7

Sangphii ka jungkitlo kiimaq pepüro ka mutkitlo, Tatiwe raq tsangshiq thaq na ra tiihai raüjaq. Maiqse ka sangphii rü ikhli alu kham mak.

ISAIA 49:2

Apaiq raq ibomtsi ka jasai ikha siraüraü tiijato. Apaiq jaqkhong maq ngi ka tiikhup wongkuq wanto. Apaiq raq ngi ka liqsinkii ikha tsaito, sihea kiimaq ahiip homa tiijeje thütlo.

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

JEREMIA 33:15

Kra akhing na, Ngi raq Dawit saüse phan wa, kechu hokhamwe ashi mishongha. Kra hokhamwe raq tingting kappe sham raüta mung tlot li ka mipeng wan.

JEREMIA 5:28

Tsangshiq ka jaro apütamli kiimaq wok phetaktak. Tsangshiq raq abi kiimungtlaq thun awealot chang riimak. Tsangshiq raq manti sekong ma tsangshiq raq lapphaq sea chang ka kuqmak riimakla ji maq nishishi haithütlaq kriiti ka kha ka riikhaqli phokuq mak.

Hosea 6:5

Arningkhan Ngi raq ijaqshisetiim shammibi, namshiq phana tiikikang, isintsang saühotlo nguta tiichongkikang. Namshiq mishthen baiqha she nguta, atsi dada tsütsa tiichongki kang.

JEPHANIA 2:3

Tatiwe wokhong na jang rong laq. Namshiq tsannin woknin maq shongti, singmung maiqse lei; apaiq aming thun langtibi; tingting jaqkli sham ronglaq. Kiimaq Tatiwe makki na aran ma jaronglaq, jursap Tatiwe raq atsankhiq tiichhi tlaq ranaiq na, namshiq ka mipaükuq lo riila.

MALAKI 4:6

Apaiq raq awetiim ka asetiim rai adam na hali mitriitam wan nong. Kra riimak nguraü ka, ngi saüho lata, nammung ka shiithenbaiq chang mijaki.”

Matthew 11:5

Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.

Matthew 5:5

“Juwa saksi minmi sitlaq kriiti ma chochi; Shiikeawe kiqkham ka tsangshiq raq milap!”

Acts 9:1

Kra bala siili, Saul raq Tatiwe sengi thun ka, tiikot mrot rit raüta, atsea ata tiiphiip miijiip, shiikeng wanto. Krai mren, apaiq ka Ramwe Ajong Pinthum we phana wato.

2 Corinthians 10:1

Ngi Paul raq pumsii maq, namshiq ma ara bomtsi tiitai tiikang. Ngi ka namshiq rai mantut na sitiikang niika, tsan nin woknin we ikha sitiikang. Kiimaq nyea jokjok we nguta liiwan tlan. Shatmaq, kiimphai she tiijaiho latiika, kiqla hiip-hii we miishe jaki tiikang. Jesuq Khristo raq akuq, sobsob bom bom hon atsii nai mangchan tsantsii maq, ara namshiq ka tiijom na lata bom rai tiikang.

Galatians 5:23

sobsob bombom, kiimaq kai stiq skhaq raüta shonga rilung. Ara chong kai thun, Asii Wenyi raq maiqse rilung na, tiitsi kuq tlaq arka, abi nguta tiishut chang thungtri ka ahü she.

2 Thessalonians 2:8

Kra shiikhingti we ka Shiikeawe raq lambaiq raü jiitiq, Abi Thawe kriishe misaüki. Shatmaq, ümtiikiiwa Tati Jesuq kriishe saühojiiq, kiijiishe anübok wa dongtlaq, atsitsü hea nepja maq, Abi Thawe kra misebaiq. Raüta, apaiq khushü walüli ka wa ikha, achhai anyii liliim tlaq, kriimaq mitiithen chaq baiq.

Titus 3:2

Tsangshiq ma tsii ka chongkuq wanruq riilaq. Tsangshiq raq nanok mungmaiqse jumiimin abi bomke ka raa mak. Shatmaq, nanok tarü rai ari aram, kiimaq sobsob bombom maq si ronglaq.

James 3:13

Namshiq phong na taksu maiqse, kiimaq anyan phaqchi rümti sitiikai nguta tiingoti weshi ra asi sha? Sitlan jiila, apaiq raq, apaiq ka taksu maiqse kiimaq anyan phaqchi rümti we dea nguta, apaiq rong arai ka ahea rüm raüta, nanok ma tiichhike chang. Kiimaq maiq rai sobsob bombom maq riibom nai tlaq kiimaq tiichhike chang. Nok abin ma athuk atsom jaqshamke ka tsapkapkap maq sham raüta misi laq.

Revelation 1:16

Ajaq jaqtsi nü niika, raiqsaiqpo miishi shamtlo chhikang. Kiimaq anübok miika, nepja siimhap ri na aniq asi, sihea dong tlo chhikang. Atheaphi ka rashe ranaiq shethung bala kiirai tlaq ikha, henghea lirai tlo chhikang.

Revelation 19:11

Kiijiishe, ngi raq ramungtan ka atiidi raü chhikang. Kiimaq kiijaq kumrang alü kaü ashi chap raü chhikang. Kriithaq na chaoti we mang ka Tsapkapkap nai Riikhaqli nguta ngutlo. Apaiq riika tingting maq kha pho tlo. Raüta re ka khattlo.

Revelation 19:15

Apaiq nübok wa siraüraü nepja ashi dongkito. Kra nepja maq apaiq raq mangjong tlotli ka long raüta mitang. Apaiq raq tsangshiq khuthaq na jin chongwai kii shamshat maq mipeng. Kiimaq apaiq raq Ajong Pinthum Shiikeawe tsankhiq spiqtsi tiikitchang longtham na mitiikit baiq wan.

Revelation 2:16

Ümchaü min, namshiq ngarai lam wa jang wan tlo ronglaq! Jang wan man jiila, ngi ka namshiq phana jaqlo miili mikiha. Lata, jurwa i kiq khii tlaq kra, i nübok maq adong nepjasai maq milong kiha.