ISAIA 10:16 - ASII LAKDAP Bible (BSI)

¹⁶ Ajong Pinthum Tatiwe raq tha tiidong raüta ümchaü wok phetaktak siti kiima mo mitiiho. Tsangshiq khum na wa raq khiim wan tlaq ikha khiim wan ruq mikhiim.

Hawa Naga Bible 2001

¹⁶ Tvphaungc Tvsuip Yehowa rueq majuiuc phoay tuik phauk saq yaq jix muex murx tvgurc tvkoc vmac vtsac thuimkux kuex tvkaz shuex. Tsuingshiq shauk pumz nuex wvr httax vtueq kvraq khamc ruq khamc wvnc shuex.

ISAIA 10:16 Referencias Cruzadas

2 KAÜWA WERAÜ 32:21

Krai mren, Tatiwe raq rase ashi tiikito. Raüta Asiria mungti phentu nai phentubi thun ka jiip baiqto. Krai mren she Asiria mung pengti ajong hokhamwe ka jeasi kongtam shi ho raü tiishe tsang mung na jang wanto. Raüta ranaiqshi apaiq ka aphra kaü shomjam na riito. Kriiwa asetiim wiijamti raq apaiq ka nepjasai maq sebaiqto.

Tvtsvmc 106:15

krai mren apaiq raq tsangshiq raq ajaüjaü kuqto, shatmaq apaiq raq tsangshiq ma, phiiptsi chang tha tiidongto.

Tvtsvmc 78:31

kriikha maq Shiikeawe ka tsangshiq ma atsankhiqto kiimaq tsangshiq phong wa koilong koilabi thun tsatbaiqto kiimaq Israil mung wa jerobi ahea pinthumti tsatbaiqto.

ISAIA 10:18

Hiqpo hiqwin rum pero sitlaq thun kra nai wakjam ram thun kriimin wiita mitiithenbaiq, thabitsi raq maiqkhum phaqbaiqtlaq ikha mitiithenbaiq.

ISAIA 17:4

Tatiwe raq nguto, “Ranaiqshi akhing misaü wan, Israil mung jonglu ka athum she mirki. Kiimaq atsiiq tum thun toraüta chiithe jong sitlaq kriika miitsankaq miishe mitiijabaiq.

ISAIA 26:11

Ümjaqtinok riika ümniiraq tsangshiq ma mo mitiihohaü ngutiika sapmak. Tatiwe lei, tsangshiq ma jea tiingaülaq. Laüta tsangshiq ka tiichamchaolaq. Ümniiraq tsangshiq ma mo tiihochang tiije laü kra mihophaqlaq. Ümniiraq ümsenginok ka ümtinkhan wa lungwiitlaü kra tsangshiq ma tiichhikuqlaq.

ISAIA 31:9

Tsangmung pengti hokham ajongwe ka phiip raq tsai raüta aju mir wan. Kiimaq phentubi thun kiimin phiip raq mitsai. Kra ningkhan tsangshiq raq rekhat tanglap kii thun kiimin baiqthü raüta mipin wan.” Arka Tatiwe raq toqtantlo. Jerusalem na shomnoqtlaq Tatiwe raq raq ngutlo. Kiimaq apaiq raq achaq wa ka kiijaq na honglu take miitu nyaishat nyaitlo.

ISAIA 37:29

Ngi raq ümnaq hokho tlaü thun kra, kiimaq ümnaq shiikongsiq tlaü thun kra, tsütsa ka lapwan kang she. Riita ümchaü min Ngi raq ümkhü na jin raükom miishe miwa kang. Lata ümnübok na kumrang nübok na tiikaq chang jinpo kriishe mitiikaq kang. Lata ümnaq ana ümra lam mo kilaü kra lam phan phan hali mishea wan nong kang.”

ISAIA 37:36

Tatiwe rase ashi ka Asirianok phentiip teitlaq kiijaq wawanto. Raüta phenlabi ka 185,000 jiip baiqto. Anap ranap chu miishe, kra tsangshiq phentu piitiip na tsangshiq ka wiita miqchup amaa phongli she jiimto!

ISAIA 5:17

Chela thun hiqmiq changkhü ikha riimtlaq kiijaq skusekong aransetiim ka sangphii phaq mihaisiq. Kiimaq chhechhi aresekong raq sangphii nümrü kra miphaq.

ISAIA 8:7

Arkha na, Ngi Tati raq Asiria mung Hokham ajongwe nai aseng phenlabi thun kra tsuq walata Juda mung kra mitiikhatha. Tsangshiq ka Euphretis rai chhang wan raüta jüraikii tan thun tümlüm tümli lümwantlaq ikha milüm man.

ISAIA 9:4

Jamkhano ngukla ümniiraq tsangshiq dangkong wa homai laihea chicho kra ngoqbaiqlaü, tsangshiq phaqlam na tsatchang sintsang kra ngoqbaiq laü. Ümsenginok ka ji maq nishishi haihii wantinok mung ka ümniiraq tanglaü she. Arka ümniiraq richü pat na Midian mung phenlabi khat laüta tanglaü ikha tanglaü.

ISAIA 9:5

Rewe phenlabi hokpa thun ka kiimaq tiijai da tamtili tsangshiq miirii thun ka, wa miishe chaq raüta mitiithenbaiq.

JEREMIA 21:14

Shatmaq ümniiraq jamlai wa ashut klolaü kriikha na Ngi raq ümniima mo mitiihoha. Ngi raq ümhokham jam ka wa maq michaqha. Krai mren wa raq kra jam ka trotam maq bunlak mikhiimbaiq. Arka Ngi, Tatiwe raq toqtan tiikang.”

JEREMIA 48:14

“Mob mungti lei, namshiq ka jam nguto srea nolabi nguta tiitsakitlan, rekhat na alankaiwi she nguta tiitsaki rai tlan nya?

EJEKIEL 34:16

“Rum na miikitaq thun skusetiim ka arit mirkiha. Lata jam na misheawan nongha. Ami atsi tiibuktaq thun kra tsiq maq aphum mirkuqha. Lata ami ba ka khea maq ajop mirkuqha. Kiimaq atsi asiti thun ka atiihea mirkuqha. Shatmaq piitatati thun kra kiimaq ahong alati thun ka atsea mirbaiqha. Jamkhano ngukla Ngi ka riikhaqli tri maq skusekong rümtiwe.

NAHUM 1:12

Tatiwe raq asengi Israilnok ma chongtlo: “Asirianok ka srea nola, maiq pahea li jiimin, tsangshiq ka wiita mitsatbaiq, raüta tsangshiq ka athenshe mirki. Isenginok lei ngi raq namshiq, tiichamchao kang, jai na tiichamchao mang she.

JEPHANIA 2:13

Tatiwe raq apaiq ningkun, jonghea rümtlaq kiimaq, Asiria mung ka mijiip baiq. Apaiq raq Ninewi chela ka, shaqmii shinriiq kumtsaiphii ma mitiijabaiq; khu akham min ahü hiq ma mitiijabaiq.

JEKERIA 7:4

Riita Tatiwe bom ka ngi ma akha tiisaüto.

Acts 12:23

Kiijiishe tiihanghiiq miili, Tatiwe rase raq apaiq ka tiikhiqlaq tsat baiqto. Apaiq ka Shiikeawe raq jamkhano tsatbaiqtaq ngukla apaiq kra khoti Shiikeawe ikha tiishom ra wanto. Kriikha na tsatbaiqto. Apaiq ka ajong ajii raq phaq raüta tsaito.