Hosea 7:7 - ASII LAKDAP Bible (BSI)

⁷ Raüta tsanghokham ka tsatbaiqtlo. Tsang hokham thun weshi shi maq tsatbaiq wanto. Shatmaq jurmin ijaq wa achu wan mak riitlo,” nguta Tatiwe raq ngutlo.

Hawa Naga Bible 2001

⁷ “Tsuingshiq thuinkhvy kuex kalc hvlc raz tueq tsuingshiq guimz lawc jix htenc kuex thvt gay tueq. Tsuingshiq hokhvmx bix vshiz maq vshiz kuex khuyx vtueq thvt gay tueq, yuq muinz romc kuy tvkoc vshiz raung rueq muinz ngaz kox wawc vjux thoz wuez muq.”

Hosea 7:7 Referencias Cruzadas

1 HOKHVMX 15:28

Ara mra pintaq arka Hokhamwe Asa raq Juda mung na hokham jawan li maq rawii wiitsam she angu na riito. Kiimaq arningkhan she Baasha ka Nadab pumsong ma Israil mung na hokham ma shongto.

1 HOKHVMX 16:18

Kiimaq kiijiishe Jimri raq Tirja chela ka Omri phenlabi riishe jiiwanto nguta chhiraü tiishe, apaiq ka hokhamwe jam jam mong khok peruk mong kiiniishe nyap wato. Raüta hokham jam ka wa maq chaq baiqto. Raüta apaiq kiimin walü mong na khiim wantlii she tsaito.

1 HOKHVMX 16:22

Atiisup niishe Omri rai pongdamti riishe tangto. Tibni ka tsaito. Raüta Omri ka hokham ma shongto.

2 HOKHVMX 10:14

Kiijiishe Jehu raq asengi ma, “Tsangshiq ka atra maq lap rong laq!” nguta aming kuqto. Kiimaq asengi raq tsangshiq ka lapto. Raüta apaiq raq tsangshiq ka kiijaq hiq khobok ashi asi kra tho na tsatbaiqto. Kiijaq tsangshiq maiq tlotli ka roqblai ri wenai riito. Kra phong wa maiq ka weshi dongdii min atra tiichongmak tsatbaiqto.

2 HOKHVMX 10:7

Krai mren, Jehu raq atiiwan lak ka lap raüta sanha, Samaria chela riimti mungtubi raq Ahab saüsetiim maiq roqmiishi ka wiita tsatto. Raüta tsangshiq khupo thun ka raqhii mong na miiraüta, Jehu ma Jejreel chela niishe tiihohoto.

2 HOKHVMX 15:10

Kiimaq Jabesh se Shallum se raq lule klo raüta Hokhamwe Jekeria ka thiikho na tiidea baiqto. Raüta apaiq ka Ibleam hiq maq tsatbaiqto. Raüta Shallum ka hokham ma shongto.

2 HOKHVMX 15:14

Gadi se Mehanem ka Tirja maq Samaria chela na waraüta Shallum ka tsatbaiqto. Raüta apaiq ka Shallum song hokham ma jato.

2 HOKHVMX 15:25

Pekahia sengi phentubi phong wa ajong weshi Remalia se Peka raq hokham ngachang jiiwan miitu akongtibi Gilead wangti maiq roqbiingi rai pong raüta thiikho thuto. Raüta Samaria chela na hokhamwe jam tapmong khok na Pekahia ka tsatbaiqto. Raüta apaiq ka hokham ma jato.

2 HOKHVMX 15:30

Ujjia se Jotham raq Juda mung ka lang wan li maq wiiroqnai she angu na, Ela se Hoshea raq Hokhamwe Peka ka tiideabaiq miitu thiikho thuto. Raüta apaiq ka tsatbaiqto. Raüta Hoshea apaiq ka hokham ma jato.

2 HOKHVMX 9:24

Kiijiishe Jehu raq aliq ka ningkun wiita maq ngutsaq raüta, Joram ka ajai nü maq riikhea hiipto. Krai mren kra liqsin ka Joram raikhü nü maq atsan amongpo ba na tlat chat riito. Joram ka aleng thaq niili tiikhiqlaq chut tsaito.

2 HOKHVMX 9:33

Kiijiishe Jehu raq tsangshiq ma, “Kriinyung kaü ka hiq na dobaiq ronglaq!” nguta riimto. Kiimaq tsangshiq raq kriinyung ka kitanpu maq hiq na riiwak dobaiqto. Krai mren atiijai ka chhit rai raüta jam khechong thun kiijaq nai kumrang kong dü na chhit raito. Kiijiishe Jehu raq apaiq kumrang kong nai kumrang leng thun ka kriinyung maa thaq maq tiijin wan raüta,

YOBA 36:13

Juwa ra weahüti ka akhiq ariq li sitlo, tsangshiq ma mo tiiho raü min khrum laq nguta achu jaü mak.

Tvtsvmc 14:4

“Tsangshiq raq sap mak shea?” nguta Tatiwe raq waitlo, “Ara abi kiimungti kong ka tsang tsii ahü shea? Tsangshiq ka isenginok tek raüta tiidunghiq tlaq kata, kiimaq tsangshiq ka ijaq wa achu jaü mak phan.”

ISAIA 43:22

Tatiwe raq ngutlo, “Shatmaq ümniika iwokhong na si angiishe, Israil lei; ümniiraq Ngi ka shomnoq maü she riilaü.

ISAIA 64:4

Ümnaq akha Shiikeawe ümniima ranphan wantibi miitu atinkhan awang chang jaqshamkuq laü akha shamketi ahin shiikea ka jurmin chhimai shaq riimakla taimai shaqli.

ISAIA 64:6

Naishiq tarü kunli ka ngarai maiqse siisaq. Naishiq raq athuk atsom pinthum jaqsham wan tiikai nguta tiima wan tiikai kriimin namtoktok ngarai namtsamli. Naishiq ngarai ka atinkhan arkha maq naishiq rilung ka pejaq jung wantlaq ikhli jungkitlo. Raüta rahai raq pan wan saqli she pan wantlo.

ISAIA 64:7

Ümwokhong na nyap wan raüta achu jaü wanti maiqse ka jumin ahü. Ümwokhong na nyap wan raüta ümjaq wa khrum jaüwanti ka jumin ahü. Naishiq makki wa ümniika atiipaü she riiki laü. Laüta naishiq ka no niishe tiishaübaiq laü. Jamkhano ngukla naishiq ka ngarai bukaüli sitiikai.

ISAIA 9:13

Ajong Pinthum Tati raq Israilnok ka tsatto. Shatmaq tsangshiq mra ka tiidiimak dea. Tsangshiq ka apaiq wokhong na jang wan mak dea.

EJEKIEL 22:30

Ngi raq maiq weshi ra raq khetuk tiisiiq wantaq kra tiiheati rit tiikang. Khetuk tlin kitaq ba thun kiijaq chap raüta, mung ka itsankhiq walü raq tiithen baiq wan chang wa tiikhup wongkuq raüjaq ahea riichang nguta liisiq tiikang. Shatmaq Ngi raq maiq weshi ra min hum mang.

DANIEL 9:13

Mosheq raq awaiq thü Thungtri lakdap na chongtlaq kra phanphan dea, naishiq ma manson chamchao ka kuqlaü. Shatmaq ümchaü min, O, Tati naishiq Shiikeawe lei, naishiq ka naishiq ngarai lam phan wa ümwokhong na jang wan laita, ümnaq tiichochi wan ka tiima ra mai sitiikai. Kiimaq ümniiraq akuq haü tengteng bomtsi kra phan phan siwan mai riitiikai.

Hosea 13:10

Namshiq tiichhiiti namhokham ümbano? Chela thun pengti mungtubi thun ha? “Naishiq ma hokham shongkuq laq, kiimaq mungtubi shongkuq laq,” nguta jaü wan lan ihata.

Hosea 5:15

“Ngi raq isenginok mimiimbaiqha, lata tsang ngarai miitu riitsi tsaitsiiq mitiichamchaoha, jursap, chamchaotsi ma tsangtsii lo chhijiiq riila, raüta ngi lo rit wan jiiq riila.”

Hosea 7:10

Israilnok maiqmii shiikong ka tsangshiq tiideabaiqti, ümtinkhan wa sintsang tiisaüto, shatmaq tsangshiq ka, Tatiwe jaqkhong na jang wan mak sitlo.

Hosea 7:14

Tsangshiq achu jaü ka tsan mong maq riimak, thatsang maiqse achu jaü ikha jaütlo. Akap atsea hiq na bumraüta hoqsiitlo. Tü nai tsam kiimaq spiqtai miitu achu jaü raüla, Thatsang maiqse raq jaütlaq ikha, jasai maq tsangdü na tiihan raüta, ami atsi tamli phetrang tlo. Tsangshiq ka ngi ma wesang kong!

Hosea 8:4

“Tsangshiq raq hokhambi shong wanto. Shatmaq ngi rai riiwai mak. Tsangshiq ra welabi shong wanto. Shatmaq ngi ma chongmak. Tsangshiq raq kampho nai chaq ngam maq, phra sumla thun tiiq lowanto. Kriika tsangshiq then wan lamtan riito.

Mikha 2:1

Hiqbi kho hiqbi kho! Rawa konhü mat-sü tsasü ngati hiqbi kho! Ranap rawü ho raüla matniq tsaniq jaqshamtlo!