Hosea 7:13 - ASII LAKDAP Bible (BSI)

¹³ “Tsangshiq ka thentoshe! Tsangshiq iwokhong wa juhoto! Raüta ngi rai riilongtlo! Tsangshiq ka chongthum miishe mija. Ngi raq tsangshiq tiichhii wan tiimakang. Shatmaq tsangshiq raq ngi shomnoq ka arot.

Hawa Naga Bible 2001

¹³ “Tsuingshiq kuex vphoc rvhumc yaq! Tsuingshiq rueq ngaz kuex gay shec ruiux ngaz muex khawx lvlx yaq. Tsuingshiq kuex tvbac gay rvhumc tuex. Ngaz rueq tsuingshiq kuex palc wvnc roc, yuq muinz tsuingshiq rueq ngaz muex nawk palx lvmx kuex vyaq rvtueq.

Hosea 7:13 Referencias Cruzadas

NEHEMIA 1:10

“Riita, Tatiwe lei, tsangshiq ka ümsengi, kiimaq ümjaqshise kong. Ümningkun ajong nai aheng maq tsangshiq ka dokda wan laü.

YOBA 22:17

Tsangshiq raq Shiikeawe ka no na tsuq baiqto kiimaq apaiq raq tsangshiq ka jamkhii min riilot mak miraq nguta kamtibi riito.

Tvtsvmc 106:10

Apaiq raq tsangshiq chhiito tsangshiq ngengti jaqkhon mongwa; apaiq raq tsangshiq ka tsangjaqtinok jaqkhon mong wa dokda wanto;

ISAIA 30:1

Tatiwe raq nguto: “Juda mung pengtibi ka miqto she! Jamkhano ngukla tsangshiq ka ipuk wa donghoto. Raüta Ngi raq asürii wanha kiimung thun riimak kra klotlo. Kiimaq ikiq khii raüta tsangshiq maiq mung thun rai pong raüta tongshong wanto. Raüta tsangshiq ngarai phong ka adap adap maq tiipa phongtlo.

ISAIA 30:2

Tsangshiq ka Ejip mungti tijong hokai ngi rai tsii riiwai mak maq kihoto. Tsangshiq ka Ejip mungti ka tsangtijongnok ma tiijakai kihoto. Tsangshiq ka Ejip mung hokhamwe ma kamtlo.

ISAIA 31:1

Ejip mung tijong horaüta ümchuwa Ejip mung na laühotiiti thun ka wiita miqto she! Tsangshiq ka Ejip mung phenlabi ningkun ma kam raüta kihoto. Kumrang kong, kumrang leng phong, kiimaq phenlabi riiphongtlaq kiima kamtlo. Shatmaq tsangshiq ka Tatiwe, asii Israilnok Shiikeawe dü na tiinin mak. Kiimaq apaiq jaq wa khrum min jaü mak.

ISAIA 41:14

Tatiwe raq ngutlo, “Ümniika aranse kiimaq ningkun ajom, Israil lei naqhaikiq, Ngi raq ümnaq mikhrumkang. Ngi ka, asii Israilnok Shiikeawe ahata ümnaq tiichhiiti.

ISAIA 43:1

Israil lei, Tatiwe üm phansangtiwe raq akha ngutlo, “Naqhaikiq, Ngi raq ümnaq mitiichhii kang. Ngi raq ümniika üm mang chong lata heawan kang, ümniika Ngi rii.

ISAIA 59:13

Naishiq ka ümwokhong wa donghokai. Ümkiq khiikai. Ümniika tiishaübaiqkai. Ümjai phan mai riikai. Naishiq raq nanok ka ji maq nishishi haihü wankai. Laita ümwokhong wa ahin na juhokai. Naishiq tiima tsantsii ka arot. Naishiq bomtsi chongtiikai kiimin arot.

ISAIA 63:8

Tatiwe raq nguto, “Tsangshiq ka isenginok. Tsangshiq raq Ngi laomak she miraq.” Kiimaq apaiq raq tsangshiq ka chhiikuqto.

JEREMIA 14:10

Tatiwe raq arnok miitu akha ngutlo, “Tsangshiq ka iwokhong wa juho kli lungwiitlo. Tsangshiq raq tsangshiq tsantsii ka shiikhing tsümak. Kra ningkhan ngi ka tsangshiq ma itsan heamak. Tsangshiq raq ümchu wa shutphittaq kra ngi raq tsan na mithüha. Lata tsangshiq ngarai kha na tsangshiq ma mo mitiihoha.”

JEREMIA 42:20

Namshiq raq ashut pinthum thapthi tlan. Namshiq raq ngi nangnga Tatiwe, nashiq Shiikeawe jaq wa achu jaü kuqlaq nguta chong lan. Kiimaq namshiq raq ngi ma kiqkham kuqlan apaiq raq jamlai aming wa kuqtlaq kra phan phan phanrap miklo hai nguta ngulan.

JEREMIA 51:9

Pongmungti kiijaq sitibi raq ngutlo, ‘Naishiq raq Bebilon mungti ka khrumke dankai. Shatmaq kriika diikiq adea wawi she. Arningkhan apaiq ka baiqthü rong i. Laita nashiq ka jam niishe wawan rong i. Shiikeawe raq Bebilon mung ka aningkun aheng maq mo tiihoto she. Raüta apaiq ka miqchup she tiithenbaiqto.’”

JEREMIA 7:15

Ngi raq namshiq ma namphu namno Israilnok jamkho imakki wa jobaiq kang, kiikhiisiihali namshiq min imakki wa ajo she mirbaiqha. Arka Ngi Tatiwe raq ngutiikang.”

AJONJÜ 5:16

Man niiwa naishiq, liisaü wase rilung khushü thumto she. Naishiq raq ngarai tangkai, kriikha na ümchaü miqkai she.

EJEKIEL 16:23

Tati Rakaü Hiqwe raq nguto, “Ümniika miq laü she! Miq laü she! Ümniiraq abi ümchu klo chang wa klo laü she, laütiishe

EJEKIEL 18:2

raüta akha nguto, “Israil mungti raq ara uqkhiima bomtsi arka jam nguto bliiqkiki chongsiqtla? ‘Anyungwe raq spiqtsi ka ahaiwiq siqto. Kriikha na asetiim riimin ahaiwiq siqtlo.’

EJEKIEL 18:25

“Shatmaq namshiq nga, ‘Tatiwe raq jamlai wa kiimungtlaq kriika riikhaqli riimak,’ ngutlan. I bom chong ara tairong laq, namshiq Israilnok raq. Namshiq nga, Ngi raq jaqsham tiikang arka riikhaqli riimak ngutiisha tiima tlan? Namshiq raq jamlai wa klotlan kriikata riikhaqli riimak.

EJEKIEL 34:6

Kra ningkhan i skusekong ka ku akin thun na kiimaq pum thun na wiita momiikito. Tsangshiq ka mangjong tlotli na wiita tiipin baiqto. Kiimaq tsangshiq ritkot kaiti maiq ka jumin ahü. Kiimaq jurmin tsangshiq riichom ritkaiti ka ahü.

Hosea 11:12

Tatiwe raq ngutlo, “Arot akiq Israilnok jaqsham, lapphaq lusiq tsangshiq thiitham, ngi tro na amashe phong wanto. Juda mungti riimin, tsapkapkap mangchan tsii rümti, asii Shiikeawe kiqkhii sru wan ruqli.”

Hosea 11:2

Shatmaq ngi raq tsangshiq ka itho na warong ra nguta, apa heawan wan riikang la, tsangshiq ka ngi tho wa alu na jajuhoho riito. Tsangshiq raq Baal sumla ma nyamse honglu takuq wanto. Raüta tsangshiq raq sumla phra thun ma, honglu ngamrea chaqkuq wanto.

Hosea 5:7

Tsangshiq raq Tatiwe kai shishe wanto. Tsangsetiim ka siqphinsekong howanto, tsangsetiim ka Tatiwe rü riimak she. Arkha na tsangshiq nai tsangmung ka Tatiwe raq ashthen she mirbaiq.

Hosea 7:1

Tatiwe raq ngutlo, “Ngi raq isengi, Israilnok ka tiichhanchhi wanla, lata arong awinnok ma tiija wan la nguta, tiima wan kang la, tsangshiq ngarai phong kli chhiwan tiikang. Tsangshiq liipan na arot akiq, ahuk arot jaqsham kli chhi wan tiikang. Maiqjam mong na nyapwa raüta, ahuk jawan kli chhitiikang, chiiheawea na thiimeaq daku ja tlaq kli chhitiikang.

Hosea 7:3

Tatiwe raq ngutlo, “Mungmaiqse raq, ashut kiimung raüta tsang hokham laotlo. Luletsii chongkuq raüta welabi, lamjiq na sheahotlo.

Hosea 9:12

Anyungtiim raq tsangsetiim li hum raü min, wiita ngi raq mitsat baiqha. Laihü nyungtiim ma mitiijaha. Ngi raq tiishaübaiqkang miiphat, riitsitsaitsiiq michamchao.

Hosea 9:17

Tsangshiq raq Shiikeawe bom tlea wan kha na, I Shiikeawe raq tsangshiq ka amiimshe mirbaiq. Tsangshiq ka Pongmung na, mangtam ikhiishe mimo wan.

Jona 1:10

Kiimaq Jona raq, “Ngi ka Tatiwe wokhong wa lamhin nü na juho tiikang,” nguta tsangshiq ma chongto. Kra tai raüta laijiiqtinok ka kai akii anyii haito. Raüta, “Ikhiijiika, ümniiraq ara phiiptsi chang pinthum jaqsham laü!” nguta apaiq bom ka treto.

Jona 1:3

Shatmaq Jona ka Tatiwe wokhong wa angan nü na, lamjiq nü na khoti wawanto. Apaiq ka Joppa chela kiina kihoto. Raüta sangpholai ashi Spen mung nü na wawanti asi riito. Krai mren, apaiq raq Spen mung na wa miitu mokkiitu maq kuqto. Raüta dü wanto. Raüta mokkiitu jiiqti rai Spen mung nü na khamjong lam maq wa wanto. Kiijaq apaiq ka Tatiwe wokhong wa aluwiq niishe miraq.

Mikha 6:12

Nam mungti chiithe maiqse raq, miitsan maiqse ka, nanshanshan lao lü tlo. Namshiq tarü ajok aliiq siisaq.

Mikha 6:4

Ngi raq namshiq ka Ejip mung wa tiidong wan kang. Maiqdi ma ajahan maiqjam mong wa, dokda wan kang! Ngi raq namshiq shea wanti, Mosheq, Aron, kiimaq Miriam ma tiishea wan kang.

Matthew 23:37

“O Jerusalem, o Jerusalem! Ümniiraq shammibi thun ka tsatbaiq wan laü. Kiimaq Shiikeawe kiimwebi thun ümniiphana atiiki thun ka long maq tiiqbaiq wan laü! Ngi raq ümse ümno thun ka ümtinkhan wa i wokhong na, wukaü raq asetiim ka wowan tlaq ikha wowan hajaq nguta tsinngin wan kang. Shatmaq ümniiraq ümsetiim ka ngi ma tiiwo wan maü riilaü!

TRI CHONGKE 15:15

Ümtsan na tiitsang laq, man na namshiq ka Ejip mung na maiqdi ma jalanta silan. Kiiwa Tatiwe üm Shiikeawe raq namshiq ka dokda wanto. Raüta wase ma tiija wanto. Kra ningkhan, ümchaü Ngi raq ümniima ara aming kuq tiikang ara.

1 John 1:10

Kiimaq nashiq raq ngarai tangmai dea, nashiq dü na ngarai ahü nguta tiingo hai jiika, nashiq raq Shiikeawe ka arot ma tiija mitai. Kiimaq apaiq bomtsi ka nashiq tsan mong na ahü ngushat.

Revelation 8:13

Kiijiishe, ngi raq liinong kang. Krai mren ngi raq liiha kaü ashi ra na, ratsan ramong nyang na abi rai chhikang. Abirai lam maq hong raüta akha riimto taikang, “O phiiptsi chang! phiiptsi chang! Jai na rasetiim atsam raq tsangshiq lerong she tsü tlaq akhing na, mangjong maiqse tarü ma pinthum phiiptsi chang asi!”