Hosea 4:18 - ASII LAKDAP Bible (BSI)

¹⁸ Tsangshiq ashe ashi phaqsea thumjai, kuku kong ikha sethoq jatlo. Tsangshiq ma khushü jong ka reng riimak, mephe-nyung rai sra ka reng.

Hawa Naga Bible 2001

¹⁸ Svpiq pawx laz nuingc yix maq, tsuingshiq rueq mephex yauk shuimx yaq kuex raungc raq wuez yaq, miqyvlc vsvy yauk shuimc kuex tvtsanc nganc wuez yaq.

Hosea 4:18 Referencias Cruzadas

RAPHA HIQWA LAK 38:24

Kra jai maq jipi lütsam sijai niishe maiq ashi ra raq Juda ma chongto, “Üm-nam-nyung Tamar ka mephe nyung ikhli sitlo. Ümchaü ka apaiq wiihan she.” Kra tai raüta Juda raq aming kuqto, “Apaiq ka chiiphai na hit ho ronglaq. Lanta wa na tiitsai laq chaqbaiq ronglaq.”

Tvtsvmc 47:9

Mangjong hiq wa maiq mung thun rümtibi Abraham Shiikeawe senginok rai thungtlo. Apaiq ningkun ka phen phung wiita thaq na niimin aheng; Apaiq ningkun ka wiita thaq na ajong pinthum.

DUNGWVNC 23:8

Tsiiqlap naq siqkiq. Tsiiqlap seatibi ka makchuk ma jakitlo. Raüta riikhaqli tri ka sham makshe riitlo. Raüta maiqsangti thun kha ka ahea maq pho kuq mak she tiijiq baiqtlo.

JEREMIA 2:21

Ngi raq ümniika ahea pinthum spiq lai ikha lam lata chhikang. Shatmaq liilaq ümniika jamlaimo jaki laü! Ümniika anam arki, thiihü spiq tsung ma jakilaü.

EJEKIEL 16:15

“Shatmaq ümshamhea nai ümmang chong tsaki kra chhi laüta, wanwe ümphana juwa lamjap jap wan tlaq kriiti thun loweatek rai changshi na akon anga wan dam nguli li siwan laü.

Hosea 4:10

Namshiq raq Tatiwe baiqthü lan kha, ümchu phaqsiq han min, nam wok phe mak. Kiimaq namshiq raq, saü ase shiimanketi sumla noq wan lan. Shatmaq laihü nyungre miili ja wan lan, kra kha maiq ka puwan man,” nguta Tatiwe raq nguto.

Hosea 4:2

Tsangshiq raq kiqkhamtlo. Shatmaq tsangshiq riili diibaiq nongtlo. Tsangshiq raq arot akiq bomtlo. Kiimaq tsangshiq ka maiqtseati, ahuk jati, maiqchak rai srati, khachü thaq na khanye tiipati, mat kha ashi dong jai, khanye maq tiipati.

Hosea 9:10

Israilnok ka rumnyangkhi kumtsaiphii na, spiqro achhi wan ikha, ngi ma rahea hum wan kang. Kiimaq tsipha shaqshaq phupmup chongtsi ikha, aphaqsea ma sumhea, namtitiim ka ngi raq, maiqlung ngamwii humwan kang, Shatmaq Peor pum na saü raüta, wuda pongwe ikha, Baal phra puk na nyap wanto Raüta tsangshiq jeangaü wanto. Raüta shekhiq miishe jawanto

AMO LUIK DVP (AMOS) 5:12

Ngi raq namshiq ngarai asap ha, namshiq ngarai tak amachhaq, tsiiqlap siqlanta kechu maiqse tiicham chao lan. Ra raq ham mak jehin nore, rung maq tiidea baiq lan.

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

Mikha 7:3

Tsangshiq tarü phusu sang siisaq. Mungtu shiilangbi, phowebi, wiita tsiiqlap seati siisaq. Amangchong ajongwe raq, apaiq raq jamlai wa rotlaq kra, tsangshiq adam kiq ri raüta klotlo.

TRI CHONGKE 16:19

Tsangshiq raq kha ka ashut phoke maimak. Kiimaq tsangshiq kha pho kuq tlaq kra jurai min lop kai dam maimak. Kiimaq tsangshiq raq tsiiqlap jaü sea raamak. Jamkhano ngukla tsiiqlap riika taksu maiqse nai tingting maiqse mak kriimin atiichuk riibaiqtlo. Raüta tsangshiq riimin kha ka ashut she mipho kuq.

1 SAMUEL 8:3

Shatmaq tsangnai raq awe jaqsham kra phan phan shammak dea riito. Tsangnai ka kampho lap miituli tsan tiitsito. Krai mren tsangnai raq tsiiqlap siqto. Kiimaq kha thun ka tingting tri maq phokuq mak riito.