Hosea 12:6 - ASII LAKDAP Bible (BSI)

⁶ Riita ümchaü min Jakob saüsetiim lei, Apaiq puk na nyap wan nong ronglaq. Lanta apaiq ma kamtsantsii thü ronglaq. Apaiq ka namshiq Shiikeawe. Lanta apaiq ka tsapkapkap miishe shomnoq ronglaq. Lanta tsankhun tsanmin maq, Shiikeawe ma namshiq rilung lam ka, tiishunshea lantea siwan ronglaq.

Hawa Naga Bible 2001

⁶ Kvkhoc rvtueq majuiuc Yaku suiuz vsaz phvnx lex, nuimshiq Tishox muex tvluimc vtueq vpiq kox nuex yek kuinz. Tvmtuing httax vtueq tsuingrux maq phvnx shuinz, nuimshiq Tishox rueq shuimx shuex phvnx kuex thuinz vluz maq bvmc shuinz.

Hosea 12:6 Referencias Cruzadas

RAPHA HIQWA LAK 49:18

“Tatiwe lei, ngi ka ümniiraq tiichhii wan khe tiikang.

Tvtsvmc 123:2

Ajaqshi se raq atijongwe jaq liitlaq ikha, ajaqshi se jechakse raq atijong nyung jaq liitlaq ikha; naishiq riimin ümjaq miliihai, Tati naishiq Shiikeawe lei, ümniiraq naishiq ma tiihang mangchan mitiichhikuq haüshaq wiiwii.

Tvtsvmc 27:14

Tatiwe miili kamlaq. Kamtsantsiili thülaq, tsaiji naq trankiq. Tatiwe miili kamlaq!

Tvtsvmc 37:7

Tsankhun maq khelaq laüta Tatiwe ma jaq ka tiishamlaq; juwa chiithe lüwa jarai wantlaq kra chhilaüta naq chaparaikiq riimakla jurwa abi kiimung raüta ongraitlaq kra miitu naq chapakiq.

DUNGWVNC 3:15

Israilnok ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe raq ümniika tsangshiq phana tiikito nguta chonglaq. Arka pattup pat-sa miitu imang. Rawiichii maiqpat ümchuwa saü wantlaq kriiraq imang ka akha chong chang.

TAKSU LAK 1:23

Ngi raq tsii chong tsat-son tiikang ara tairong laq; Ngi raq ümniima tsii chongkuq tiikang ara tailaq. Ngi raq ümniima itsan mong wa tiima tsantsii kra michong kuqha.

TAKSU LAK 21:3

Kechu jaqsham nai riikhaqli jaqsham ka, Tatiwe ma, honglu pahea akuq thaq na ahea.

ISAIA 1:16

Ümkhum ka kongkhu tiisii helaq. Ümniiraq atinkhan abi ashut kiimung wan tlaü imakki na tiichhi rai tlaq ara kongkhu thaqbaiq tlolaq. Ngutiikang, ashut jaqsham tlaü thun ara thaqbaiqtlo laq.

ISAIA 30:18

Li jiimin, Tatiwe riika namshiq ma tiihangkuq wan ruq roli miraq. Apaiq riika namshiq ma mangchan tiichhikeli sitlo. Jamkhano ngukla apaiq riika wranaiqtek tingting kli klotlo. Kechu jonghea jurwa Tatiwe miili kamtsantsii thütlaq.

ISAIA 31:6

Tatiwe raq nguto, “Israilnok lei, namshiq raq imakki na ngarai tanglan kiimaq ikiq khiilan. Shatmaq ümchaü sanha iwokhong na jang wa rongkiq she!

ISAIA 40:31

Shatmaq jurwa Tatiwe raq mikhrumkuq nguta kamtlaq, tsangshiq ma ningkun anye mishoqkuq. Tsangshiq ka rakong maq ra na liihakong ikha mibisiq, tsangshiq ka phiqhea miju shatmaq nii tsimak miraq, tsangshiq ka khum wan ruq miraq, shatmaq ahun anü ahü miraq.

ISAIA 58:6

“Ngi raq lungwiitiikang amang maq achujaü ka akha rotiikang: Maiq ji maq nishishi haihiitlan kharü ka chumbaiq ronglaq. Kiimaq di ama ikha maiq tiichamchaotlan kra atiiwa she riibaiq ronglaq.

ISAIA 8:17

Tatiwe apaiq ka asenginok makki wa atiipaü raüta sitlo. Shatmaq ngi ka apaiq ma kam tiikang. Kiimaq iran tsantsii ka apaiq dü na riiwiiq latli sitiikang.

JEREMIA 22:15

Nanok thaq na ümjam ka maisak pe maq hai laütiisha, ümniika maiqshaq hokhamwe ma mija haü? Ümwe rilung ka aluwiq sito. Apaiq raq mung ka wranaiqshe tingting kiimaq riikhaqli tri maq pengto, krai mren apaiq raq jaqsham wantaq na, achu shiiman ramram asi riito.

EJEKIEL 18:30

“Riita, ümchaü, Ngi, Tati Rakaü Hiqwe raq, namshiq Israilnok ma chongtiikang, Ngi raq namshiq ka loweatek, apaiq raq jamlai jaq wa shamwantaq kriithaq na seng lata kha mipho kuqha. Namshiq raq abi ümchuwa klotlan kriiwa jang wan ronglaq. Kiimaq namshiq ngarai ma namrilung ka naq tiithenbaiq rongkiq.

Hosea 10:12

‘Wakdam anyeshe sham ronglaq. Kechu jaqsham tsamlai wan ronglaq. Tsapkapkap mangchan tsam jut ronglaq. Ngi ma kamwan shiiman tsam jut ronglaq. Ngi namshiq Tatiwe wokhong na nyap ronglaq, ngi raq namshiq ma achu shiiman mikuq kang,’ nguta ngi raq tsangshiq ma chongkang.

Hosea 14:1

O, Israilnok lei, nam Shiikeawe puk na nyap wan nong ronglaq! Namshiq ngarai kho na thap lantea dea wan lan.

Hosea 4:1

O, Israilnok lei, taironglaq, Tatiwe raq namshiq ma kha nyantlo. Tatiwe raq akha ngutlo. “Armungti raq ngi ka tsangshiq Shiikeawe nguta sap mak. Tsangshiq raq ngi ka tsapkapkap maq shomnoq mak. Kiimaq ngi ma lungwii tsantsii rüm mak.

Yoel 2:12

Shatmaq Tatiwe raq ngutlo, Ümchaü li jiimin namshiq raq riikhaqli maq, amang maq makphai trok lanta aho ajü achu jaü rong laq, lanta ngarai tiidii lanta, ngi phana jang wan rongra,

Yoel 2:13

Namkhu namkhea chailanta riimak, namtsantsii ka chai lanta, Warong ra, jang wan ronglaq nam Tati Shiikeawe phana. Apaiq pinthum ka mangchan rümtiwe. Apaiq ka pinthum anin wantiwe. Apaiq kiqkham ka tiipoi mak phan. Apaiq ka shokkhot nokhot tsiiti, mra kechang lam wa tsii klaitlo.

AMO LUIK DVP (AMOS) 4:13

Amos raq ngutlo, “Tengto dea, pumjong thun tiiqti, kiimaq rahai tiidong wanti, maiqse han-ngam hiqda ma apaiq tiima tsantsii, tiichhike wanti. Ranaiq ka rawa ma tiija wanti, mangjong hiqraikhü tiiqlo wanti ka apaiq dea. Apaiq kata Tati Shiikeawe Ningkun Ajong Pinthum!”

AMO LUIK DVP (AMOS) 5:24

Shatmaq tri raü sham ka, khangriiriihea jurai ikha mirlaq, kiimaq kechu jaqsham ka, jüserai khamkai ikha mikilaq.

Mikha 6:8

Riimak, kiikhiika. Tatiwe raq nashiq ma, tingting tri lamphan kra chongkuq wanto. Tri kappe ka tingting maq shamlaita sichang. Nanok ka mangchan laita sichang. Shiikeawe wokhong na tsannin woknin maq siwan chang.

Mikha 7:7

Shatmaq, ngi kla, Tatiwe kli khetiikang. Ngi ka kamto maq Shiikeawe raq, mitiichhii kuq wan dongdii nguta asapha. I Shiikeawe raq ngi achu jaü mitre kuq.

HABAKUK 2:3

Ara riisham bomchong hongwan akhing, misaü shaqli; Arka miku wan dongdii jaqlo miili. Ngi raq jamlai wa chongkang kra, mihong wan dongdii. Alo kuwan mak tiijai tlo ngochangchang miraq, Shatmaq kherong laq miku wan dongdii; Arka poimak phan; Alu ka khing mak she.

JEPHANIA 3:8

“Kherong liishaq” nguta Tatiwe raq ngutlo, “Khe ronglaq ngi raq maiqmung thun, shrawan akhing ranaiq kra miitu. Ngi raq maiqmung thun nai mungtan thun kra, adam na riichom wan miitu, itsan na thapthi wan kang she. Kriika tsangshiq ma itsankhiq walü nyaitlaq, kra heng kriimaq tiike wan miitu. Mangjong hiqhraikhü tlotli ka, tsangshiq wa maq chaq lata, wiita mitiikhiim baiqha.

JEKERIA 1:3

Shatmaq ümchaü san, ngi raq, ‘Namshiq ka iphana jang wan nong rong laq. Kra riihan jiila, ngi min, namshiq phana mijang wan nongkang.

JEKERIA 7:9

“Man na rathup rapha niiphü ngi raq isengi ma ara aming kuqkang: ‘Namshiq raq tri ka riikhaqli ating maq sham raa. Kiimaq maiq ashi maq riita ashi ma tsan hea tsiihea mangchan tsii tiichhi raa.

JEKERIA 8:16

Ümchaü namshiq raq arthun arshe klo ronglaq: Weshi raq weshi ma tengteng bomtsi chong ronglaq. Rung na khapho tingting kiimaq riikhaqli maq pho ronglaq. Maiqse ma tsan heali chang phokuq ronglaq.

Acts 2:38

Kiijiishe, Petar raq tsangshiq bom ka akha treto, “Namshiq maiq loweatek raq, maiqmii ngarai ka tiidii wan raa tlo. Lanta, Jesuq Khristo mang na kham lam wan raa tlo. Kra riihan jiitiq, Shiikeawe raq namshiq ngarai kra midii kuq. Kiimaq, Shiikeawe raq akuq kongphiq Asii Wenyi kra namshiq raq milap han.

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.