Hosea 11:6 - ASII LAKDAP Bible (BSI)

⁶ Israil mung chela thun, redong raüta wiita milong wan. Chela kilamchong thun wiita mirun wan. Isenginok thumthum mithen wan. Tsangshiq maiqmii raq athithi siwanto. Tsangshiq ibomchong taimak riito.

Hawa Naga Bible 2001

⁶ Tsuingshiq ghaqyungx htenc nuex ralx rvkhvt rvlungc kuex rvhumc vtueq, ghaqyungx palx kaluix htenc kuex rop gay shuex. Ngvy miqsaz htenc kuex tsuingshiq thuinroc shuimc kay ningkhvnc nuex tvbac gay rvhumc tuex.

Hosea 11:6 Referencias Cruzadas

Tvtsvmc 106:39

Tsang jaqsham lümaq tsangkhum tiisheshibaiqto raüta Shiikeawe ka lungwiimak she riito.

Tvtsvmc 106:43

Tati raq asenginok jang pahea khupwongto, shatmaq tsangshiq raq akiqkhii kli sru wanto, raüta ngarai thiikho tsaühea mong na deawanto.

ISAIA 18:5

Spiqro sonruk thun wa spiqtsi kra mipan shaq niili, apü alii kra lotjai na spiqtsi ka aman she riiwantlaq kiijaq, kra akhing na, re raq Sudan mung ka, spiqro wa akü ako thun ka saikiip maq jeriiqriiq hea hanbaiqtlaq ikhli mitiithen baiq.

ISAIA 27:10

Trotam maq kiitelong maq ruk raüta, peruk weshaü mong na siti chela ka thento she. Arka hiqmiq changkhü ikhiishe sitlo. Rumnyangkhi hiqmiq changkhü she. Nyamse rüm chang nyiim lung rii li she. Kra nyamsekong haisea chang kiimaq nyamsekong bumsea changli she.

ISAIA 30:1

Tatiwe raq nguto: “Juda mung pengtibi ka miqto she! Jamkhano ngukla tsangshiq ka ipuk wa donghoto. Raüta Ngi raq asürii wanha kiimung thun riimak kra klotlo. Kiimaq ikiq khii raüta tsangshiq maiq mung thun rai pong raüta tongshong wanto. Raüta tsangshiq ngarai phong ka adap adap maq tiipa phongtlo.

ISAIA 9:14

Ranaiqshi liipan niili Tati raq Israil mungti welabi nai tsangsengi mungmaiqse thun ka mitsatbaiq wan. Apaiq raq tsangshiq ka akhu amai maq wiita chumdokdok she michumbaiq wan.

JEREMIA 5:17

Tsangshiq raq namshiq tü atsam nai tsamtum thun ka wiita miphaq siq wan. Tsangshiq raq namse maiq wese kong thun nai jechak sekong thun kra wiita mijiip baiq wan. Tsangshiq raq namshiq nyamsekong skukong nai chhechhi minsaü kong thun wiita mijiipbaiq. Kiimaq namshiq spiqro thun nai phupmupro thun kra wiita mishthenbaiq. Namshiq kamsea chang kiitelong maq trotam maq rukje chela thun ka tsangshiqnok phenlabi raq mitiithenbaiq.

JEREMIA 50:35

Tatiwe raq ngutlo, Bebilon ka tsaito she! asengi mungmaiqse ka tsaito she, apaiq pengtibi, asengi taksubi ka tsaito she.

AJONJÜ 2:9

Chela kilü thun tiithenbaiqto, kiimaq kilü lachang jinpan min ngoqbaiqto. Hokhamwe nai shiilangbi thun, ümchaü pongmung na shumwi tiijato. Thungtri ka ümchaü shrinkuq makshe, Kiimaq shammibi ma, Tati nü wa riisham bomtsi min, saümak she.

EJEKIEL 20:47

Shemai nü na rumnyangkhi sitlaq kriima Tati Rakaü Hiqwe raq jamlai bom wa chonglaq kra tailaq nguta chonglaq: Liirong laq! Ngi raq wa ka chaqpha tiikang she. Ara wa raq üm mung na pechong thun ka asang lo kiimaq ashin lo jiimin wiita mikhiimbaiq. Jamlai phan riimin wa ka tiimatbaiq lot mak miraq. Kra wakhiim nyai wan tlaq kriika shemai nü mung maq riita shekhu nü mung na saüli mikhiim wan. Kra wakhiim walü lap heng ka maiqse wiitarü raq misap wan.

Hosea 10:14

Kriikha na chiqdong redong misaü wan. Kiitelong maq aruk namchela thun mikhat wan. Botkhulai rai mishot wan. Hokham Shalman raq Beth-arbel chela khattaq kiikha, anyungre nai noshiisetiim hihut re raq mijiip wan.

Hosea 10:6

Kra phra sumla ka Asiria mung na mipi wan, tsang hokham ajongwe ma, sepat lopi mihokuq wan. Israilnok munjuk mijuk. Tsangtok hiq na kuraqraq. Sumla noq ngam tsangshiq raq phaq.

Hosea 13:16

Samaria chela shiithen baiqraa. Tsangshiq iwokhong na simak riito. Tsangshiq raq ngi ngeng wanto. Rewe jaq na tsangmung mitsai. Noshiisetiim ka longpo ikha ra na mitiithuk. Raüta piqkhupo na mitsom. Anyungre asewok horaqraq, kholam kholiiq miriip,” nguta Tatiwe raq ngutlo.

Hosea 4:16

Kumtoq kaü ashpuq ma hahea, Israilnok kiimin kiikha, riita Tatiwe raq tsangshiq skusekong ikha, nyiimlung rü na mirüm wan sha?

Hosea 4:17

Ephraim ka sumla phra puk niishe shang wanto. Ahea bam-ümkiho laq, maiqmii raq thithi.

LEWI 26:25

Ngi raq namshiq khuthaq na re she mitii dongha. Lata namshiq ma mo mitiihoha. Jamkhano ngukla namshiq raq nashiq liipan na tongshong bom kham wan kai raütu thun kra jin wan lan. Kiimaq namshiq ka namshiq khum tiichhii wan miitu chela thun kiina riitam wan han jiila, Ngi raq namshiq khuthaq na tha wa henghea healot mak phan thatsi kriishe mitiisaüha. Kra ningkhan she namshiq ka jamkhii min jasiq lot man she mirhan. Kra ningkhan, namjaqtinok puk niishe minyap wan han.

LEWI 26:31

Ngi raq nam chela thun ka hiqmiq changkhü miishe mitiija baiqha. Namshiq raq sumla noq tlan hiqba thun kra wiita mitiithen baiqha. Kiimaq namshiq raq Ngi ma honglu takuq tlan thun kriika tao mang she mirha.

LEWI 26:33

Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.

AMO LUIK DVP (AMOS) 6:8

Ajong Thaq Na Ajong Pinthum Tatiwe raq atiitum raüta chongtlo, “Ngi raq Israilnok shiikong tsii ka, pinthum saisi tiikang. Ngi raq tsangshiq kiitelong jam thun ka, liiromang. Ngi raq tsang nyungchong chela ka, kiimaq kra mong na siti tlotli, chiqse rewe miishe mikiinong kuqbaiqha.”

Mikha 5:11

Nammung wa chela thun ka run lata, retiip thun kiimin mishthen baiqha

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

TRI CHONGKE 28:52

Tsangshiq raq Tatiwe üm Shiikeawe raq ümniima kuqtlaq mung kiiwa chela thun loweatek ka akhat mirwan. Kiimaq ümniiraq lamkamsiq tlaü chela thun diiluhea hea kiitelong maq aruk, peruk weshaü jamlai riimin chhe mak phan thun kra wiita mithen baiq wan.

TRI CHONGKE 32:25

Redong raüta chiihea wea na maiq maa phongli miraq; jamkun thun na phiiptsi wali miraq. Jerobi nai jeture thun wiita mitsai; noshiisetiim nai tikiire min tiihang mak miraq.