Hosea 10:8 - ASII LAKDAP Bible (BSI)

⁸ Abi hiqlampo Israilnok sumla noqchang, shomjam wiita hiqrai mishot. Shomjamkhü na shukrü phong. Tsangshiq raq pumkaütiim ma mingu, “Naishiq tiiwongkuq ronglaq.” “Naishiq pangkuq ronglaq,” nguta, kin thun ma tsangshiq raq mingu.

Hawa Naga Bible 2001

⁸ Israel miqsaz rueq nawk palx yaq yac yuimx htenc taq yaq Awen ghaqluimx poz wawc nawk palx juing htenc muinz tvbac gay rvhumc tuex. Shomrawx htauk nuex muinz shuiuq jungx htenc nuiyc httuingx htenc rueq luimz wvnc shuex. Kvkaq miq htenc rueq kanx htenc nuiyc ghaqluimx htenc lex, “Nuiyshiq kuex httuiyq wvnc luit! Nuiyshiq kuex puingc koq!” ngoz tueq guyc tuex.

Hosea 10:8 Referencias Cruzadas

RAPHA HIQWA LAK 3:8

Kra raji tsangnai raq Tati Shiikeawe ka sonruk na akhum trang taito. Kiimaq tsangnai ka apaiq raq chhijiiq nguta pero mong na tiipaüto.

1 HOKHVMX 13:2

Tatiwe raq aming tattaq kra tiiphan phan, kra shammiwe raq kra berong-wacha ka akhiishe sonto: “O berong-wacha lei, berong-wacha lei, Tatiwe raq akha ngutlo: Maiqse ashi amang min Josia nguta mimang; apaiq ka Dawit weraü jamkun na michü. Apaiq raq üm khuthaq na, ara thatsang chang berong-wacha thun arjaq jaqshamti ramwebi ümniima honglu kewanti thun ka wiita mijiipbaiq. Raüta apaiq raq ümkhuthaq na maiq riiphong kra wa na michaq.”

1 HOKHVMX 13:34

Apaiq raq ara ngarai bihea klo wantaq arningkhan na apaiq aweraü khuthaq na chongthum ma jawan chang ngarai lam klo wanto.

1 HOKHVMX 14:16

Tatiwe raq Israilnok ka amiimshe mirbaiqthü. Jamkhano ngukla Jeroboam raq ngarai klowanto. Raüta Israil mung ka ngarai thü kho bok na tiidea baiq wanto.”

2 HOKHVMX 23:15

Kiimaq Josia raq Nebat se Jeroboam raq Bethel chela na sumla phra shomnoq chang berong ahai kriimin runbaiqto. Jeroboam raq arlümaq Israilnok ka ngarai thiikho na tiidea baiqto. Josia raq kra berong-wacha ka runbaiqto. Raüta kra langkaü thun ka bunlak buncha bukbaiqto. Raüta botkhulai rai shotbaiqto. Kiimaq apaiq raq Ashera sumla ka wa na chaqbaiqto.

2 KAÜWA WERAÜ 31:1

Kra poi thumjai she Israil mungti tlotli ka Juda mung na chelatek na kito. Raüta longkham thun tiibun baiqto, kiimaq jechak phra Ashera noq chang berong thun ka daqbaiqto. Kiimaq berong-wacha thun kra tiithen baiqto. Kiimaq thatsang chang jam thun kra tiithen baiqto. Tsangshiq ara jaqsham ka Juda mung hamli na kiimaq Benjamin wang na, kiimaq Ephraim wang na kiimaq Manase wang na kunli na kloto. Kra ngut raütiishe tsangshiq ka jam niishe wa wanto.

ISAIA 2:19

Apaiq ka ümtiikiiwa mangjong hiqraikhü ka naübaiqkai kitlaq, kra akhing na, Tati tsankhiq walü wa nai apaiq ningkun jonghea kiimaq apaiq khushü ngao chhainyii liliim wantlaq kriiwa tiichhii miitu, maiqse angu thun ka longraq khu na longkhong mong thun kiijaq mitiipaü. Riimakla hiq na khobok thun thu raüta tiipaü lai nguta midan.

ISAIA 2:21

Ümtiikiiwa Tati ka mangjong hiq ka naübaiqkai saühotlaq, kra akhing na maiq thun ka apaiq tsankhiq walü kiiwa kiimaq apaiq ningkun jong nai apaiq khushü jonglu kiiwa tiiwong miitu maiq thun ka hiqkho bok thun na kiimaq longraq kam na longkhong bok thun na juraüta mitiipaü wa.

ISAIA 32:13

Raüta kiidashuk rüro nai kiimko rü tonglong lishe mungmaiqse wakram na tang wanto. Hoqtrang ronglaq, maaho manyi. Maiqjam thun na man na chojong chise siwanto. Kiimaq kra chela ka mungmaiqse kiijaq siti ama siwanto. Akei alei jupjup riito.

ISAIA 34:13

Hokham jamkhü thun nai chela thun trotam maq kiitelong maq aruk thun kriika kiida shuk rü nai shuktam rü tonglongli she miraq. Kiimaq kriithun niika miikakoi kong nai wukhuk kong tonglongli she misi wan.

Hosea 10:2

Tsangshiq tsantsii laopha tsii. Kriikha na chamchao raa dongdii. Tsangshiq phra sumla noqwan chang, berong-wacha thun, Shiikeawe raq wiita mitiibun baiq wan.

Hosea 10:5

Samaria chelati, redong raü jaq phiip raq mitsai. Tsangshiq raq chaq maq alo minsaü sumla, Bethel chela na ashong re raq mishthen baiq. Raüta re raq pongmung na mipiphaq wan. Kriikha na kra noqti mungmaiqse nai ramwebi, maaho manyi mihoqtrang wan.

Hosea 10:9

“Gibea chela maq ngarai tang pha wan, O, Israilnok lei. Ümchaü min tangruq li tang tlan. Re raq Gibea chela miishe mikhat pha wan.

Hosea 2:6

Kra ningkhan ümchaü ngi raq, apaiq kai chang lam na, kiida raütsung miishe miruk baiqha. Lata ngi raq apaiq kaichang lam ka, khetuk hailata mitang baiqha. Krai mren, apaiq raq akai chang lam ka hum mak she miraq.

Hosea 4:13

Tsangshiq raq ku akin thaq na, thatsang chang hiq ba kiijaq, honglu pahea kuq tlo, putsok chong, laqtsi chong, kiimaq manjong chong ji na, homseng honglu chaq raüta, noqkitlo! “Arkha na, namse jechaksetiim, mephe-nyungre ma jatlo, kiimaq nam-nam-nyungtiim sethoq sepii jakito.

Hosea 4:15

“Riita namshiq Israilnok ka, mephe-nyung pha na kitlan jiimin, Juda mungti ka sethoq ngarai na naq tiidea rongkiq. Namshiq Gilgal chela na naq nyapkiq, Bethawen chela na naqwakiq, lanta sumla phra naqnoq rongkiq. Kiijaq kilanta Atra Tatiwe mang na, naqtiitum rongkiq.

Hosea 5:8

Gibea chela na rechap wan hünong buk ronglaq! Rama chela na redong lerong ka tsü ronglaq. Bethawen chela maq redong chiiriim tlo ronglaq. Benjamin wangti lei re na watlo ronglaq!

Hosea 8:5

O, Samarianok lei, namshiq raq noq tlan, minsaü pongwe sumla kra, ngi raq pinthum saisi tiikang. Itsankhiqhea tsangshiq ma, wa anyai ikha nyaitlo. Kra ümtincho wa mithaq baiq?

Hosea 9:6

Shiikeawe sintsang she saüki raüla, Israilnok ka barap niishe mitiipinbaiq. Ejip mungti raq tsangshiq ka adam na mirchom. Raüta Mephi chela na tsang maaphong milap! Tsangshiq rongwin wan chang hiqshong thun ka, hiqmiqchangkhü ma mija, shukrü tonglong lishe miraq.

AMO LUIK DVP (AMOS) 1:5

Damaskas chela kiitelong ruk kilamchong, ka bunlak mibuk wan ha. Lata Awen Hiqthung Tan na siti mungmaiqse nai Batheden hiq wa wela kiimin, wiita mitsuq wan ha. Lata tsangshiq ka, Kir mung na re raq shumwi ma mitsuq wan,” nguta Tatiwe raq ngutlo.

AMO LUIK DVP (AMOS) 3:14

“Ümra akhing niiwa ngi raq Israilnok, tsangshiq ngarai kha, tiichamchao wan tiikang, kra akhing na, Bethel chela wa berong-wacha mirunbaiqha. Lata berong-wacha rongthun kiimin, wiita mingoqbaiqha.

AMO LUIK DVP (AMOS) 7:9

Isak saüsetiim raq shomjam thun haiwantaq kra, wiita she mishthen baiqha. Israilnok raq shomnoq wan chang asii jamthun kra, wiita she mirun baiq wan ha. Ngi raq Hokhamwe Jeroboam saüse phan ka, wiita she chongthum ma mitiijabaiq ha,” nguta Tatiwe raq chongtlo.

AMO LUIK DVP (AMOS) 8:14

Kra akhing na Samaria wa phra sumla thun ka, ‘O Dan chela phra kaü lei’ riimakla, ‘O Beersheba phra kaü lei’ nguta tiitum wantibi ka, wiita mibunki, ümtiikiimin tiidolot mak she” nguta Tati Shiikeawe raq ngutlo.

Mikha 1:13

Lakhish chelati lei namchiim jinho tlo ma, kumrangre leng thun paqkuqtlo ronglaq. Namshiq kata Israilnok ngarai lamphan kra phan wanti. Lanta Jerusalemti riimin namshiq, jaijo ashut klo wanto.

Mikha 1:5

Arthun Shiikeawe tsankhiq saütlaq arka juma mra kewan chang wa? Jakob raq ngarai tangwanto riimak shea? Israilnok ngarai miitu riimak shea? Riita Jakob ngarai ka jamlai wa? Samaria chela na riimak shea? Kiimaq Juda ngarai tangchang hiqlam ka ümbano? Jerusalem chela riimak shea?

NAHUM 3:11

Ninewi lei ümnii min, kiikhiisii mimok chaq wan. Rewe makki wa ju laüta, atiipaü chang mirit haü. Shatmaq hum maü she mirhaü.

Luke 23:30

Kra akhing na, maiqse angu raq, ‘Naishiq ara pat baiq wan tlo laq!’ nguta pum kaü krai mirbom. Kiimaq kin kaü kra nangnga, ‘Naishiq ara paü liilii!’ nguta mingu.

TRI CHONGKE 9:21

Latiishe ngi raq kra namshiq raq ngaraibu kaü klo lan kra lam lata, kra jin ngam maq alo han minsaü pongse sumla kra, lata wa mong niishe chaqbaiq kang. Lata ngi raq kra wiita apun awun miishe tiibun baiq kang. Lata botkhulai ma tiija baiq kang. Kiimaq kra botkhulai ka pum maq kitlaq khamraise kiijaq raübaiq kang.

Revelation 6:16

Tsangshiq raq aho anyi lam maq, ku akin thun kiima, “Naishiq ara hokham ngacho na ngati we maklii wa tiiwong kuq rong laq. Kiimaq Skuse tsankhiq walü wa kiiwa tiiwong kuq rong laq!

Revelation 9:6

Kra jipi lübiingi chamchao tlaq bala, maiqse raq tsaitlo haijaq nguta mirit. Shatmaq, tsai mak miraq. Tsangshiq lang ka tiipit mak maq miili mitiichamchao siq.