Hosea 10:4 - ASII LAKDAP Bible (BSI)

⁴ Krai mren, tsangshiq arot akiqnok. Tsangshiq liipan na kiqkham raüpot kha tlaq, silu tongshong wantlaq thun ka atuli. Tsangshiq raq shreng wan mak. Kra ningkhan, tingting kappe tri raütu, arot kappe miishe songbaiqto. Krai mren tsang mung na, khü akha pahea dongtlo. Wakjam ram na shuklai awanki ikha, Tsamcham rü na shukrü tonglong jong wanto.

Hawa Naga Bible 2001

⁴ Tsuingshiq rueq kvjaz httuiz kvjak vtueq, vyaq bomkhvmc tvhungx ruiux khuec guez raz tsaz lvmx htenc taq wuez yaq. Tvrac vlvmz kuex ghaq kep shec yoalx sunc nuex kemz yaq vyangx vhttax httuingx htenc ikhoc tvrac vlvmz rvmuq muex yaungx wvnc tueq.

Hosea 10:4 Referencias Cruzadas

ISAIA 5:7

Israil ka Ajong Pinthum Tati spiqro; Juda mungti ka apaiq raq achhi jang spiqro, Tsangshiq raq ahea jaqli misham nguta tiimato; shatmaq tsangshiq raq maiq khoti tsatto. Tsangshiq riika athuk atsom jaq misham nguta apaiq raq tiimato, shatmaq tsangshiq jaqsho maiqse thun raq kha phokuqlaq nguta hoqtrangto.

Hosea 4:2

Tsangshiq raq kiqkhamtlo. Shatmaq tsangshiq riili diibaiq nongtlo. Tsangshiq raq arot akiq bomtlo. Kiimaq tsangshiq ka maiqtseati, ahuk jati, maiqchak rai srati, khachü thaq na khanye tiipati, mat kha ashi dong jai, khanye maq tiipati.

Hosea 6:7

“Shatmaq isenginok raq tsangshiq ma akuq ha, Kannan mung wa Adam chela na saü raüta, tongshong jaqkhaq raü atiipakuqha, tsangshiq raq kra diibaiqto.

AMO LUIK DVP (AMOS) 5:7

Namshiq raq ajiqwe ka alam ma tiija tlan. Alamwe ka ajiqwe tiija tlan! Namshiq raq tingting tri lam ka jimaq nibaiq tlan.

AMO LUIK DVP (AMOS) 6:12

Rekhatti kumrangkong ka longrong thaq na midoqsiq shea? Nitheti raq minsaü pang maq khamjong chum ka, ni ma mithu shea? Shatmaq namshiq raq tingting tri raütu ka, maiqmea chang ma tiija baiq lan. Kechu ramram jaqshamtsi ngo ka, akhapkhiq ma tiija baiq lan.

Acts 8:23

Ngi raq ümtsan mong ka anyaq phoqngeng tsii raq ama chhi tiikang kiimaq ümniika ngarai kharü raütu maq tiikha shat chhi tiikang,” nguta Petar raq nguto.

Romans 1:31

Tsangshiq tsantsii ka ama. Tsangshiq raq maiqmii kiqkham ka tiiku wan mak. Kiimaq tsangshiq raq, nanok ma lungwii tsantsii thü mak.

TRI CHONGKE 29:18

Tsan na atsi dada maq ümchaü ranaiq arjaq ümchu wa chap tlan, kriiwa, juwe riimin, junyung riimin, juta riimin, riimakla juwe raü riimin, Tatiwe nashiq Shiikeawe wokhong wa dongho raüta maiq mung ahinti thun sumla phra kong kra shomnoq ho raamak. Akhla riihaüla, pecham arang ka akhapwiq kiimaq maiq chok chang phan pechong ma jong wan tlaq ikha miraq.

TRI CHONGKE 31:16

Tatiwe raq Mosheq ma nguto, “Ümniika jaqloli she mitsai haü. Kiimaq ümnaq tsai jai na mungmaiqse ka iwokhong na simak she midongki. Raüta Ngi raq tsangshiq rai tongshong kang tri ka ajin mirbaiq. Tsangshiq raq Ngi ka amiim mirbaiq. Raüta tsangshiq raq jiiwantlaq mung kiiwa thatsang maiqse sumla phra thun kriishe mishomnoq wan.

TRI CHONGKE 31:17

Ümtiikiiwa kriishe klohojiiq, Ngi ka tsangshiq ma itsankhiq she miraq. Ngi raq tsangshiq ka amiim mirbaiqha. Kiimaq tsangshiq ka miqchup mitiithen baiqha. Tsangshiq khuthaq na phiiptsi chang mra pahea midong wan. Kiijiishetiq tsangshiq raq kra chamchao thun saü wantaq kriika tsangshiq raq Ngi, tsangshiq Shiikeawe ka tsangshiq rai lomdam mang she kha maq kriithun ka saü wanto ngutiishe misap wan.

2 Timothy 3:3

Tsangshiq tsan na maiq ma mangchan tsii ka ahü she miraq. Maiq ka ji maq nishishi tiima tsii li she miraq. Maiq chongsea wa trangli she miraq. Jado piqdo, tatso roli she miraq. Kiimaq ramok rachhai, akhiq ariq wa trangli she miraq. Tsangshiq raq jamlai wa ahea kra angeng miraq.

Hebrews 12:15

Namshiq ka, Shiikeawe kaphap wokhong nyang wa, lamjiq na kiho man chang miitu, tsii lam shat maq si ronglaq. Namshiq phong wa, jumin akhap atsuwiq pechong ma, naqja rongkiq. Kra chong jonglu wan raüta, nanok miatsii baiq wan ka raa mak.