Hosea 10:12 - ASII LAKDAP Bible (BSI)

¹² ‘Wakdam anyeshe sham ronglaq. Kechu jaqsham tsamlai wan ronglaq. Tsapkapkap mangchan tsam jut ronglaq. Ngi ma kamwan shiiman tsam jut ronglaq. Ngi namshiq Tatiwe wokhong na nyap ronglaq, ngi raq namshiq ma achu shiiman mikuq kang,’ nguta ngi raq tsangshiq ma chongkang.

Hawa Naga Bible 2001

¹² Ngaz rueq, ‘Nuimshiq tvkoc ghaq vnyalx kuex htuz vtueq tsuingrux kuex khic shuinz. Ngaz muex kvmluimx vtueq tvdung kuq yaq kejux htenc kuex yut wvnc shuinz. Nuimshiq Yehowa rvtueq ngaz kox nuex nuimshiq kvroz yek tvkoc vkhing rvtueq. Ngaz kaz vtueq nuimshiq htauk nuex kejux kuex ruiuc kuq phaungx.’

Hosea 10:12 Referencias Cruzadas

Tvtsvmc 105:4

Tati phana walanta khrum jaü ronglaq; lantea apaiq ka miituttlii shomnoq ronglaq.

Tvtsvmc 72:6

Hokhamwe ka wak ram na rajuntlaq ikha miraq, hiqshong na rajun rakraqtlaq ikha mirlaq.

TAKSU LAK 11:18

Abi ati kloti riika maji tsamli mijut. Shatmaq kechu minshiiqti riika, kechu tsam mijut.

TAKSU LAK 18:21

Maiqse raq anübok maq, jamlai wa bomtlaq; kriiriili rilung mikuq, riimak la tsailam na misheaho. Kra tsi ka maiqmii raq sea chang miraq.

THARC TVLUINGC 11:6

Kra ningkhan, tsamlai ka ranap niimin kiimaq raji niimin wankikiq. Jamkhano ngukla, ümniiraq, wiita shea cham wan tla, shea ümriiti wa samhea cham wantlaq, kriika ümniiraq saplot maü.

ISAIA 30:23

Kiimaq ümtiikiiwa namshiq raq tü lai tsamlai wak na chhijangtlan, Tatiwe raq ra mitiijunkuq. Raüta tü atsam ka mitiidong man kuq. Raüta namshiq raq tü atsam ka pahea milaphan. Lantea rongboq miwinhan. Kiimaq namshiq nyamsekong rümchang kiimin sangphii rii chamtraq miraq.

ISAIA 31:1

Ejip mung tijong horaüta ümchuwa Ejip mung na laühotiiti thun ka wiita miqto she! Tsangshiq ka Ejip mung phenlabi ningkun ma kam raüta kihoto. Kumrang kong, kumrang leng phong, kiimaq phenlabi riiphongtlaq kiima kamtlo. Shatmaq tsangshiq ka Tatiwe, asii Israilnok Shiikeawe dü na tiinin mak. Kiimaq apaiq jaq wa khrum min jaü mak.

ISAIA 32:20

Maiqse angu tarü pinthum khoqriiq shishiiq miraq. Kham ka wakram na tsam rü na sheaho ma chamtraq miraq. Kiimaq kumtoq kong nai minsaü chhechhi haisea miitu nyiimlung rü ka chamtraq miraq.

ISAIA 44:3

“Ngi raq khamnyang tsitlaq mung na kham mikuqha, kiimaq shinriiqriiq hiqraikhü na jüseraisetiim mitiikiha. Ngi raq iwenyi ümsetiim khum na miraükuqha, kiimaq ümsaütiim ma ram miramkuqha.

ISAIA 45:8

Ngi raq rekhat ka ra wa rajuntlaq ikha mitiitangha; hiqraikhü raq anü tiiki raüta mitao, raüta hiqraikhü na mren mra tri kappe maq mishin wan. Ngi Tatiwe raq ara mitiisaüha.”

ISAIA 48:18

“Namshiq raq Ngi aming lang lantea silan nguraüka! Arthun achu shiiman arka namshiq ma khamrai ikha saü wan chang wa, jüserai ümtiikiimin rükimak phan ikha mirwa! Rekhat tang wan khushü ka sammok tra chum blun wantlaq ikha tareko na milüm wan wa.

ISAIA 5:6

Ngi raq sonruk ka sang miishe mitiikaqbaiqha. Ngi raq spiq raü dong ka ton mang she mirha. Kiimaq hiq kiimin kochak maq thu mang she mirha. Kra thaq na shukcham thun nai shuktamro kriima mitlambaiqha. Ngi raq phumda ma ra kiimin tiijunkuq mang she mirha.”

ISAIA 54:14

Tingting tri kappe shamtlaü kriiraq kiimaq tri khaqkhaq shamtlaü kriiraq ümniika achet alet ma mitiija wan. Ümniika mungtsing miishe misihaü kiimaq notshotshot tiiphiipjiip mak she miraq.

ISAIA 55:6

Tatiwe wokhong na jang wan ronglaq, ümchaü apaiq ka aje na.

JEREMIA 50:4

Tatiwe raq ngutlo, “Kra akhing she saü wan raüla, Israil mungti nai Juda mungti noknai ri ka makphai trok raüta, Ngi, tsang Shiikeawe rit wan ipha niishe miwa.

EJEKIEL 34:26

“Ngi raq tsangshiq ka mishman kuqha. Lata tsangshiq ka Ngi raq asii hiqlam kra tro na mitiisiha. Kiijaq Ngi raq tsangshiq ma rong raa tlaq kra phan phan ra tiijun lata mishman kuqha.

Hosea 12:6

Riita ümchaü min Jakob saüsetiim lei, Apaiq puk na nyap wan nong ronglaq. Lanta apaiq ma kamtsantsii thü ronglaq. Apaiq ka namshiq Shiikeawe. Lanta apaiq ka tsapkapkap miishe shomnoq ronglaq. Lanta tsankhun tsanmin maq, Shiikeawe ma namshiq rilung lam ka, tiishunshea lantea siwan ronglaq.

Hosea 14:1

O, Israilnok lei, nam Shiikeawe puk na nyap wan nong ronglaq! Namshiq ngarai kho na thap lantea dea wan lan.

Hosea 6:3

Nashiq raq apaiq tiima tsantsii, khonwan miitu shiichaq rong i. Apaiq nashiq phana, ranap rashe kii li ikha miki dongdii. Lamse sat ma rajuntsi paü pan ikha, apaiq nashiq phana misaüki. Raüta nashiq ma achu shiiman mikuq.”

Hosea 8:7

Tsangshiq raq alai ka rahai na wan wanto. Krai mren, rathaiq rahai tsi she mijut wan! Piiwong rü ka atsi ango ahü, ajaq lamlam li chaptlo. Tsingo wan raüli jiimin, Pongmungti riili michiiq phaq wan.

AMO LUIK DVP (AMOS) 5:15

Ashut lamphan shummii laq, Tingting lamphan lungwii laq. Rung maq tingting kha pho laq. Jursap, Tati raq, Joseph saüse aso atiichong ma, tiihang mangchan lo tiichhi jiiq.

AMO LUIK DVP (AMOS) 5:4

Tatiwe raq Israilnok ma ngutlo: “Namshiq raq ngi ara rit ronglaq, lanta atra sironglaq.

AMO LUIK DVP (AMOS) 5:6

Tati phana waronglaq, lanta atra sironglaq. Riimakla apaiq raq Israil mung ka, wa maq achaq ikha bunlak michaq. Wa na Bethel chela wiita mikhiim, wachhiiketi maiq jumin ahü miraq.

AMO LUIK DVP (AMOS) 5:8

Tatiwe raq raiqsaiq raiqsii tiiqto, pleiads nai Orion, jurai liirai raiqsaiq tiiqto. Apaiq raq rawa ka ranaiq tiija tlo, ranaiq ka rawa tiija tlo. Apaiq raq sammok tra kham hea raüta, mangjong hiq raikhü raübaiqto. Apaiq mang ka Tatiwe

Luke 13:24

“Namshiq ka kilü aranse kiimaq wawan miitu, kai shiikut ronglaq. Jamkhano ngukla, maiq pahea raq kra kilü lam maq jam mong na wawan hai jiilei nguta mitsin ngin. Shatmaq, jam mong na nyap wan lot mak miraq.

Acts 2:18

Ara chongtiikang arka tengteng, Phangthum akhing na, ngi raq i disetiim jechak aja maiqwe aja wiitarü ma, Asii Wenyi ka pheanyin pheanyi kaütak rishi, asho awo miraü kuq ha. Krai mren tsangshiq wiitarü raq, rinkinku maq changriim chiiriim, i tsütsa michong kuq wan.

2 Corinthians 9:10

Shiikeawe ka maiqse ma achhi ajang chang tsamlai chomrom keti we. Kiimaq maiqse ma phaqnai sea chomrom keti we. Krai mren, Shiikeawe raq, namshiq ma tsamlai achhi ajang ma, namshiq ma ümchuwa ra wan tlaq, kra mikuq. Raüta, jamlai wa chhi jang tlan kra, mitiijong luwan. Akhiisii hali, ara ümchaü namshiq raq ümchuwa honglu phongtsoktsok kuqne wan lan, kra dong man wan raüta, namshiq raq asho awo tsam mijut wan han.

James 3:18

Ara chongtiikai, phungtuti liipan na hansang maq nai kaütak rishi maq shongnga wan miitu, jurwa phumram khamkok doshat maq ramram jaqsham wantaq, kriiti ma achu shiiman khusang rilung misi.