Hosea 1:4 - ASII LAKDAP Bible (BSI)

⁴ Tatiwe raq Hosea ma akha nguto, “Apaiq ka ‘Jejreel’ nguta mang laq. Jamkhano ngukla rahiq aje sijai niili, ngi raq Israil mung hokhamwe ka apaiq ma ati hokhamwe Jehu raq, Jejreel hiqthung na maiq pahea tsatbaiq wantaq, kra kha na, apaiq kha ka pholata mitiichamchaoha. Ngi raq Jehu weraü ka chongthum mitiija baiqha.

Hawa Naga Bible 2001

⁴ Yehowa rueq Hosea muex ngoc, “Piq kuex ‘Jezreel,’ ngoz tueq muingc shuiuz, yvmx ruemc lac ngoz ruiux lec mtanc httax muq nuex piq jix vwaz Jehu rueq Jezreel nuex yaq tueq, miq thvy gay khac laung nuex Israel hokhvmx kuex ngaz rueq murx tvgurc shaungx. Ngaz rueq Jehu hokhvmx phvnx vmaq kuex taungsuimc nuex tvkaz shaungx.

Hosea 1:4 Referencias Cruzadas

2 HOKHVMX 10:1

Ahab saüsetiim maiq roqmiishi ka Samaria chela na sitlo. Jehu raq lak ashi waiqto raüta kra lak ka chela pengti mungtubi, welabi, kiimaq Ahab saüse phan maiq sitlaq kra liiti anyungwe ma jatibi thun kiima tiiwanto. Lak na akha waiqto:

2 HOKHVMX 10:17

Tsangnai ka kiijaq saüwa raütiishe, Jehu raq Ahab ma tati seno thun ümchuwa sitlaq kra wiita tsatbaiqto. Maiq ka weshi min atra tiichong mak jiipbaiqto. Arka Tatiwe raq Elija ma chongtaq kra phan phan she kupi wanto.

2 HOKHVMX 15:29

Peka ka hokham jatlaq pat na, Asiria mung Ajong Pinthum Hokhamwe ka kiraüta Israil mung ka khatto. Raüta Ijon, Abel Beth Maaka, Janoa, Kedesh, kiimaq Hajor chela thun, kiimaq Gilead wang binjü thun, Gelili wang, kiimaq Naphtali chela thun kra khatto. Raüta arthun chela wa mungmaiqse ka munglu shumwi ma Asiria mung na tsuq wanto.

2 HOKHVMX 15:8

Hokhamwe Ujjia raq Juda mung ka wiiroqtsam ri wiitiichat she siqto angu na, Jeroboam II se Jekeria ka Israil mung na hokham ma shongto. Kiimaq apaiq ka Samaria chela na ngaraüta mung ka jipi lütrok siqto.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

ISAIA 8:3

Kriijai maq ijamti nyung ka wiihanshe riito. Riita kra naino maiqwe se kriishe humkai. Kiijiishe Tati raq ngi ma, “No mang ka ‘Jaqlo-Runlaq-Thitthit-Teklaq,’ nguta nguto.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

JEREMIA 20:3

Kriimaq napjai ranap she Pashur raq ngi ka thong mong wa diibaiqto. Kiijaq ngi raq apaiq ma akha ngukang, “Tatiwe raq ümniika Pashur nguta mang mak dea. Apaiq raq ümmang ka, ‘Barap Binrii Na Phiiptsi li’ nguta mangto.

JEREMIA 23:2

Tatiwe, Israilnok Shiikeawe raq, mungmaiqse aheawiq maq peng wan chang wa pengtsü makti welabi ma akha khatan kiq tiidea wanto: “Namshiq raq isenginok samhea rüm wan man riilan. Namshiq raq tsangshiq wiita tiipin jinbaiq lan. Namshiq raq abi klo lan kha na ümchaü ngi raq namshiq ma mo she mitiihoha.

JEREMIA 3:8

Juda raq ngi raq Israil ka miimbaiq kang she. Lata ijam wa jobaiq kang. Jamkhano ngukla apaiq ka iwokhong wa juho raüta mephe-nyung miishe jakito ngutiimin sapshat. Shatmaq Israil nyino nyung sethoq nyung Juda ka ahaisi ka ahü. Apaiq kiimin mephe-nyung ma jakito.

EJEKIEL 23:10

Tsangshiq raq akhu akhea ka chhutbaiqto. Raüta naiqhü ma riito. Raüta asetiim maiqwe sere nai jechak sere kong ka wiita lapto. Raüta nepja maq jiipbaiqto. Jechakre barap binriiti raq apaiq rilung miq wantaq kra botrap botrii riichong siqto.

EJEKIEL 23:31

Ümniika ümnyi rilung jaiphan phan siwanlaü. Kra ningkhan, Ngi raq apaiq ma moho chamchao khap kuqkang krahali ümniima mikuqha.”

Hosea 1:6

Kriijai maq, Gomar raq ase ashi hali hum nongto. Ara lak niika jechakse she humto. Tatiwe raq Hosea ma, “Ümse mang ka ‘Lungwiimak’ nguta mang laq, jamkhano ngukla, israilnok ma lungwiitsii ka thümang she. Kiimaq tsangshiq mra ka diikuq mang she.

Hosea 1:9

Kiijiishe Tatiwe raq Hosea ma, “Ümse ka ‘Isengi Riimak’ nguta manglaq nguta chongto. Jamkhano ngukla Israilnok ka isengi riimak. Kiimaq ngi ka tsangshiq Shiikea riimak,” nguta chongto.

Hosea 2:13

Kiimaq apaiq raq ngi laqbaiq raüta, Baal phra shomnoq wanto, kra miitu mitsa shaha. Lata mitiichamchaoha. Kiimaq apaiq raq achaq aseng laktum thun ka, lak raüta awesekong jaijo wantaq kra miitu, ngi raq apaiq ka mitiichamchaoha. Arka Tatiwe raq chongtlo.

Hosea 9:17

Tsangshiq raq Shiikeawe bom tlea wan kha na, I Shiikeawe raq tsangshiq ka amiimshe mirbaiq. Tsangshiq ka Pongmung na, mangtam ikhiishe mimo wan.

AMO LUIK DVP (AMOS) 9:8

Ajong Thaq Na Ajong Pinthum Tatiwe maklii ka ngarai tangti mungtan kra liishat li, kra ningkhan tsangshiq ka mangjong hiq rai khü wa, Ngi raq mitiithen baiq ha, Shatmaq Jakob lai la ka tiithumli tiithum mang nguta, Tatiwe raq ngutlo.

Matthew 1:21

Apaiq raq ase ka maiqwe se michii. Kiimaq ümniiraq no ka Jesuq nguta mimang haü. Apaiq raq anok abin wiita tsangshiq ngarai mong wa michhii kuq wan.”

Luke 1:13

Shamtaq, rase raq apaiq ma chongto, “Naq haikiq Jekeria le! Shiikeawe raq ümnaq achu jaü ka treto she. Kiimaq ümjamti nyung Elijabeth raq ase ashi she mihum. Ümniiraq no ka Johan nguta mang laq.

Luke 1:31

Ümniika ümchaü sanha, wiihan she mija haü. Kiimaq ümse ka maiqwe se michii haü. Kiimaq ümse mang ka Jesuq nguta mimang haü.

Luke 1:63

Kiijiishe, Jekeria raq lakwaiq chang longpen ka jaüto. Raüta, “Apaiq mang ka Johan,” nguta waiqto. Kra chhi raüta, tsangshiq tarü ka kai awang riito!

John 1:42

Raütiishe, apaiq raq aphu Simon ka, Jesuq phaniishe shea wanto. Jesuq raq Simon Petar phanü na lii raüta, “Ümniika Johan se Simon. Shatmaq, ümchaü ara miiphat she, ümmang ka Sephas she miraq.” (Sephas nai Petar ngutlaq kra liichum ka “longkaü” nguta ngo she riito.)

JOSHUA 19:18

Tsangshiq rii achumkuq hiqshong trai mong niika arthun chela ara lomto: Jejreel, Chesulloth, Shunem,