Hosea 1:10 - ASII LAKDAP Bible (BSI)

¹⁰ Israilnok ka puchi wan raüta khamjong phii na kumtsai riiphong tlaq ikha miraq. Awealot chang riimak miraq. Riita ümchaü ka Shiikeawe raq tsangshiq ma, “Namshiq ka isengi riimak” nguta ngutlo. Shatmaq akhing ashi misaü wan, “Namshiq ka atra Shiikeawe setiim!” nguta apaiq raq tsangshiq ka mihea wan.

Hawa Naga Bible 2001

¹⁰ Israel miqsaz kuex svmuktvrax wawc kumtsvy ikhoc vwvlc vhtaz lot miq laz juing paung wvnc tuex. Majuiuc Tishox rueq tsuingshiq muex jungx tueq, “Nuimshiq kuex ngvy miqsaz rvmuq,” yuq muinz kvruex raungnuiyq httuiuc wvnc tuex nuex vpiq rueq tsuingshiq muex jungx shuex, “Nuimshiq kuex vtvraungx httax yaq Tishox suiuz vsaz hez rvtuit!” ngoz tueq ngoz shuex.

Hosea 1:10 Referencias Cruzadas

RAPHA HIQWA LAK 13:16

Ngi raq ümsaü ümsetiim phong ka pahea pahea she mitiipuchi wanha. Tsangshiq ka jurmin weawon lot mak miraq. Kra nam miika hiqraikhü wa botkhulai kra weawon riiwe ka aje lin miraq!

RAPHA HIQWA LAK 22:17

Ngi raq kiqkham lata chong tiikang, Ngi raq ümsaü ümsetiim ka ra na raiqsaiq jamkho diimtlaq, kiimaq khamjong chum kii na kumtsai phü na kumtsai riiphongtlaq ikha mipuchiha. Ümsaü ümsetiim phan raq tsangshiq jaqtinok thun ka mitang wan.

RAPHA HIQWA LAK 32:12

Tsan na tiitsang laq, ümniiraq ngi ma phanrap lamlu ka ahea miraq kiimaq ngi ma isaü isetiim ka maiq jurmin wealot mak, kham jong chum kii na kumtsai riiphongtlaq ikha mitiipuha nguta kiqkham kuq laü ira.”

2 SAMUEL 7:24

Ümniiraq Israilnok ka pattup pat-sa ümsengi miitu she tiija wan laü. Kiimaq Tatiwe lei, ümniika tsangshiq Shiikeawe miishe jawan laü.

ISAIA 43:6

Ngi raq shekhu nü mungti ma tsangshiq ka tiiki ronglaq nguta michongha, kiimaq shemai nü mungti ma tsangshiq ka naq shiikhing rongkiq nguta michongha. Isenginok ka ratsüko mung thun wa mijang wanlaq; mangjong hiq tlotli wa.

ISAIA 48:19

Namsaü namsetiim phong ka kumtsaiphii na kumtsai riiphongtlaq ikha mipuchi wan wa; kiimaq Ngi raq tsangshiq ka ümtiikiimin tiithenbaiq lot mak chang miklo kuqhawa.”

ISAIA 63:16

Ümniika naishiq ma awe jong. Naititiim Abraham nai Jakob raq naishiq mang ka sap mak. Shatmaq, ümniika naishiq Tatiwe ka, naishiq ma awe, naishiq ka wranaiqshe tiikhup wongke wantiwe.

ISAIA 64:8

Shatmaq Tatiwe lei, ümniika naishiq ma awe. Naishiq ka hamlii da; ümniika takloti ikha. Ümniika naishiq phansangti.

ISAIA 65:1

Tatiwe raq nguto, “Ngi ka isenginok achujaü kra tre miitu khekham sikang. Shatmaq tsangshiq raq achu jaü mak dea. Ngi ka tsangshiq ma tiihum miitu khekham sikang. Shatmaq tsangshiq raq Ngi rit ka manhii mak dea. Tsangmungti raq ijaq wa achu jaü mak dea. Ngi ka tsangshiq achujaü tre miitu wranaiqshe khekham siwan kang. ‘Ngi ka ajiili; Ngi raq namshiq mikhrum kanglii,’ nguta tre miitu khekham sikang.

ISAIA 66:20

Tsangshiq raq namshiqnok ka kunli pongmung thun wa Ngi ma kongphiq akuqho ikha tsuq wan raüta, nam mung na mishea wan. Tsangshiq raq tsangshiq ka Ngi raq asii hiqlam Jerusalem na riimtiikang kriijaq kumrang kong thaq na ngaraq raq, kumtoq kong thaq na ngaraq raq, kiimaq kumtsong kong thaq na ngaraq raq, kiimaq kumrang leng thaq na ngaraq raq kiimaq minsaü leng thaq na ngaraq raq mitsuq wan. Israilnok raq wong-honglu thun ka lairap thüchang hupsam ka asii mong na thü raüta Shomjam na kuq wan tlaq ikha mikuq wan.

JEREMIA 33:22

Ngi raq ijaqshise Dawit lai ala phan ka tiipuchi wan ruq mirha. Kiimaq ramwebi Lewi phan wa kiimin tiipuchi wan ruq mirha. Krai mren tsangshiq ka maiq raq wea lot mak she miraq. Ra na raiqsaiq jamkho wealot mai diimtlaq, kiimaq sammok tra chumkii na kumtsai jamkho awea lot mai riiphongtlaq, kiikhiishe mipuchi wan.”

DANIEL 6:26

Ngi raq ara imungtan na siti mungmaiqse wiita ma, Daniel Shiikeawe kiima haisong tsantsii thü raa, kiimaq apaiq ka shreng raa nguta aming kuq tiikang: “Apaiq ka atra Shiikeawe, kiimaq apaiq riili pattup pat-sa, mung mipeng. Apaiq mungtan ka pattup thenki mak phan, kiimaq apaiq ningkun ka ümtiikiimin thummak phan.

Hosea 1:9

Kiijiishe Tatiwe raq Hosea ma, “Ümse ka ‘Isengi Riimak’ nguta manglaq nguta chongto. Jamkhano ngukla Israilnok ka isengi riimak. Kiimaq ngi ka tsangshiq Shiikea riimak,” nguta chongto.

Hosea 2:23

Kra akhing na Ngi raq isenginok ka, Israil mung na mitiichhanchhi wanha. Kiimaq tsangshiq ka chiithe lüwa mitiija wanha. Lata “lungwiimak” anguti ka milungwiiha. Kiimaq, “Isengi riimak” anguti ka, “Namshiq ka isengi” ngutiishe minguha. Kiimaq tsangshiq raq Ngi ka, “Ümniika i Shiikeawe’’ ngutiishe mihea wan.

John 1:12

Li jiimin la, maiq wiijamti raq, apaiq ka tao wanto. Raüta, apaiq ma kam wanto. Krai mren, apaiq raq tsangshiq ma Shiikeawe setiim ma jawan miitu, arang kuqto.

Romans 8:19

Shiikeawe raq phanrap ümchuwa phansang wantaq thun wiitarü raq, maklii khamthii maq, Shiikeawe raq asetiim thun kra tiichhi kuq wan tlo haü jiilei nguta, kai athei ange khe wan tlo.

2 Corinthians 6:18

Ngi ka namwe jong ma mija kang, kiimaq namshiq ka I setiim, maiqwe sere nai jechak sere ma mija wan han, nguta Ajong TATIWE raq chongtlo.”

Hebrews 11:12

Abraham han-ngam rilung ka, arümkai wishe ngo chang khan she riishatmaq, arwe lai ka puchi wan raüta, raham hiqham she pu wanto. Apaiq lai ala ka pu wan raüta, ra na raiqsaiq diim tlaq nai khamjong phii na, kumtsai riiphong tlaq ikha awea lot mai she pu wanto.