Hosea 1:1 - ASII LAKDAP Bible (BSI)

¹ Arka Tatiwe raq Bari se shammiwe Hosea ma riisham bom maq atiichongki. Ara riisham bom chong arka Hosea raq, Juda mung rümti hokhambi Ujjia, Jotham, Ahaj kiimaq Hejekia pat na chongkuqto. Krapat na Israil mung rümti hokhamwe ka Jehoash se Jeroboam riito.

Hawa Naga Bible 2001

¹ Vruex kuex Yuda hokhvmx htenc rvtueq Uzia, Jotham, Ahaza nuiyc Hezekia hez rueq guimz tueq baunglaung Jehoash saz Jeroboam kuex Israel hokhvmx yaungx tueq nuex Beri saz Hosea muex kuq tueq Yehowa bomjungc rvtueq.

Hosea 1:1 Referencias Cruzadas

2 HOKHVMX 13:13

Jehoash ka tsaito. Kiimaq amaa ka hokhambi maalap chiim na Samaria chela na lapto. Kiimaq ase Jeroboam II riishe awe pumsong hokham ma jato.

2 HOKHVMX 14:16

Jehoash ka tsaito. Raüta apaiq maa ka Samaria chela na hokhambi maalap chiim na lapto. Kiimaq apaiq pumsong ma ase Jeroboam II ka hokham ma shongto.

2 HOKHVMX 14:23

Amajia se Joash raq Juda mung na hokham jawan li maq wiiroqshi ri wiibiingi she angu na Jehoash se Jeroboam II ka Israil mung na hokham ma shongto. Kiimaq apaiq raq Samaria chela maq ngaraüta mung ka wiiroqblai ri wiishi langto.

2 HOKHVMX 15:32

Remalia se Peka raq Israil mung langwanli maq wiinai she angu na, Ujjia se Jotham ka Juda mung na hokham ma shongto.

2 HOKHVMX 15:5

Tatiwe raq Ujjia ka thabi tsi maq tiichamchaoto. Kra ningkhan akhum na thabitsi ka hoshat miili she arilung ka tiisungto. Apaiq ka mung jaqsham kra thaq raüta, apaiq maiqmii jam na sito. Kiimaq ase Jotham raq mung ka pengto.

2 HOKHVMX 15:7

Ujjia ka tsaito. Raüta apaiq maa ka Dawit chela na hokhambi maachiim na lapto. Kiimaq ase Jotham ka awe pumsong hokham ma shongto.

2 KAÜWA WERAÜ 27:1

Jokham ka arawii wiiroqnai ri wiibiingi angu na hokham ma shongto. Raüta apaiq ka Jerusalem na ngaraüta mung ka wiiroqshi ri wiitrok siqto. Anyung mang ka Jerusha. Apaiq ka ka Jadok se.

2 KAÜWA WERAÜ 28:1

Ahaj ka arawii wiiroqnai angu na hokham ma shongto. Raüta Jerusalem na nga raüta wiiroqshi ri wiitrok mung ka siqto. Apaiq raq ati tipai Hokhamwe Dawit jaqtho ahea kra phan mak riito. Kra rii na apaiq raq Tatiwe raq lungwii mak phan jaq shamto.

2 KAÜWA WERAÜ 29:33

Kiimahali tsangshiq raq minsaü pongwe kong ka shitrok, kiimaq skukong ka hingtsam lamkuq wanto. Arka mungmaiqse raq angam phaq tlii honglu na take ma lam kuq wanto.

ISAIA 1:1

Ara lakdap na waiqtaq tsütsa thun arka Juda mungti nai Jerusalemti miitu, Shiikeawe raq Isaia ma atiichhikuq bomtsi. Isaia ka Amoj se. Apaiq raq shammi jaqsham wantaq arka hokhambi Ujjia, Jotham Ahaj kiimaq Hejekia raq Juda mung na hokham jaqsham wantaq pat wa.

ISAIA 7:1

Hokhamwe Ahaj, Jothamse kiimaq Ujjia ma asaü raq Juda mung pengtlaq akhing na re dongto. Siria mung hokhamwe Rejin kiimaq Peka, Remalia se, Israil mung hokhamwe raq Jerusalem ka khatto. Shatmaq Jerusalem ka jiilotmak dea riito.

JEREMIA 1:2

Tatiwe raq Jeremia rai riibomto kra rawii ka Amon se Josia ka Juda mung na hokham jawan li maq rawii wiiroqshi ri wiitsam she angu na riito.

JEREMIA 1:4

Tatiwe raq ngi ma nguto.

EJEKIEL 1:3

Kiijaq Bebilon mung na, Chebar Rai kii na, ngi raq Tatiwe ka ngi rai riibom taikang. Kiimaq ngi raq apaiq ningkun heng ka ikhum na asi sapkang.

Yoel 1:1

Arka Tatiwe bomtsi Pethuel se Joel ma riisham bom maq atiichongki:

AMO LUIK DVP (AMOS) 1:1

Arka Tekoa chela na siti skurümti Amos raq achong riisham bomtsi. Ara riisham bomchong arka hiqjong mimushaq na rawii wiinai kongkhu ji na Juda mung langti hokhamwe Ujjia kiimaq Israil mung langti Jehoash se Jeroboam raq lang tlaq pat na Shiikeawe raq Amos lümaq Israilnok miitu riisham bomtsi atiichongki thun kra riito.

Jona 1:1

Ranaiqshi Tatiwe raq Amitai se Jona ma bom ka akha thaüto,

Mikha 1:1

Hokhamwetiim Jotham, Ahaj, kiimaq Hejekia raq Juda mung na hokham jawan tlaq pat na, Tatiwe raq Moresheth chelati shammiwe Mika lümaq Samaria chela nai Jerusalem chela ka re raq mishthen baiq wan nguta riisham bom maq tiithaito.

JEKERIA 1:1

Ajong Hokhamwe Derias raq Parsia mung lang wan li maq rawii wiinai she angu na, kra rawii wa jipi lütiichat she angu na, Tatiwe raq apaiq tsütsa ka Berekhia se Jekeria, Iddo ma asaü Jekeria ma riisham bom maq chiiriim raüta tiichongto.

John 10:35

Nashiq raq asap i, Asii bomtsi na jamlai wa chong tlaq kriika, tengteng. Kra bomtsi ka ümtiikiimin klaiki mak phan. Kiimaq Shiikeawe raq apaiq asii bomtsi ka ümriiti mo chongkuqtaq, kriiti thun ka Shiikeawe shamsham ikha miraq nguta chong tlo.

Romans 9:25

Shiikeawe raq, Hosea shammi we lakdap na akha ngutlo: “Junok wa i sengi riimak, tsangshiq ka ngi raq, ‘Namshiq ka i sengi she,’ nguta mingu wan ha. Ngi raq lungwii wan mang mungti ka, ‘Namshiq ka ngi ma tsanwa nok she,’ nguta mingu wan ha.

2 Peter 1:21

Jamkhano ngukla, riisham bomchong ka, maiqse tsan mong maq adong riimak. Shatmaq Asii Wenyi raq shammibi ka rom raüta, tsangshiq raq Shiikeawe nübok wa tsütsa taitlaq kra chongkuqto.