HAGAI 2:3 - ASII LAKDAP Bible (BSI)

³ “Namshiq phong wa maiq weshi ra tsan na ümchaü min asi shea, man niiwa Shomjam achü ka ümtinkhan tsom wa riita? Ümchaü namshiq makki na Shomjam ka jamkho chhitlan? Manniiwa kriima thiraü jiika, ümchaü ka ahü naolaq riimak shea?

Hawa Naga Bible 2001

³ “Mvnnuex Shomc Yuimx kuex mtanc khvnc lac svp rvp wvnc tvnx tvtsuingc jix miq nuimshiq nuex vshiz shiz vhttax haz? Majuiuc nuimshiq rueq kvruex yvmx khoc lac khiz vshuinx? Kvruex kuex nuimshiq muex yvmx muinz rvmuq ikhoc yaungx yaq.

HAGAI 2:3 Referencias Cruzadas

1 KAÜWA WERAÜ 22:5

Dawit raq tiimato, “Ise Solomon raq haitlaq Shomjam ka pinthum athuk atsom heahea kiimaq mungkang na ra tsa ikha riichang. Shatmaq apaiq ka jeroli kiimaq phanrap jaqsham kaiwa ka samhea mitsin shaqli. Kra ningkhan ngi raq phanrap ka wiita tiije lata thüchang.” Kra tiimataq krai mren, Dawit raq apaiq mitsai shaq na phanrap huk nai sam ümchuwa rong ratlaq kra pahea chamtraq chomrom raüta thüto.

EJRA 3:11

Kra raüta, tsangshiq raq tsangshiq dang ka riido riipan raütiishe, Tatiwe tiitsam kam wan nai Tatiwe shomra wan kechutum wan akhiishe shinge wanto: “Tatiwe ka ahea pinthum, Kiimaq Irsailnok miitu apaiq, lungwiitsii ka pattup siruq miraq.” Tsangshiq wiitarü raq pinthum tiihong raüta, Tatiwe ka tiitsam kam siq wanto. Jamkhano ngukla Shomjam hai wan chang jamkhü na khamlawetiim shong wan chang ka sürii wanto she.

EJRA 3:12

Ramwebi phong wa, kiimaq Lewi phan wa, kiimaq maiq aweraü wa siwan tlaq kra thun wa, nyungwe re re angu thun riika, man niiwa, apha shaqshaq ahai wan Shomjam chü tiithen baiq wantaq kriika achhi riito. Kriikha maq, tsangshiq ka ara anye she sürii haiwan nongtlaq ka chhi raüta, tsangshiq ka tiihong raütiishe agi asii wa trang liishe hoq trang wanto. Shatmaq, kiijaq sitlaq mungmaiqse ahinti riika, tsangshiq chochisi tsi ma, arü ariiq watrang liishe siitrang wanto.

ISAIA 64:10

Asii ümchela thun ka rumnyangkhi kumtsaiphii miishe jakito. Jerusalem ka hiqmiq changkhü ikhiishe tiithen baiqto.

EJEKIEL 7:20

Akhing ashi na tsangshiq ka tsang longseng laktum tsomhea kra lak raüta kai shiikongto. Shatmaq tsangshiq raq kriithun kiimaq maiqphai asi sumla phra thun kra tiiq wanto. Kra ningkhan tiina Tatiwe raq tsang tsiiq tum thun ka tsang mak lii na maiqphai asi she tiijabaiqto.

HAGAI 2:9

Shomjam anye ka jamchü thaq na pinthum tsomhea she miraq. Kiimaq ngi raq isenginok ka tsiiq anyam ma chiithe lüwa miishe mitiijaha. Kiimaq han asang miishe mirümha.” Arka Tati Ningkun Ajong Pinthumwe raq chongtlo.