HAGAI 1:8 - ASII LAKDAP Bible (BSI)

⁸ Riita, ümchaü min, pum kiina warong laq. Lanta pe daq rong laq kiimaq tiipan lanta pehüpan lam ronglaq. Lanta Shomjam tiisiiq kitaq kra tiihea hai ronglaq. Kra riihan jaq, ngi ka kai mikhoq riiqha. Kiimaq namshiq raq ngi ka riikhaqli mishomnoq han.

Hawa Naga Bible 2001

⁸ Majuiuc ghaqluimx htenc nuex duiz woz vtueq pulx htenc kuex laq vtueq Shomc Yuimx kuex guirx yek shuinz; kvkaq ngaz rueq raungc raq wvnc shaungx, ngaz muex aungx yaq tanc khvnc maq nuimshiq rueq nawk palx wvnc wuez phuinx.

HAGAI 1:8 Referencias Cruzadas

1 HOKHVMX 6:1

Israilnok ka Ejip mung wa laüwan jai maq rawii shiblai ri wiiroq tiichat sijai maq, kiimaq Solomon raq Israil mung peng wan li maq rawii wiiblai she angu na, kra rawii phawan jai maq jipi lünai she angu na Jib jipi lüna, Solomon raq Shomjam hai jaqsham kra phaja wanto.

1 HOKHVMX 9:3

Raüta Tatiwe raq apaiq ma akha nguto, “Ngi raq ümnaq achujaü ka trekang she. Ngi raq ara Shomjam ümniiraq pattup pat-sa Ngi shomnoq wan miitu hailaü arka, ümchaü Ngi raq iram kham maq tiibok kang she. Arka asii she. Ngi raq arka khebom kuqshat she mirha. Lata pattup khupwong kuq shat mirha.

1 KAÜWA WERAÜ 22:19

Riita, ümchaü sanha Tatiwe nam Shiikeawe kra tsan nai mongjii kiimaq tsaiji wiita kuq lantea shiikumpan ronglaq. Shomjam hai ka sürii phaho liishe. Kra lanta Tatiwe Tongshong Tek nai laihin asii huk asam thun, apaiq shomnoq wan na lang chang thun kra Shomjam mong niishe thü ronglaq.”

2 KAÜWA WERAÜ 7:16

Jamkhano ngukla ngi raq arjam ara tsea wan kang. Lata arba arka pattup pat-sa miitu ngi shomnoq wan chang hiq ba ngutiishe asii ramkham tiibok wan kang. Kra ningkhan ngi raq khebom shat maq miriimkom wan ha. Lata pattup pat-sa khup wongkuq shat maq miriim wan ha.

EJRA 3:7

Ara chongtiikai arai mren, mungmaiqse raq longjam haiti tsiimwe khiiqwebi nai pe nai wii maq shamti thun kriima, kampho kuqto. Kiimaq hali mungmaiqse raq phaqnai sea rai awong, anyang chang, kiimaq olip-petsi tai thun kriimin kuqto. Riita arka Tajar nai Sidon hong na chela thun kiijaq tiiho wan miitu kuqto. Arka Shomjam hai ma Lebanon mung wa Sidar pe kra ri ma kuqto. Raüta ara maisak pe ara daq raüta, khamjong lam maq Jopa chela na lamho chang riito. Riita, ara chongtiikai sham akai thun arka, Parsia mung hokhamwe Sairas aming maq shamlam wanto.

EJRA 6:4

Kiimaq khetuk thun kriika longpen daptsam maq hai jaimaq, kriithaq kiijaq pepen maq liipshi hali hai wan chang miraq. Riita ara Shomjam haiwan miitu chiirit kampho ümchuwa raa wan jiiq, kriika hokhamwe kampho tek wa lam lili raüta ke wan chang miraq.

DUNGWVNC 29:43

Kiijaq Ngi raq isengi Israilnok rai mirhumha. Kiimaq Ngi asi kha maq makse chhat-hit chai nyii raitlaq kriiraq kriiba ka asii ma mitiija.

ISAIA 60:13

“Pain pe, junipar pe, kiimaq Saipres pe thun, Lebanon pum wa pe ahea pinthum kra, Lamho raüta ümchela ka mitiihea hainong. Raüta i Shomjam ka pinthum tsomhea tiija miitu, Raüta ichela ka achhai anyii khushü tiijong miitu.

ISAIA 60:7

Kedar nai Nebaioth mung wa skukong ka wiita Ümniima honglu kewa misaü wan. Raüta berong-wacha na mitakuq Tatiwe tiichochi miitu. Tatiwe raq apaiq Shomjam ka pinthum achhai anyii pattup mitiichhainyii wan.

ISAIA 66:11

Namshiq raq apaiq rongwin chhilanta michochihan, noshiise anyung pü nyangtlaq ikha.

HAGAI 1:7

Namshiq raq samhea riiwea rong liina? Namrilung na, asho awo ahü; awon awu ahü jaki tlaq arka jaro?

HAGAI 2:7

Ngi raq mangjong hiq wa maiq mung thun naüshaüshaü mirha. Krai mren pongmung maiqse raq tsangshiq tsiiq tum kra howan raüta arjiishe mito wan. Krai mren, Shomjam ka tsiiq anyam raq ama she miraq.

HAGAI 2:9

Shomjam anye ka jamchü thaq na pinthum tsomhea she miraq. Kiimaq ngi raq isenginok ka tsiiq anyam ma chiithe lüwa miishe mitiijaha. Kiimaq han asang miishe mirümha.” Arka Tati Ningkun Ajong Pinthumwe raq chongtlo.