HAGAI 1:4 - ASII LAKDAP Bible (BSI)

⁴ “Isenginok lei, i Shomjam jam ka wiita atrunkai wishe riiraü, namshiq maiqmii singa chang jam awak kriika thepthep jamhea siisaq hai wan lanta sitlan nya?” nguta tiichongto.

Hawa Naga Bible 2001

⁴ “Ngvy miqsaz htenc lex, nuimshiq kuex yuimx vhvlx nuex httax wuez vtuinx rvyruiux ngvy Shomc Yuimx kuex yvmx rvtueq lac kvhttak bac wvnc vtvnx?

HAGAI 1:4 Referencias Cruzadas

2 SAMUEL 7:2

Kiijiishe hokhamwe shammiwe Nathan ma nguto, “Liilaq, ngi ka ümchaü ijam sedar pe maq ahai jam na sitiikang. Shatmaq Shiikeawe Tongshong Tek ka tombutiipse mong niili tiithütlo!”

2 HOKHVMX 5:26

Shatmaq Elisha raq treto, “Kra maiqwe ka kumrang leng maq satki raüta ümniirai riihumtaq akhing na, ngi ka wenyi na ümniirai adam asi riikang mak shea? Ümchaü akhing arka maiq jaq wa kampho kiimaq khu akhea, olip petsiro kiimaq spiqro bagan, skusekong, kiimaq minsaü kong, lo kiimaq jaqshisetiim kong jaü wan akhing riimak!

Tvtsvmc 102:14

Ümjaqshise raq kriinyung ka lungwiito, apaiq ka wiita tiithenbaiq kli jumin; tsangshiq raq kriinyung ma tiihang mangchan tiichhishat, apaiq ka wiita athenkaikun she jiimin.

Tvtsvmc 74:7

Tsangshiq raq üm Shomjam ka tiithenbaiqto raüta wa maq chaqbaiqto; tsangshiq raq ümnaq shomnoq chang asii jam ka wiita tiisheshi baiqto.

THARC TVLUINGC 3:3

Atseabaiq akhing min tiihong je ami tiiheake akhing min tiihongje. Asiiqbaiq akhing min tiihongje; Ahaihun akhing min tiihongje.

JEREMIA 22:14

Chongthum ma mija jurwa, “Ngi miitu kiitelong jam mihaiha, rathong khok thun ka binlu binli mihaiha,” nguta ngutlaq. Krai mren apaiq raq ajam ka kitanpu thun thep thep haitlo, raüta maisak pe pen maq thep haitlo raüta rongshii maq lotlo.

JEREMIA 26:18

“Man na Hejekia raq Juda mung na hokham jataq akhing na, Moresheth hiqti shammiwe Mika raq mungmaiqse tlotli ma Tati Ningkun Ajongwe raq jamlai wa ngutaq kra akha chongto, ‘Jajon chela ka wak thutlaq ikha mithubaiq, Jerusalem ka jamriim phong li she miraq, kiimaq Shomjam haichang jamkhii ka rumtang pero ma mijaki.’

JEREMIA 26:6

Namshiq raq ibomchong ka tlea wanruqli la riihanla, Ngi raq Shilo chela wa asii jam ka jamkho tiithen baiqkang, kiikha, ara Shomjam armin atiithen mirbaiqha. Kiimaq maiq mung thun raq ara chela mang ka chong raüta manson shiiton miishe mitiija.”

JEREMIA 33:10

Tatiwe raq nguto, “Maiqse raq ara hiqshong arka kumtsaiphii rumnyangkhi ikha jakito. Arjaq maiq min simak she, kiimaq nyamse kong min simak she. Tsangshiq raq ngutlaq ka tengto dea. Juda mung wa chela thun ka kiimaq Jerusalem chela wa chiihea wea lam thun ka shaqmii she. Maiq min simak kiimaq nyamse kong min simak she. Shatmaq jaimaq arthun arjaq ümniiraq mitai nonghaü.

JEREMIA 33:12

Tati Ningkun Ajongwe raq ngutlo, “Armung na, kumtsaiphii rumnyangkhi ikha sitlaq kiimaq ümjiiwa maiq simak, kiimaq ngam saü ngiqse min simak, arjaq jaimaq nyamse dungchang nyiim lung heala miraq. Kiijaq sku rümti kong raq tsangshiq sku kong miriim.

JEREMIA 52:13

Raüta apaiq raq Shomjam nai hokhamwe jam, kiimaq Jerusalem chela wa ajong alabi jam thun kra wiita wa maq chaqbaiqto.

AJONJÜ 2:7

Tatiwe raq apaiq hongluke chang, berong-wacha nai, apaiq asii Shomjam kiimin jai maq nong baiqto. Apaiq raq rewe ma atuk thun, runbaiq miitu kiinong kuqto. Man na naishiq shomnoq chochi chang Jam na, tsangshiq raq tang raüta riiriiq wanto,

AJONJÜ 4:1

Nashiq chaq achhai anyii thun ka, mutmaqmaq she, Shomjam longpenkaü thun ka, chiiheawea lam na riiphongtlo.

EJEKIEL 24:21

Namshiq Israilnok ma ara tsütsa ara chonglaq nguta thaüto: Namshiq raq Jerusalem Shomjam ka nganghea nguta shiikongsiqtlan. Namshiq raq kra liisea lungwiitlan kiimaq khum lanta liisea lungwiitlan. Shatmaq Tatiwe raq kra atiishe she mirbaiq. Kiimaq namshiq jamkun wa jerobi thun ümchaü Jerusalem na tiichongtlaq thun kra redong na wiita mijiipbaiq.

LEWI 19:25

Shatmaq rawii biingi she angu niishetiq namshiq raq petsi thun kra pan sea mimai. Namshiq raq ara tri thun ara langhanla, nam petsiro na atsi ka pahea mitsikuq. Ngi ka Tatiwe namshiq Shiikeawe.

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

HAGAI 1:3

Arkha niishe Tatiwe raq Israilnok ma, Shammiwe Hagai lümaq bom ka akhiishe tiichongto:

HAGAI 1:5

Namshiq ma achu shiiman ahü kra chhiman shea?

HAGAI 1:9

“Namshiq ka rongboq ja ma jaqsham shiichaq tlan. Shatmaq tsam ka atsapseli lap tlan. Kiimaq namshiq raq tsam ka tum niishe thiiwan tlan. Kriiwa ngi raq ame riibaiq tiikang. Kra ngi raq jamto mebaiq tiikang ngukla, namshiq ka maiqmii jam hai kiinii li mojii tlan. I Shomjam ka, arümkai wishe, ano ani wiita atham wan wishe.

Matthew 6:33

Ara rii na, Shiikeawe mungtan nai kechu maiqse ma jawan riiwe kli rit rong laq. Raüla, arthun arka mikuq wan dongdii.

Philippians 2:21

Wiitarü ka, maiqmii ma amet dong chang lam kra tiima raüta, siti siisaqli. Jesuq jaqsham ka, jamkhii raüta tiijong chang wa, kra tiima makti maiq pahea asi.