Ephesians 4:3 - ASII LAKDAP Bible (BSI)

³ Shiikeawe Asii Wenyi raq, namshiq ma khusang rakhang siwan rilung she kuqto. Raüta, namshiq ka tushi na siwan miitu, triitam kuqto she. Krai mren, namshiq raq ara Shiikeawe raq, namtu ashi haikuq taq ara, naq siiq rongkiq. Namshiq tarü ka, kra namtu kiijaq tiipaq shat maq, siruq chang miitu shiichaq rong laq.

Hawa Naga Bible 2001

³ Nuimshiq muex tvrungx raz yaq nomic maq kvkhvrc buinc ningkhvnc nuex Siyac rueq vkuq vrungx vraz rvtuimx yuimx lvmx kuex hungc vlaungc tvlot laz maq tvjomx taq wuez shuinz.

Muklom

³ Nim arum aa nungmay jamoq tong eq, tsija o kashey tong ma chamtan jin somlo inn, somlo inn.

Ephesians 4:3 Referencias Cruzadas

1 HOKHVMX 16:21

Israilnok ka atiikho riikito: Maiq wiijamti riika Ginath se Tibni ka hokham ma shongro. Kiimaq maiq wiijam ka Omri ka hokham ma shongro.

DUNGWVNC 28:32

Kiijaq khupo hong chang apu ka tiihong shat riichang. Kiimaq ara dangkong pu tro ka tiichaiki mak chang miitu kheaphu ashi maq trotam na kop chhang chang.

THARC TVLUINGC 4:12

Weshi laqlaqseli nguraü ka, apaiq tsea wati saüwa raüla, apaiq raq tang mak miraq. Shatmaq wenai nguraü ka mitang. Raülo lotsam maq apa kriika, panthit panbaiq miika jemak.

Mark 3:24

Maiq mung ashi ka, tsangshiq liipan na, maiqmii wela ja she, riilong liiqki raüla, tsangmung ka pongpin riipin mithenki ngushat.

John 13:34

Riita ümchaü min ngi raq namshiq ma aming anye she kuq tiipha ara: Namshiq ka riimang riichan maq shongnga ronglaq. Ngi raq namshiq ka jamkho lungwii kang, kiikhiisii hali, namshiq liipan niimin, riilung riiwii maq sirong laq.

1 Corinthians 1:10

Ngi ma nashiq Tati Jesuq Khristo raq, nashiq hupli thaq na shunshea wan arangke kha maq, ngi raq namshiq tarü ma ara tsii chongkuq tiikang; phunainotiim namshiq tarü tiima tsantsii ashi miili sirong laq. Bom riichong tlan na kiqshi tsiimshi maq ri ronglaq. Namshiq liipan na naq tiikhothiq rongkiq. Namshiq tiima tsantsii ka ashi li thü ronglaq. Kiimaq rekhu ashi miili si ronglaq.

2 Corinthians 13:11

Riita, ümchaü sanha, phunainotiim lei, awashejo! Minhap jawan miitu shiichaq ronglaq; ngi tiipaiqnea bom kra tai ronglaq; ari aram maq si ronglaq; hansang maq si ronglaq. Kiimaq lungwii Shiikeawe kiimaq khusang ka namshiq ma misilaq.

Ephesians 4:13

Riita, ara chong tiikai krai mren, nashiq wiitarü ka adam na, nashiq kamtsantsii ashi maq, Shiikeawe Se mangchan tsaü kra mikhon rong i. Laita, nashiq ka wenyi na maiqla she mija rong i. Laita, Khristo jamkho sitlaq, kiikha misi rong i.

Ephesians 4:4

Namshiq tarü ka khum ashi sitlaq kiiwa siili adong han. Kiimaq, Asii Wenyi kiimin ashi li. Kiimaq, Shiikeawe raq namshiq hea wantaq, ran tsantsii thü chang kiimin ashi li.

1 Thessalonians 5:13

Tsangshiq ka namshiq kamasham rilung noboq wanti. Kriikha maq, namshiq raq tsangshiq ka lungwii tsantsii ajong maq, shreng ronglaq. Namshiq nai namshiq liipan na, ari aram maq, kiqshi tsiimshi maq shongnga ronglaq.

Hebrews 12:14

Wiitarü rai, ari aram maq si miitu, shiikut ronglaq. Kiimaq, asii arai, kechu rilung, jamlai kiqjiq ahü maq si ronglaq. Kechu rilung siwan hümiika, juwe riimin, Tatiwe rai sham ka riichhi lot mak.