EJRA 8:1 - ASII LAKDAP Bible (BSI)

¹ Hokhamwe Artajarses raq mung lang wan tlaq pat na, Jehudinok ka Bebilon mung na munglu asiwati phong wa, Ejra rai Jerusalem na janghotiiti thun wa maiq aweraü mang thun ka ara:

Hawa Naga Bible 2001

¹ Vruex kuex honoc Artazeze pat nuex Babelon nuex thuq lvy rvhumc vtueq Ezra rulc vdvmz Yerusalem nuex yek waung tueq vtaungx waruiuz htenc wawc vkhux yaungc jix hez muingc wvlc rvtueq:

EJRA 8:1 Referencias Cruzadas

1 KAÜWA WERAÜ 24:31

Takitek wa maiq juwa maiqlati nai apaiq ma anotiim phong wa weshi raq lang liichang ka tsuntlo. Raüta tsangta rii jaqsham chang kra lang raq thaütlaq kra phan phan riiphea wanto. Arka tsangshiq ma ata awiitiim Aron saüse phan wa ramwebi raq jaqsham riiphea wantaq kiikha riipheato. Hokhamwe Dawit, Jadok, Ahimelekh, kiimaq ramwebi takitek wa awetiim, kiimaq Lewinok ka ara jaqsham riiphea wan liiti kiimwebi riito.

1 KAÜWA WERAÜ 26:32

Hokhamwe Dawit raq Jeria ma ata awii phan phong wa welabi maiq kuilang kuilabi siisaq hingnai ri shimiishi tseato. Raüta tsangshiq ka Israil mung Jordan rai maq shedong mung na siti Reuben phan wang, Gad phan wang, kiimaq shedong Manase wang na siti ma Shiikeawe lam phan na nai mangjong lam phan na mung peng wanti ma shongto.

1 KAÜWA WERAÜ 4:33

kiimaq kriithun hiqshong tro na, hiqmai nü nai shenyap nü wang na Baalath chela kiina saüli li shong wanto. Tsangshiq weraü manphan raüpot thii wantaq nai tsangshiq siwan chang hiqshong thun ka arjaq chong tlaq arthun ara riito.

1 KAÜWA WERAÜ 9:1

Israilnok mungmaiqse kunli aweraü aweatek wea raüta aheawiq waiqthüto. Kra waiqthütaq weawea raüpot ka Israil Mung Hokhambi Manphan Lakdap na waiqthüto. Juda mungti ka tsangshiq ngarai pahea tang kha na tiichamchao miitu Bebilon mung na tsuq wanto.

1 KAÜWA WERAÜ 9:34

Arjaq waiqtaq maiq mang thun arka Lewi phan wa ata khuthaq na akhupo jati thun riito. Arka tsangtitiim pat maq pha raüta tsangwe raü phan phan waiqto. Tsangshiq ka welabi ashun asheati Jerusalem na sitibi riito.

2 KAÜWA WERAÜ 26:12

Phen phung ka phentubi 2,600 raq pengto.

EJRA 1:5

Riita, Juda ta kaüwa weraü phan wa phukhu welabi thun kiimaq Benjamin ta kaüwa weraü phan wa phukhu welabi thun, kiimaq ramwebi thun kiimaq Lewinok thun kiimaq Jehudinok phan mungmaiqse ahinti Shiikeawe raq tsangshiq tsan tsii tiichhii wan tlaqti thun ka tarü tsan achhii maq shairang rang raütiishe, tsangmung na laü wan raüta Jerusalem chela wa Tatiwe Shomjam kra tiihea hai wan miitu she chap wanto.

EJRA 2:2

Tsangshiq welabi thun ka arthun ara riito. Jerubabel, Joshua, Nehemia, Seraia, Reelaia, Mordekai, Bilshan, Mispar, Bigwai, Rehum, kiimaq Baana riito. Israilnok mungmaiqse phong wa kaüwa weraü aphan maq munglu wansha asiwa wa jang wantiiti thun mang ka arthun ara riito:

EJRA 2:3

Parosh weraü wa - 2,172 Shephatia weraü wa - 372 Ara weraü wa - 775 Pahath Mob (Jeshua nai Joab saüse phan wa) weraü wa - 2,812 Elam weraü wa - 1,254 Jattu weraü wa - 945 Jakkai weraü wa - 760 Bani weraü wa - 642 Bebai weraü wa - 623 Ajgad weraü wa - 1,222 Adonikam weraü wa - 666 Bigwai weraü wa - 2,056 Adin weraü wa 454 Ater (apaiq ka Hejekia ngutiimin ngutlo) weraü wa - 98 Bejai weraü wa - 323 Jora weraü wa - 112 Hashun weraü wa - 223 Gibbar weraü wa - 95

EJRA 7:13

“Ngi raq ara mung lang tiikang armong na siti, Israilnok tlotli ma, kiimaq ramwebi ma, kiimaq Lewinok ma, kiimaq juju riiwa Jerusalem na laühodam rotlaq, kriiti ka jam tiibanbi ahü ma ümchaü ümniirai laühodam mimai nguta aming kuq tiikang.

EJRA 7:28

Shiikeawe kaphap mangchan khong maq, ngi raq hokhamwe khrum tsantsii ahea lap wan kang. Kiimaq apaiq wokhong na siti, apaiq ma tsii chongketi, apaiq kongti thun khrum kiimin lap wan kang. Kiimaq apaiq jaqshi ajong alabi khrum kiimin lap kang. Itatiwe, Tati Shiikeawe raq ngi ma ningkun ajong shoqkuq wanto. Kiimaq Israilnok mungmaiqse phong wa maiq aweraü sheati welabi thun ka, ngi rai adam maq Jerusalem na laü wan miitu, tsangshiq tsantsii ka trapru wan kang.”

EJRA 7:6

Israilnok Shiikeawe raq Mosheq ma Thungtri kuqto. Riita Ejra ka Thungtri shamwantiwe taksu maiqse riito. Ejra khuthaq na apaiq Tati Shiikeawe achu shiiman ka asi kha maq, Ejra raq hokhamwe jaq wa jamlai phan wa jaütaq, kriika hokhamwe raq Ejra ma khrum kuqto. Riita ara chongtiikai arai mren, Artajarses raq munglang wanli maq wiimiishi she angu na, Ejra ka Bebilon mung maq Jerusalem na kaiho kiimwiiq phahoto. Apaiq rai Jerusalem na laüho damti Israilnok mungmaiqse ka arthun armin kiho damto. Ramwebi, Lewinok, Shomjam na ashi ashunti, Shomjam kheti petabi, kiimaq phanrap shamti thun laühoto.

EJRA 8:2

Phinehas weraü wiika Gershom, Ithamar weraü wiika Daniel, Dawit weraü wiika Shekania se Hattush riito. Parosh weraü wiika Jekeria nai ata awii aphu ano thun 150 riito, (tsangshiq weraü manphan ka awaiq arthü asi riito). Pahath Mob weraü phan wiika Jerahia se Eliehonai. Apaiq rai ka maiqwere 200 riito. Jattu weraü phan wiika Johajiel se Shekania. Apaiq rai ka maiqwere 300 riito. Adin weraü phan wiika Jonathan se Ebed. Apaiq rai ka maiqwere 50 riito. Elam weraü wiika Athalia se Jeshaia. Apaiq rai ka maiqwere 70 lomto. Shephatia weraü phan wiika Mikel se Jebadia. Apaiq rai ka maiqwere 80 lomto. Job weraü phan wiika Jehiel se Obadia. Apaiq rai ka maiqwere 218 lomto. Bani weraü phan wiika Josiphia se Shelomith. Apaiq rai ka maiqwere 160 lomto. Bebai weraü phan wiika Bebai se Jekeria. Apaiq rai ka maiqwere 28 lomto. Ajgad weraü phan wiika Hakkatan se Johanan. Apaiq rai ka maiqwere 110 lomto. Adonikam weraü phan wiika Eliphelet, Jeuel kiimaq Shemaia riito. Tsangshiq rai ka maiqwere 60 lomto. (Tsangshiq ka jaithong lak niishetiq laükito). Biqwai weraü phan wiika Uthai nai Jakkur riito. Tsangshiq rai ka maiqwere 70 lomto.