EJRA 6:3 - ASII LAKDAP Bible (BSI)

³ “Apaiq raq munglang hokham jaqsham wantaq apha rawii na, hokham ajongwe Sairas raq Jerusalem Shomjam sitlaq kriika atra nyamse honglu kewan miitu, kiimaq wa na chaq wan chang honglu thun kra kewan miitu tiihea hai wan chang nguta aming kuqto. Kra Shomjam ka adii lu nü na mitar roqnairi miishi riichang, kiimaq ajong nü na mitar roq nai ri mitar miishe riichang.

Hawa Naga Bible 2001

³ “Honoc Kiru rueq guimz lawc wvnc tueq vphaungc raungwawc, shomc nawk kuy juing nuiyc shomc kuy juing htenc juiuz juing baung tvkoc Yerusalem Shomc Yuimx guirc yek tvkoc nvr tueq. Shomc Yuimx kvruex kuex vjoz kox meter 27, vyungc kox meter 27 ruec rax.

EJRA 6:3 Referencias Cruzadas

2 KAÜWA WERAÜ 2:3

Solomon raq Tajar Hokhamwe Hiram ma tsütsa ka akha tiiwanto: “Ümniiraq iwe Hokhamwe Dawit rai apaiq hokham jamhai miitu maisak pepan lunkuq laü ikha, ngi rai min piikiilaq.

2 KAÜWA WERAÜ 2:6

Riita riikhaq li miika Shiikeawe miitu shomjam ka juwe riimin haikuq lot mak. Jamkhano ngukla ramungtan jonglu kra dongdii min apaiq khum ka siimmak aran se. Ikhiijiika ngi khoshose ara riika Shiikeawe shomjam ashi ka jamkho mihai lot, miinan honglu homseng se ka wa na chaq ma lam lam se miitu li miraq makshea?

2 KAÜWA WERAÜ 36:22

Parsia mung pengti ajong hokhamwe Sairas ka hokham ma shong wan li maq apha rawii na Tatiwe raq shammiwe Jeremia lümaq jamlai riisham bomtsi wa tiichongtaq kra riikhaqli she tiikupi wanto. Apaiq raq Sairas tsan mong na akha aming kuqlaq, laüta lak na waiq laüta barap binrii na tiihoho laq. Laüta apaiq mungtan wiitarü hamli na chii triim laüta agi lü lü tiiphat kuq laq nguta apaiq tsan ka tiichhii kuqto. Bomtsi ka akha:

EJRA 1:1

Parsia mung hokhamwe Sairas ka Bebilon mung na hokham jawan pha shaqshaq rawii na, Tati Shiikeawe raq shammiwe Jeremia nübok maq riisham bomtsi chongkuq wantaq kra riikhaqli she tiikupi kuq wanto. Tatiwe raq Jehudinok ka tsangmung na laü wan nong miitu aming kechang nguta hokhamwe Sairas tiima tsantsii na tiishai rai kuqto. Krai mren Sairas raq ara aming lak arshe waiqto. Raüta ara lak arka mungmaiqse ma chiiriim raüta tiikewa miitu aming tatto. Aming ka akha kuqto:

EJRA 1:2

“Arka Parsia mung langti Hokhamwe Sairas aming. Sanseng Ramungtan Rümti Tati Shiikeawe raq mangjong hiq angu tlotli ara hupkhang wan miitu ngi ka hokham ma shongto. Kiimaq Shiikeawe raq apaiq shomnoq wan miitu Judia wang wa Jerusalem chela na Shomjam sitlaq kra haike wan chang nguta ngi ma arang akekun she.

EJRA 3:7

Ara chongtiikai arai mren, mungmaiqse raq longjam haiti tsiimwe khiiqwebi nai pe nai wii maq shamti thun kriima, kampho kuqto. Kiimaq hali mungmaiqse raq phaqnai sea rai awong, anyang chang, kiimaq olip-petsi tai thun kriimin kuqto. Riita arka Tajar nai Sidon hong na chela thun kiijaq tiiho wan miitu kuqto. Arka Shomjam hai ma Lebanon mung wa Sidar pe kra ri ma kuqto. Raüta ara maisak pe ara daq raüta, khamjong lam maq Jopa chela na lamho chang riito. Riita, ara chongtiikai sham akai thun arka, Parsia mung hokhamwe Sairas aming maq shamlam wanto.

EJRA 6:14

Shammi Hagai nai shammi Jekeria raq, Jehudinok welabi ma tsaido jido traho bom chongkuq wan tlaq krai mren, tsangshiq welabi riimin, Shomjam tiihea hai wan kriika ahea thitthit maq shiingut wanto. Israilnok Shiikeawe raq tsangshiq ma aming kuq wantaq krai mren, kiimaq Parsia mung lang wanti ajong hokhambi Sairas raq, Derias raq, kiimaq Artajarses raq aming kuq wantaq krai mren, Jehudinok welabi riimin Shomjam tiihea haiwan kriika akhing riikhaqli na dea tlot wanto.

Tvtsvmc 122:4

Arjaq maiqphan thun ka watlo, Israilnok maiqphan thun kra watlo, apaiq aming thun kra phan phan, Tati ma kechutumke wa.

Revelation 21:16

Kra Chela ka tapshok ikha, siimblai wiita na ajong, alu, adiilu na riingea riingea siisaq. Rase raq chela ka ajaq na sham tlaq ashin chang nyeakii kiimaq shinto. Kra shin kiita, chela ruk ka alu nü na kilumitar 2400 riito. Kiimaq adü lu nai athea nü na kiimin kiitinkhan siisaq riito.