EJRA 4:2 - ASII LAKDAP Bible (BSI)

² Kra tai wantaq krai mren, tsangshiq ka Jerubabel nai kaüwa weraü welabi rai riihumkai nguta kito. Raüta tsangshiq nangnga, “Riita naishiq riiminla namshiq rai Shomjam kra tiihea haidam phai na. Jamkhano ngukla, naishiq riimin la, namshiq raq Shiikeawe ka jamkho shomnoq tlan, kiikhiisii hali naishiq riimin kra Shiikeawe kli dea shomnoq tiikai. Asiria hokhamwe Esarhaddon raq naishiq ka man na arjaq shongki rongkiq nguta tiikito. Naishiq raq man na, arjaq laühokai miiphat, ümchaü niitaq saüli nyamse maq honglu kuq wan laita, Shiikeawe ka shomnoq wan lili riitiikai.”

Hawa Naga Bible 2001

² Kvkhoc rvtueq tsuingshiq kuex Zerubabel nuiyc vtaungx waruiuz walaungx bix kox nuex rvhumc kaz vtueq, “Nuiyshiq kuex vruex Shomc Yuimx guirx yauk shuimc vyuq nuimshiq rulc vdvmz nuex tvshuimc naungx kuit. Nuiyshiq rueq muinz nuimshiq rueq nawk palx vshuinx Tishox kuex nawk palx vshix, nuiyshiq kuex vruex hong vyuq httax tvkoc tvkaz phuex Asiria honoc Esarhaddon pat maq phuex nuiyshiq rueq shomc nawk kuy juing kuex shomc kuq wvnc tiq,” ngoz tueq jungx tueq.

EJRA 4:2 Referencias Cruzadas

RAPHA HIQWA LAK 10:11

Kriimiishe apaiq ka Asiria mung na wawanto. Raüta Ninewi chela, Rehoboth Ir chela, Kala chela,

2 HOKHVMX 17:24

Asiria mung ajong hokhamwe raq mungmaiqse ka Bebilon chela, Kuth chela, Iwa chela, Hamath chela, kiimaq Shepharwaim chela thun wa tsuqho raüta Israil mungti munglu shumwi ma tsuq wantaq kriiti sichang Samaria wang na chela thun kiijiishe tiishong wanto. Tsangshiq raq arthun chela ara jiiwan raütiishe shong wanto.

2 HOKHVMX 17:41

Krai mren tsangshiq riika siimko maq Tatiwe kra shomnoqtlo. Shatmaq siimko miika tsangshiqnok sumla phra thun kiimin shomnoqtlo. Krai mren, ümchaü niitaq tsangsaü tsangsetiim riimin kriithun kra shomnoq raütli sitlo.

2 HOKHVMX 19:37

Ranaiqshi apaiq ka apaiq phrakaü Nisrokh noqrea shomjam mong na riito. Kriiwa ase nai Adrammelekh nai Sharejar raq apaiq ka nepjasai maq sebaiqto. Raütiishe tsangnai ka Ararat mung niishe tiipaü juhoto. Kiimaq asetiim phong wa weshi, Esarhaddon ka apaiq pumsong ma ajong hokhamwe ma shongto.

EJRA 1:5

Riita, Juda ta kaüwa weraü phan wa phukhu welabi thun kiimaq Benjamin ta kaüwa weraü phan wa phukhu welabi thun, kiimaq ramwebi thun kiimaq Lewinok thun kiimaq Jehudinok phan mungmaiqse ahinti Shiikeawe raq tsangshiq tsan tsii tiichhii wan tlaqti thun ka tarü tsan achhii maq shairang rang raütiishe, tsangmung na laü wan raüta Jerusalem chela wa Tatiwe Shomjam kra tiihea hai wan miitu she chap wanto.

EJRA 2:2

Tsangshiq welabi thun ka arthun ara riito. Jerubabel, Joshua, Nehemia, Seraia, Reelaia, Mordekai, Bilshan, Mispar, Bigwai, Rehum, kiimaq Baana riito. Israilnok mungmaiqse phong wa kaüwa weraü aphan maq munglu wansha asiwa wa jang wantiiti thun mang ka arthun ara riito:

EJRA 3:12

Ramwebi phong wa, kiimaq Lewi phan wa, kiimaq maiq aweraü wa siwan tlaq kra thun wa, nyungwe re re angu thun riika, man niiwa, apha shaqshaq ahai wan Shomjam chü tiithen baiq wantaq kriika achhi riito. Kriikha maq, tsangshiq ka ara anye she sürii haiwan nongtlaq ka chhi raüta, tsangshiq ka tiihong raütiishe agi asii wa trang liishe hoq trang wanto. Shatmaq, kiijaq sitlaq mungmaiqse ahinti riika, tsangshiq chochisi tsi ma, arü ariiq watrang liishe siitrang wanto.

EJRA 3:2

Kra raütiishe, Jehojadak se Joshua, kiimaq apaiq kongtitiim ramwebi, kiimaq Shealtiel se Jerubabel raq, apaiq ma tatisenobi thun kra sheaho raüta, Israilnok Shiikeawe shomnoq chang berong-wacha arunbaiq rat kra tiihea hai wan nongto. Arka Shiikeawe raq apaiq jaqshise Mosheq ma Thungtri kuqtaq kra phan phan Shiikeawe ma wa na chaq raüta aluke wan nong miitushe tiihea haito.

NEHEMIA 9:32

“O, Shiikeawe lei, naishiq Shiikeawe le! Ümniika achong lot mai, rakaü hiqwe Shiikea! Ümniika phiiptsi jiiptsi Shiikea! Ningkun ajong rümti Shiikea! Ümniika tongshong bom kham, tsapkapkap maq rümtiwe. Naishiq ka Asiria hokham we pat maq, tiicham chaopha wan raüta, ümchaü ranaiq niitaq, ümtinkhan wa chamchao wankai! Naimung hokhambi, naimung welabi, naimung wa ramwebi, kiimaq naimung wa shammibi, kiimaq naiti thun, kiimaq naimung wa mungmaiqse wiita, ümtinkhan wa chamchao, riihum wanto. Shiikeawe lei, naishiq atinkhan she, chamchao wan kai, ümtsan na tiitsang laq!

Tvtsvmc 73:8

Tsangshiq raq maiq ka chuphit nüphit shummiitlo kiimaq maiq ma abi bomtlo; tsangshiq ka ashkongwali kiimaq maiq ka shiikeng miileng haihii kli kiimungtlo.

ISAIA 37:37

Kiijiishe Asiria hokham ajongwe Sennacherib raq Jerusalem ka khat mak she, tei thüto. Raüta apaiq ka Ninewi chela niishe jang wanto.

ISAIA 37:38

Ranaiqshi apaiq ka aphrakaü Nisrokh noqrea shomjam mong na riito. Kiijaq asenai wenai, Adrammelekh nai Sharejar raq apaiq ka tsangnai nepjasai maq sebaiqto. Raüta tsangnai ka Ararat mung na tiipaü juhoto. Apaiq changkhü songti ka asetiim phong wa weshi, amang min Esarhaddon ngutlaq kriiwe raq awe changkhü song hokham ajongwe ma jato.

Hosea 14:3

Naishiq Asiria mung raq tiikhup wongkuqlot mak. Naishiq tiichhiilot mak, rekhat kumrang kong raq. Naishiq jaq maq ahai sumla, ‘ümniidea naishiq shiikeawe’ nguta noqmai she. Thümwaq manti khrumti, O, Shiikeawe lei, ümniili.”

Galatians 2:4

O, kiitiikaq maiq wiijamti riika, apaiq raq atho ka han raa dea nguta bomwito. Shatmaq, han mak dea. Riita, jurwa akha tiima wantaq, kriiti thun ka, Phungkhü maq tiihong raüta siti riito. Tsangshiq ka naishiq phong na, siwe jawa nguta shang wa damto. Tsangshiq ka, naishiq raq Jesuq Khristo pum na, liisaü wase apeo rilung lap wankai, kra sikhai wa nguta tiina nyap wataq. Tsangshiq raq naishiq ka, Jehudinok thungtri kharü mong kriijaq kha raüta, thungtri dise ikhli sihaü jaq nguta tiima raüta wato.

2 Timothy 3:8

Jennis nai Jambrus ka Mosheq traho bomchong khüti wenai riito. Ikiikhiisii hali, arot shrabi chongtiikai ara riimin, tengtlaq bomtsi ka akhii riiwan tlo. Tsangshiq khutsai ka riikhaqli ka riimak she. Abi kai kun she. Tsangshiq ka kamasham rilung lamphan na apoi kaiwi she.