EJRA 3:7 - ASII LAKDAP Bible (BSI)

⁷ Ara chongtiikai arai mren, mungmaiqse raq longjam haiti tsiimwe khiiqwebi nai pe nai wii maq shamti thun kriima, kampho kuqto. Kiimaq hali mungmaiqse raq phaqnai sea rai awong, anyang chang, kiimaq olip-petsi tai thun kriimin kuqto. Riita arka Tajar nai Sidon hong na chela thun kiijaq tiiho wan miitu kuqto. Arka Shomjam hai ma Lebanon mung wa Sidar pe kra ri ma kuqto. Raüta ara maisak pe ara daq raüta, khamjong lam maq Jopa chela na lamho chang riito. Riita, ara chongtiikai sham akai thun arka, Parsia mung hokhamwe Sairas aming maq shamlam wanto.

Hawa Naga Bible 2001

⁷ Mungx miqsaz htenc rueq lung tvhtuic jix htenc nuiyc thamx waz bix htenc muex kuimphox kuq wuez tueq. Lebanon wawc ruenx pulx htenc kuex lvmz vtueq svmuktvrax kawx nuex httax yaq Joppa nuex lvmc kuy lvy jix Tire nuiyc Sidon ghaqyungx wuinz htenc kox nuex phuiuz vsvy, vnuingc juing nuiyc olip puiz kuex tvgurc kuq wuez tueq. Vruex yauk shuimc lotlaz kuex Persia honoc Kiru rueq nvr tueq rulc rv-ngvlc shuimx lvmz tueq.

EJRA 3:7 Referencias Cruzadas

2 SAMUEL 5:11

Tajar Hokhamwe Hiram raq, Dawit phana piikii lam riichongkai maiq tiikito. Apaiq raq Dawit ma Sidar pe khunda, kiimaq pe shamti tsiimwebi, kiimaq hokham jamhaike miitu, long maq jamhaiti thun tiikito.

1 HOKHVMX 5:6

Arningkhan ümniiraq ümsengi ka Lebanon wang na tiiwa laüta ngi miitu maisak pe ka tiidaq wakiq. Isenginok ka tsangshiq rai adam maq jaq ka mishamdam. Kiimaq ümniiraq jaq maq ka jamkhii kene chang wa thapthi tlaü kra phan phan ngi raq amaq athii ka ümsengi ma mikuqkang. Jamkhano ngukla ümsenginok raq pe daq ka atsinwiq. Shatmaq isenginok riika kiitinkhan ka tsinmak.”

2 HOKHVMX 12:10

Raüta ümtiikiiwa tek mong na kampho ka apawiq she riichom jiiq, raüla hokhamwe cherewe nai Ramwe Ajong Pinthumwe ka watlo. Raüta kampho ka atiijo riitlo. Raüta tok na shintlo.

2 HOKHVMX 12:13

Shatmaq kra kampho ngam thun kiiwiika kampho kok thun, sorija win pin thun, lerong thun, kiimaq lem thun kra tiihong tha chaq arong arai thun kra, kiimaq kampho maq aklo wan hupsam thun nai chaq maq aklo hupsam thun kra klowan miitu ka jaq maq ka kuqmak.

2 KAÜWA WERAÜ 34:10

Ara kampho ka Shomjam tiihea haiti maiq wetsam kra jaq niishe kiinong kuqto. Kiimaq tsangtsam riishe hali ka,

EJRA 3:6

Riita ara chongtiikai akhing na, Shomjam hai wan nong chang jam khamchong thun riiwe kla, misürii wan shaqli riito. Li jiimin, mungmaiqse raq, Tatiwe ma honglu ataakuq ka wa na jipi lümiishi wa, jiha ranaiq shi maq honglu ka kuq pha wanto.

EJEKIEL 27:17

Juda nai Israil mungti raq ümhupsam bunwong, ngiq ngu, olip tai, kiimaq süse tapan maq klai raüta rito.

Jona 1:3

Shatmaq Jona ka Tatiwe wokhong wa angan nü na, lamjiq nü na khoti wawanto. Apaiq ka Joppa chela kiina kihoto. Raüta sangpholai ashi Spen mung nü na wawanti asi riito. Krai mren, apaiq raq Spen mung na wa miitu mokkiitu maq kuqto. Raüta dü wanto. Raüta mokkiitu jiiqti rai Spen mung nü na khamjong lam maq wa wanto. Kiijaq apaiq ka Tatiwe wokhong wa aluwiq niishe miraq.

Acts 12:20

Herod ka Tajar nai Sidon chelati ma tsankhiq hea riito. Kriikha maq, kra chela anai wa mungmaiqse welabi thun ka Herod rai riihumkai kito. Tsangshiq raq apha na tsangshiq khrumke miitu, hokham we jam kheti we Blastas ka kongkhu na tsangshiq kiimwe ma tiija ma nguta tiijom na wanto. Raütiishe, Blastas ma tiishea raütiishe, tsangshiq ka Herod pha na riihum wa wato. Raüta, Herod ma, ari aram miidea singa rong i nguta, bom ka tiitai chong wanto. Jamkhano ngukla, tsangshiq chela anaiti raq aphaq asea chang raipo wonglo thun kriika hokhamwe sengi jaq wa riphaq siqtlo.

Acts 9:36

Kiimaq, Joppa chela na maiqnyung ashi asi. Apaiq mang ka Tabitha. Apaiq ka Jesuq jaqshise. (Apaiq mang ka Grik bom maq Dorkas ngutlo. Kra liichum ka “Chok kaü” nguta ngo.) Apaiq raq arilung ka, nanok khrumke jaqsham na nai miitsan miijan maiqse khrumke niili tiisungto.

Acts 9:38

Jopa ka Lidda maq ajeli. Kriikha maq, Jopa na siti Jesuq jaqshisetiim raq Petar ka Lidda na nguta tsütsa tai raüta, tsangshiq raq maiq wenai Petar tiihea kai tiikito. Tsangnai ma, “Ümniika naishiq phana jaqlo wara ngu wa,” nguta tiichong kito.

Acts 9:43

Kiimaq, Petar ka Joppa chela na rahiq aluwiq sithüto. Apaiq ka ngamkhü shati laopan we Simon jam na sito.