EJRA 3:5 - ASII LAKDAP Bible (BSI)

⁵ Kiimaq, arthaq niimin, ara chongtiikai honglu kuqwan tlaq niimin, tsangshiq raq rahinjaq joli Shiikeawe shomnoq akhing na, atra nyamse ka wiipumtam maq, honglu wa na chaq wan tlaq, kiimaq hali Jinye Tsan Wan Poi akhing na alu kuq wantlaq, kiimaq rahinjaq joli akhing na mungmaiqse thung raüta, shomnoq wantlaq noqku akhing na, honglu ümchuwa kuq wantlaq, kiimaq hali, Tatiwe ma lungwii raüta maiqmii tsantsii maq kuq wan tlaq, kra thun ka kuq wan nongto.

Hawa Naga Bible 2001

⁵ kvdvyx muinz rvmuq mkaq muinz shomc kuq ruiux yaq shomc nawk kuy juing kuex wvpumz tuimx maq juiuz tvkoc muinz, yac nyalx raungnuiyq tvhungx yaq kuex shomc kuy tvkoc muinz, Yehowa muex nawk palx juing baung nuex mkaq muinz rvtuimx kaz vtueq, Yehowa muex miqmac thuinroc kuq noalx yaq shomc kuy juing lotlaz kuex jauk shomc kuq wuez yaq.

EJRA 3:5 Referencias Cruzadas

2 KAÜWA WERAÜ 31:14

Imna se Kore, apaiq ka Lewi phan wa, kiimaq apaiq ka Shomjam Shedong nü Kilamchong kra kheti sontri maiqla pinthumwe ka Tatiwe ma honglu thun kuqtlaq kra jaütiwe riito. Kiimaq aphea anyinke kiimin apaiq arang na riito.

EJRA 3:6

Riita ara chongtiikai akhing na, Shomjam hai wan nong chang jam khamchong thun riiwe kla, misürii wan shaqli riito. Li jiimin, mungmaiqse raq, Tatiwe ma honglu ataakuq ka wa na jipi lümiishi wa, jiha ranaiq shi maq honglu ka kuq pha wanto.

NEHEMIA 10:34

Kiimaq, Thungtri lakdap na waiqtlaq kra phan phan, nashiq Tati Shiikeawe ma, wa maq chaq raü raüta, honglu kewan miitu, chin raa tlaq kra chomke wan miitu, nashiq mungmaiqse tarü raq, ramwebi rai, kiimaq Lewinok rai adam na rongri laita, kra rawii na, chin ka juta weraü raq thamke wan chang wa miraq, kra jaqsham ka langlii lili laita, lang raq thaü tlaq kra phan phan, jaqsham ka aweraü ma pheakuq lili mirii rong i.

JEREMIA 33:18

Kiimaq maiq pat tek na Ngi shomnoq wanti, Ngi ma chaqtlii-honglu kewanti, kiimaq wong-honglu kewanti kiimaq honglu thun take wanti ramwe jati ramwebi ka Lewi phan wa maiq ka dongruq miraq.”

LEWI 1:2

Arka Israilnok raq tsangshiq raq honglu takuqtlaq akhing na lang wan miitu kuqto. Arka jurwa nyamse honglu takuq tlaq akhing na, riimakla aminsaü ashi takuq tlaq akhing na, lo riimakla asku ashi takuq tlaq akhing na, riimakla achhechhi kong wa ashi takuq tlaq akhing na lang chang.

LEWI 1:3

Apaiq raq aminsaü kong wa ashi ka wiipumtam maq chaqtlii honglu na takuqtlaq akhing na, apaiq raq minsaü pongwe ka nyeajokjok hea jamlai ami atsi min ahü kechang. Apaiq raq kra Tatiwe asi Tombutiip rinkea na kewan ratlo. Kra raütiq Tatiwe raq apaiq ka mitao wan.

LEWI 23:2

Israilnok ma kuqlaq nguta arthun thungtri kuqto. Arka ümtiikiiwa Israilnok raq kamasham poi thun klo wantlaq akhing na noqku na riitamtlaq kiijaq lang wan chang.

WEAWEA 28:14

Riikhaqli spiqtai-honglu ka minsaü pongwe ashi rai spiqtai ka litar nai nai kechang, kiimaq skupongse rai ka spiqtai ka litar shi ri litar thiq thiq kechang, kiimaq skuse loweatek rai ka spiqtai ka litar shishi kechang. Ara tri arka jipi jiha ranaiq shi angu na jipi lütek na rawii tiithumli lang chang.

WEAWEA 28:19

Tatiwe ma chaqtlii-honglu ka phaqsea-honglu ikha kuqlaq: minsaü pongwe are anai, sku pongre se ashi, kiimaq arawii wiishi sku pongsetiim miishi, arthun wiitarü ka akhum nyeajokjok ami atsi jamlai min ahü siisaq riichang.

WEAWEA 28:27

Tatiwe ma chaqtlii-honglu ka akhiimtsang tsan tiiheali chang kuqlaq: minsaü pongwe are anai, sku pongre se ashi, kiimaq sku pongsetiim arawii wiishi shi shi ka miishi, arthun wiita ka akhum nyeajokjok ami atsi ahü siisaq riichang.

WEAWEA 29:13

Ara poi pha wan ranaiq na Tatiwe ma phaqsea-honglu kuq ronglaq, apaiq ma akhiimtsang tsan tiiheali chang: minsaü pongre setiim roqshi ri atsam, sku pongrese nai anai, kiimaq arawii ashi shi sku pongsetiim roqshi ri blai, wiitarü nyeajokjok akhum na ami atsi ahü siisaq riichang.

WEAWEA 29:2

Lanta Tatiwe ma chaqtlii-honglu ka kuq ronglaq. Ara khiimtsang ka apaiq ma tsan tiiheali miraq: minsaü pongwe are ashi, sku pongre se ashi, kiimaq arawii wiishi shi sku pongsetiim miishi. Arthun wiita ka akhum nyeajokjok ami atsi ahü siisaq riichang.

WEAWEA 29:39

Arthun thungtri ara lang laüta ümniiraq chaqtlii-honglu thun, wong-honglu thun, spiqtai-honglu thun, kiimaq rintii-honglu thun kra Tatiwe ma kechang. Arka rahiq jipi akhing khaqkhaq na poi klotlan na lang chang. Arthun arka namshiq raq sinkham shiikhoi honglu riimakla maiqmii tsanro honglu thun kuqtlan kriithaq na achan ke wan chang honglu thun kra chongtiikai.

WEAWEA 29:8

Tatiwe ma chaqtlii-honglu kuq ronglaq, akhiimtsang tsan tiiheali chang: minsaü pongre ashi, sku pongse are ashi, kiimaq arawii wiishishi sku pongsetiim miishi, arthun wiitarü ka nyeajokjok akhum na ami atsi ahü siisaq riichang.

TRI CHONGKE 12:17

Namshiq sitlan hiqshong kiijaq Tatiwe ma honglu na akuq han kriiwa jamlai phan jiimin phaqsea wan maimak: aroq khuwa bunwong wong honglu kuqtlan kra, spiqtai honglu kuqtlan kra, riimakla olip tsai kuqtlan kra, riimakla namshiq jam nyamse kong minsaü se chhikhu nyungtlaq kra kiimaq skuse chhikhu nyungtlaq kra, Tatiwe ma akhek atiitsang kongphiq mikuqha nguta kiq kham honglu kra, namshiq maiqmii tsantsii maq honglu kuqtlan kra, riimakla laihin honglu kuqtlan thun kra, namshiq sitlan ba kiimaq phaqsea maimak.

TRI CHONGKE 12:6

Kriiba kiijaq namshiq raq wa na chaq chang honglu takuq tlan thun kra mikuq han, kiimaq namshiq raq ahin honglu kuqtlan thun kra, namshiq raq aroq khuwa kuqtlan honglu thun kra, kiimaq namshiq raq honglu thun kuqtlan kra, kiimaq namshiq raq Tatiwe ma mikuqha nguta kongphiq akha han thun kra, kiimaq namshiq tsantsii maq honglu kuqtlan thun kra, kiimaq nashiq nyamse minsaü nai skukong raq chhikhu anyung chhikhu-honglu kuqtlan thun kra hiq bashi niili kewan chang.