EJRA 3:1 - ASII LAKDAP Bible (BSI)

¹ Jipi lümiishe angu na Israilnok ka chela thun na tsangshiq sichang chü thun na, chap nai nga kra tiipha wan wito. Raütiishe tsangshiq tarü kiqshi maq Jerusalem chela na mung thung ngawanto.

Hawa Naga Bible 2001

¹ Israel miqsaz htenc kuex yapix lex mvshix yac nuex tsuingshiq ghaq htenc nuex rvkhauk laz shex httax wuez tueq. Kvruex yimaq tsuingshiq lotlaz Yerusalem nuex rvtuimx vtueq,

EJRA 3:1 Referencias Cruzadas

NEHEMIA 7:73

Riita ramwebi, Lewinok, Shomjam kheti hokrabi, kiimaq mungmaiqse nyungwe nose ngusaq, Shomjam na jaqsham wanti thun, kiimaq Israilnok mungmaiqse ngusaq hupli ka, tsangshiq maiqmiimii hiqshong niishe, kiimaq Judia wang na chela thun niishe shong wanto.

NEHEMIA 8:1

Jipi lümiishe liipan na Israilnok ka maiqmiimii sichang chela thun na kunkun she shongnga wanto. Kra lüwa, jiha ranaiqshi na, tsangshiq tarü Jerusalem chela mong na Kham Kilam Chong tapshok hiqthung bashi kiijaq Israilnok ka kunkun ngongthung riitam ngato. Raüta tsangshiq raq ramwe kiimaq Thungtri shamtiwe Ejra nangnga Tatiwe raq Mosheq lümaq akuq lakdam kom kra mungmaiqse ma phatkuq laq nguta chongto.

NEHEMIA 8:14

Tsangshiq raq Thungtri lakdap na, Tatiwe raq Mosheq lümaq akuq kiijaq Baülitiip Jap Poi lang tlaq bala ka, Israilnok ka jaqlo miitu Baülitiipsetiim hai raüta sichang nguta Thungtri bomtsi na chhito.

LEWI 16:29

Arthun thungtri arka pattup lang wan ruq ratlo. Jipi lümiishi she angu na kra jipi lüwa jiha raroq shi angu na Israilnok raq kiimaq pongmungti wanshanok tsangshiq rai sidamti raq amang maq achu jaü ratlo. Kiimaq kra ranaiq ka apii jamlai phan jaqsham kaiwa min mai mak.

JEPHANIA 3:9

“Kra lata ngi raq mangjong maiqse kunli, tsan nai tsii kra wiita miklai wanha. Tsangshiq kunli raq ngi li she mishom noq wan. Ahin phra ka shomnoq wan mak she miraq. Tsangshiq tarü kunli, iwokhong niishe misi wan.

Acts 2:46

Wranaiqtek, tsangshiq ka adam na riitushat maq, Shomjam na Shiikeawe shomnoq riitam nga tlo. Kiimaq, jamshi na riitam hoho raüta, takshi pinshi maq chojong chise, kiimaq riiphea riinyin phaqsiq wan lili raüta sito.

Acts 4:32

Kra Phungmaiqse kong ka tsangshiq tarü, tiima tsantsii ashi maq siwanto. Tsangshiq tarü loweatek raq, jurmin apaiq jaq na jamlai phan hupsam wa sitlaq, kriika apaiq rii li nguta tiima mak riito. Shatmaq, tsangshiq tarü raq maiqmii jaq na jamlai wa asi, kriika kongtibi rai takshi pinshi maq riiphea riinyin phaqsiq raüta shongnga wanto.

1 Corinthians 1:10

Ngi ma nashiq Tati Jesuq Khristo raq, nashiq hupli thaq na shunshea wan arangke kha maq, ngi raq namshiq tarü ma ara tsii chongkuq tiikang; phunainotiim namshiq tarü tiima tsantsii ashi miili sirong laq. Bom riichong tlan na kiqshi tsiimshi maq ri ronglaq. Namshiq liipan na naq tiikhothiq rongkiq. Namshiq tiima tsantsii ka ashi li thü ronglaq. Kiimaq rekhu ashi miili si ronglaq.

TRI CHONGKE 16:16

“Nam mungti maiqwere thun tarü ka wiishi na jangtsam noqku chang hiq bashi Tatiwe raq atsea thü kiijaq kilili raüta Tatiwe ka shomnoq kai ratlo. Arka Tiichhiiwan Poi, Tsamwi Poi, kiimaq Jolitiip Jap Poi akhing na kai lili riichang. Maiqwere loweatek raq kongphiq lamho raüta kaichang.

PHOWEBI 20:1

Mung tiihea raüpot kra lap raüta, Israil mungti tlotli sheqkhu nü na Dan chela maq phaho raüta shemai nü na Beersheba chela na saüli, kiimaq shedong nü miika Gilead wang na saüli, mungmaiqse raq bom ka treto. Raüta tsangshiq tarü kiqshi maq Tatiwe man na Mijpa chela na ngongthunto.