EJRA 2:1 - ASII LAKDAP Bible (BSI)

¹ Munglu shumwi asi wati phong wa maiq pahea ka Bebilon mung wa jang wan raüta, Jerusalem na nai Judia wang na tsangshiq maiqmiimii sichang chela thun kiina jang wanto. Tsangshiq thun ka man na munglu redong akhing na Nebukadnejar raq wiita wiiwii maq Bebilon mung na atsuq wan. Raüta kra mung na wansha asi wa riito.

Hawa Naga Bible 2001

¹ Vthuq wvnc rvhumc jix miq paunghvlc kuex Babelon mungx maq kvtenc waung wvnc ruiux Yerusalem nuiyc Yuda mungx nuex yek vtueq, miqmac ghaq vraungx htenc nuex yek waung wuez tueq. Tsuingshiq yuimx taungx htenc kuex Hokhvmx Nebukhadnezar rueq tsuingshiq kuex khoktep miqsaz ikhoc lvp thuq wvnc ruiux Babelon mungx nuex thuq wvnc rvhumc vtueq vhttax hez rvtueq.

EJRA 2:1 Referencias Cruzadas

2 HOKHVMX 25:11

Kra raütiishe Nebujaradan raq kra chela na maiq abung atiichongthü thun kra, kiimaq phanrap jaqsham smati atiichong thun kra, kiimaq mungmaiqse ümchu riiwa Bebilonnok puk na nyap wantiiti thun kra Bebilon mung niishe tsuq wanto.

1 KAÜWA WERAÜ 9:1

Israilnok mungmaiqse kunli aweraü aweatek wea raüta aheawiq waiqthüto. Kra waiqthütaq weawea raüpot ka Israil Mung Hokhambi Manphan Lakdap na waiqthüto. Juda mungti ka tsangshiq ngarai pahea tang kha na tiichamchao miitu Bebilon mung na tsuq wanto.

1 KAÜWA WERAÜ 9:2

Apha shaq shaq tsangmung na chela thun na janghotaq phong niika, Israilnok hiqshong maiqse thun, ramwebi, Lewinok, kiimaq Shomjam na jaqshamti thun riito.

EJRA 1:11

Hupsam tlotli chaq nai kampho tak apin romshaq ka 5,400 riito. Kiimaq arthaq niimin hup asam phan hin min pahea asi riito. Arthun hupsam ka Sheshbajjar raq, apaiq rai Israilnok munglu wansha Bebilon mung maq Jerusalem na laü wantaq akhing na howanto.

EJRA 2:2

Tsangshiq welabi thun ka arthun ara riito. Jerubabel, Joshua, Nehemia, Seraia, Reelaia, Mordekai, Bilshan, Mispar, Bigwai, Rehum, kiimaq Baana riito. Israilnok mungmaiqse phong wa kaüwa weraü aphan maq munglu wansha asiwa wa jang wantiiti thun mang ka arthun ara riito:

EJRA 2:70

Ramwebi kiimaq Lewinok kiimaq mungmaiqse phong wa wiijamti ka Jerusalem chela nai kra tro binjü na siwanto. Kiimaq ashi ashunti, Shomjam kheti hokrabi kiimaq Shomjam kolibi thun ka Jerusalem chela maq ajeje chelathun na siwanto. Kiimaq Israilnok mungmaiqse ahinti thun ka, ümsiimaq tsangti tsangwi sithütaq changkhü chü thun niishe tei wanto.

EJRA 5:8

“Riita, Ajongwe Chaü lei, naishiq raq ümniima tsütsa akhek ashi tiitai wan rotiikai. Naishiq ka Judia wang na kilaita liikikai. Kiimaq ajong pinthum Shiikeawe Shomjam kaü ka longdam jonghea hea kaü hit raüta tiihea hai wantlo chhiki kai. Kiimaq long khetuk niika pepen tipi maq hai wantlo. Riita ara chongtiikai, Shomjam arka thukhea tsomhea maq tiisap tiida raüta hai wan tlo. Krai mren, jaqsham ka pinthum athuk atsom wiq maq shamtlo. Kiimaq jaqsham ka pharang rang maq tlot wan wan shamtlo chhiki kai.

EJRA 6:2

Kiimaq, kra rit wantaq rai mren, aming lakdam kom ka Media wang na Ekbatana chela wa humto. Kra lakdam kom na awaiq thü aming bomtsi ka akhii humto:

EJRA 8:35

Kra lot jaishe, munglu wansha asiwa wa ajang wanti thun raq, Israilnok Shiikeawe ma, wa na chaq chang honglu thun kriishe kuqto. Tsangshiq raq Israilnok miitu ka, minsaü pongwetiim 12 kuqto. Kiimaq, sku apongsetiim ka 96, kiimaq sku aresetiim ka 77 kuqto. Kiimaq tsangshiq maiqmii ngarai tiisii miitu chhechhi 12 kuqto. Ara nyamse thun arka Tati ma honglu na wa chaq tlii kuqto.

NEHEMIA 12:1

Riita, ramwebi nai Lewinok munglu wansha asiwa wa Jerusalem na, Shealtiel se Jerubabel nai Ramwe Ajong Pinthumwe Joshua rai ajanghotibi mangwea raüpot ka ara:

ESTHAR 1:1

Ara mra pin wantaq akhing arka Ahasueras raq hokham jaqsham wantaq akhing pat wa bomchong riito. Apaiq raq mung lang wantlaq maiqmung thun ka wang 127 na tiikho raüta peng wanto. Arka India mung maq pha wan raüta Ethiopia mung na saüli ham wanto.

ESTHAR 1:11

Raüta apaiq raq Hokhamnyung Washti ka hokham miirii maq tiimii raüta miki laq nguta tiishea wato. Kra thaütaq kriika, apaiq shamhea kra mungmaiqse ajong alabi ma mitiichhiki laq nguta heato.

ESTHAR 1:3

Apaiq raq Hokham jaqsham pha wanli maq wiitsam si raüta, awokhong na siti aki shiilangbi nai mungtubi ma awin naü phaqsea poi jonghea kloto. Parsia mung nai Media mung pengti phentu jongbi kiimaq wanghuptibi kiimaq welabi thun wiita tiithung raüta asi riito.

ESTHAR 1:8

Che nyangti miika hongto she nguta arai arü ka ahü. Hokhamwe raq ajaqshamtibi ma, nokwe raq jamkhii phaqsea wa lungwii tlaq, kiikha maiq loweatek raq maiqmii tsan roro miphaqsiq laq nguta aming kuqto.

ESTHAR 8:9

Riita ara chongtiikai akhing arka jipi lütsam ngoja na raroq nai ri ranaiq tsam ranaiq, Siwan jipi liina chato. Kra akhing na Mordekai raq hokhamwe cherewetiim thun kra riichom heato. Raüta apaiq raq anü maq achong wan chan raüta twaiq wanto. Raüta kra lak thun ka Jehudinok ma, wanghuptibi ma, welabi ma, kiimaq maiqhiq wangshishi ri wangroq nai ri wangmiishe na siti India mung maq riita Ethiopia mung na saüli mung pengwantibi, mungtu shiilangbi ma tiiphea kuqto. Kra lak thun tiiho wantaq kriika, maiq hiq wangtek na maiqmiimii phan bom maq waiqto. Jehudinok miimin tsangshiqnok lak maq waiq raüta tiiho wanto.

ISAIA 48:20

Bebilon mung wa wawantlo ronglaq, wase ma jalanta wawan ronglaq! Arü ariiq chochikhiq tsütsa ka tiitai ronglaq! Tsütsa ka barapse na tiitai ronglaq: “Tatiwe raq ajaqshi se Israil chhiikuqto she!”

JEREMIA 50:19

Ngi raq Israilnok ka tsang mung na hali mitiishong nga wan nongha. Tsangshiq raq Karmel Pum na wak asham tsam mantlaq kra miphaq siq. Kiimaq Bashan tan wa tsam kra mijut siq. Kiimaq tsangshiq raq Ephraim wang nai Gilead wang na tü atsam ümchuwa dongmantlaq kra tsangwok phetak tak maq miphaq siq wan.

AJONJÜ 1:3

Juda mungti ümchaü maiqdi maiqmakong she, tsangmung wa pongmung na tsuq wanto, Tsangshiq pongmung niishe sitlo, Tsangshiq hiqhü rahü she, Tsangshiq komtam chiqse rewe phong li she, Ajuchang lam ahü she.

AJONJÜ 1:5

Rewe raq apaiq khat raüta tangto, Rewe raq apaiq jaqkhon mong na khonshat, Tatiwe raq apaiq ngarai pahea kha na, Apaiq tiichamchao wanto. Asetiim ka re raq lap wanto, raüta tsuq wanto.

AJONJÜ 4:22

Jajon chela raq apaiq ngarai tham ka, athii tsinhea maq dokda wanto, Tatiwe raq nashiq ka pongmung na, shumwi ma rahiq luhea tiisimak she. Shatmaq Edom mungti lei, Tatiwe raq namshiq ka mitiichamchao. Apaiq raq ümngarai bu ka, wiita mitiichhikuq wan. Raüta mitiichamchao wan.

JEPHANIA 2:7

Juda mungti abung atiichong kriiti riishe, nam mung ka jiiwan raüta misi wan. Tsangshiq raq kiijaq tsang skukong mirüm wan. Raüta Ashkelon chela na jam thun kiijaq mikon. Tatiwe tsang Shiikeawe ka, tsangshiq rai adam sishat miraq. Raüta tsangshiq ka thongshi hali, arong awinnok ma mitiija wan.

Acts 23:34

Wanghupti we raq lak ka phatto. Raüta apaiq ka ümra hongti wa nguta Paul ma waito. Riita apaiq raq Paul ka Silisia hongti nguta sap raütiishe