EJRA 1:7 - ASII LAKDAP Bible (BSI)

⁷ Jerusalem Shomjam wa kok alaq nai tak apin thun ka tsuq wan raüta, Nebukadnejar raq apaiq phra kong shomnoq wan chang jam na thü wanto. Kriithun ka Hokhamwe Sairas raq tiidong lamto.

Hawa Naga Bible 2001

⁷ Honoc Kiru rueq, Hokhvmx Nebukhadnezar rueq Yerusalem Shomc Yuimx wawc lvmz wvnc vtueq piq tishox htenc shomc yuimx nuex vtaq pantuimz nuiyc kawk htenc kuex tsuingshiq muex yez kuq tueq.

EJRA 1:7 Referencias Cruzadas

2 HOKHVMX 24:13

Kiimaq Shomjam wa tsuq tum thun nai hokhamwe jam wa tsuq tum thun kra wiita Bebilon mung niishe howanto. Tatiwe raq tiithaitaq kra phan phan she dea, Hokhamwe Solomon raq Shomjam na lang miitu ümchuwa chaq maq atiiq tak apin thun kra wiita tiibun tiiqbaiqto.

2 KAÜWA WERAÜ 36:10

Lamsesat akhing she saü kiita Nebukadnejar raq Jehoiachin ka lapto. Raüta Bebilon mung na shumwi ma hit wanto. Kiimaq Shomjam wa tsiiq nai nyam tum thun kriimin howanto. Raütiishe Nebukadnejar raq Jehoiachin ma awa Jedekia kriishe Juda mung nai Jerusalem khuthaq na hokham ma shongto.

2 KAÜWA WERAÜ 36:18

Bebilon mung hokhamwe raq Shomjam ka runto, kiimaq Shomjam wa tsiiq nai nyam tum thun kra runto, kiimaq hokhamwe tsiiq tum kiimaq asengi ajong alabi thun tsiiq tum thun kra thum thum runto. Raüta Bebilon mung na hophaq wanto.

2 KAÜWA WERAÜ 36:7

Nebukadnejar raq Shomjam wa tsiiq nai nyam tum wiijam ka howanto. Raüta Bebilon mung na apaiq hokham jam na thüwanto.

EJRA 5:14

Raütiishe, hokham Nebukadnejar raq Jerusalem Shomjam na langwan chang chaq nai kampho kok alaq kiimaq taknai pin thun kra, Bebilon mung na howan raüta, Bebilon mung na ahin phra shomjam na thü wanto. Kra tak apin thun ka hokhamwe Sairas raq maiq weshi, amang min Sheshbajjar nguta kriiwe ka Judia munglang wan miitu wanghuptiwe ma shongto. Raüta kriiwe jaq niishe kiinong kuqto.

EJRA 6:5

Kiimaq hali hokhamwe Nebukadnejar raq, Jerusalem Shomjam wa Bebilon chela na ahowan chaq ngam nai kampho ngam maq alo takchung pinchiim thun wiita, tsangshiq ra riikhaqli Jerusalem Shomjam niishe hali thü wan nong chang nguta aming kuqto.”

JEREMIA 51:44

Ngi raq Bebilon mungti phra kaü Bel ma mo mitiihoha. Lata apaiq raq ahuk wan tsiiq nai nyam thun ka wiita mitiithaq baiqha. Maiq mung thun raq apaiq ka shomnoq mak she miraq. “Bebilon chela tro ruk ka thento she.

DANIEL 1:2

Tatiwe raq apaiq ma Hokhamwe Jehoiakim ka tlapto. Kiimaq shomjam wa tsiiq anyam wiijam kiimin trunto. Apaiq raq shumwikong wiijam ka apaiq rai, Bebilon mung na apaiq phra kong shomjam na tsuq wanto. Raüta sepat lopi tsiiq atsuq wan ka shomjam na hupsam thüchang khok thun kiijaq thüto.

DANIEL 5:23

Ümniiraq ramungtan na siti Shiikeawe shummii tlaü! Laüta apaiq Shomjam wa alam wan kok nai nüchhong winpin thun kra tlam wa laü. Laüta ümnaq nai ümsengi aki miikiimbi, ümchaktiim, kiimaq ümchakliip nyungtiim raq, kra kok thun kiijaq che tsüm nyang lanta, sumla phra kong; chaq maq alo, kampho maq alo, miiki maq alo, jin maq alo, pe maq ahai, kiimaq long maq ahai sumla phra thun; amak maq chhimak; ani maq taimak; kiimaq jamlai min sap mak thun kra tiitsam kamtlan. Shatmaq, ümtsitsü phansangketi, ümtsitsü raü shamti, ümniiraq jamlai wa klo wantlaü kra kunkun peng raüta thapthiketi Shiikeawe ka shreng maü riilaü.