EJEKIEL 8:1 - ASII LAKDAP Bible (BSI)

¹ Munglu shumwi jawanli maq wiitrok she angu na, kra rawii wa jipi lütrok angu na kra jipi wa rabiingi ranaiq na. Juda mung wa munglu shumwi asi wati phong wa shiilangbi ka ngi rai ijam na anga sea riikai. Tiihanghiiq miili Tati Rakaü Hiqwe ningkun ka ikhum na saükito.

Hawa Naga Bible 2001

¹ Naungshiq lvp thuq wvnc phuex wawc tvruk yapix lex tvruk raungx bv-ngac raungnuiyq, Yuda mungx wawc vthuq laq walaungx bix kuex ngaz rulc vdvmz ngvy yuimx nuex ngaungc wuez yaq. Johvlc Yehowa luimc vkawc kuex huingc rvhek laz maq ngvy htauk nuex httuiuc kaz tueq.

EJEKIEL 8:1 Referencias Cruzadas

2 HOKHVMX 6:32

Kiimaq apaiq raq tsasoqti Elisha tiisheakai tiikito. Kra bala Elisha ka apaiq jam na nyungwere maiq wiijam apaiq rai riihumkai akiti rai angadam riito. Hokhamwe raq atiiki tsasoqtiwe ka misaüho shaq na Elisha raq nyungwere kiima nguto, “Liirong laq, kra matwe kaü raq ngi tiitseakai maiq tiikitlo! Ümchaü min apaiq ka arjaq saüho raüla, kilü ka ashaq rong laq. Apaiq ka jam mong na naq tiinyap rongkiq. Hokhamwe apaiq kiimin apaiq jai niili misaüho.”

EJEKIEL 14:1

Israilnok welabi wiijamti ngi rai Tatiwe raq jamlai wa tiimatlaq kra riiwai wa wato.

EJEKIEL 14:4

“Ümchaü tsangshiq ma chonglaq kiimaq Ngi, Tati Rakaü Hiqwe raq tsangshiq ma jamlai wa chongtiikang ara chongkuqlaq: Israilnok maiq loweatek raq jurwa tsangshiq maiqmii tsantsii ka sumla phra thun ma akiinongke kun she; raüta tsangshiq ka sumla phra thun raq ngarai lamphan na shun shea tlaq; raütiishe tsangshiq ka shammiwe phana bom riiwai wa watlaq; tsangshiq raq Ngi niiwa bomtre ka mitai. Kra bomtre ka apaiq raq shomnoq tlaq sumla phra phong raq ibom tre taiwan chang thek tlaq bomtsi kra mitai wan!

EJEKIEL 20:1

Kra ranaiq ka naishiq munglu shumwi siwanli maq rawii wiimiishi she riito. Kra rawii wa jipi lübiingi lüwa rabiingi angu ranaiq. Israilnok nyungwere wiijamti ka Tatiwe tsanro ka jamlai wa kra sap miitu ngi phana bom riiwaisowa wato. Raüta tsangshiq ka ikhaki na ngato.

EJEKIEL 24:1

Naishiq munglu shumwi siwanli maq wiitiikaü rawii wa jipi lüroqshi lüwa raroqshi ranaiq akhing na, Tatiwe raq ngi ma nguto.

EJEKIEL 26:1

Naishiq ka munglu shumwi siwanli maq rawii roqshiri wiishi she angu na, jipi jiha ranaiqshi na, Tatiwe raq ngi ma akha nguto,

EJEKIEL 29:1

Naishiq munglu shumwi siwan li maq wiiroqshi she angu na, kra rawii wa jipi lüroqshi na jikham ra roqshi ri ranaiq nai ranaiq na, Tatiwe raq ngi ma akha nguto.

EJEKIEL 29:17

Munglu shumwi ma jalaita siwan li maq, wiiroqnai ri wiimiishi she angu na kra rawii wa rawii phawan jipi lü na, jiha ranaiq shi na, Tatiwe raq ngi ma nguto.

EJEKIEL 3:12

Kiijiishe Shiikeawe wenyi raq ngi ka ra na dowanto. Kiimaq ngi raq ijai nü na ramokwa trang ikha kriiraq akha nguto, “Tatiwe khushü ramungtan thaq na sitlaq kra tiitsam laq!”

EJEKIEL 3:14

Tatiwe ningkun ka ikhum na henghea maq saükito. Kiimaq ngi ka apaiq wenyi raq jamkho dowantlaq kra phan phan, ngi ka kiqdaqtam dokdok kiimaq tsankhiqhea riito.

EJEKIEL 3:22

Ngi raq Tatiwe ningkun henghea ka idü na asi sap kang. Kiimaq apaiq raq ngi ma akha nguto taikang, “Tiidolaq laüta hiq thung tan kiina kilaq. Ngi ka ümniirai kiijaq mirbom kang.”

EJEKIEL 30:20

Naishiq munglu shumwi ma jawanli maq wiiroqshi ri wiishi she angu na, rawii pha wan jipi lii wa jiha ramiishi ranaiq na, Tatiwe raq ngi ma akha nguto,

EJEKIEL 31:1

Munglu shumwi ma jawanli maq wiiroq shiri wiishi she angu na kra rawii wa jipi lütsam kiiwa jiha ranaiqshi na Tatiwe raq ngi ma akha nguto.

EJEKIEL 32:1

Naishiq munglu shumwi ma jawan li maq, wiiroqshi ri wiinai she angu na, kra rawii wa jipi lüroqshi ri liinai na, kra jipi wa jiha ranaiqshi ranaiq, Tatiwe raq ngi ma akha nguto,

EJEKIEL 32:17

Naishiq munglu shumwi ma jawan li maq, wiiroqshi ri wiinai she angu na, kra rawii wa rawii phawan jipi lü na, jikham raroqshi ri rabiingi ranaiq Tatiwe raq ngi ma akha nguto.

EJEKIEL 33:22

Apaiq ka misaüwa shaq na, kriima kongkhu raji na, Tatiwe ka ngi rai asi nguta apaiq ningkun heng ka ngi raq sapkang. Anap ranap angu niishe kriiwe ka ngi phana saü wato. Kra akhing niishetiq Tatiwe raq ngi ma inü maq abom miitu ningkun ka jangkuq nongto.

EJEKIEL 33:31

Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.

EJEKIEL 37:1

Ngi raq ikhum na Tatiwe ka ngi rai asi nguta ningkun henghea sapkang. Kiimaq apaiq wenyi raq ngi ka rom wan raüta kin hea wea na hiq thung tan ashi maiqrii phong raq ama kiijaq ngi ka dowanto.

EJEKIEL 40:1

Kra ranaiq ka wiinye wa jiha raroqshi angu ranaiq. Kriika naishiq munglu shumwi ma tsuq wan li maq rawii wiiroq nai ri wiibiingi rawii riito. Kiimaq Jerusalem ka re raq jiiwan li maq rawii wiiroqshi ri wiiblai she angu ranaiq riito. Kra ranaiq ikhum na Tatiwe ka ngi rai asi dea nguta ningkun jonghea ikhum na asi nguta sapshat riikang. Kiimaq apaiq raq ngi ka rawang win na dowan saq boq wanto.

EJEKIEL 7:27

Hokhamwe kiimin maaho manyi miraq. Hokhamse jerowe miimin ran tsantsii ka ahü she miraq. Kiimaq mung maiqse ka tsaihü jihü, haisitsi ma atiikhai rokrok li she miraq. Namshiq raq ümtinkhan wa abi klo wanlan kra miitu mo mitiihoha. Kiimaq namshiq raq nanok jamkho shin wan lan, kra khan khan namshiq kha hotlan ka miphoha. Ara riitiq namshiq ma Ngi, ardea Tatiwe nguta mitiichhikuq wan.”

EJEKIEL 8:2

Ngi raq i mak ka ra nü na nyilata liikang. Kiimaq maiqwe ashi sham ka walütu kaü ikha chhikang. Achhüpii maq phaho raüta hiq nü niika walütu kaü nyairai tlaq ikha. Kiimaq achhü maq pha wan raüta ra nü na akhu nü nü niika miiki aheawiq panreaje chhairaitlaq ikha chhaitlo.

MALAKI 2:7

Ramwebi jaqsham ka riikhaqli maq nokmaiqse ma Shiikeawe tiisap wan shrinke wan kra riito. Nokmaiqse tsangshiq phana kitlaq kriika, ngi tiima tsantsii kra sapkai miitu kitlo. Jamkhano ngukla tsangshiq ka Tati Ningkun Ajong Pinthumwe kiimwebi.

Acts 20:33

Ngi raq ju jaq wiimin tsiiq nai nyam ka jaü wan mang. Kiimaq ju jaq wiimin, khuchü kheani min jaü sam wan mang.