EJEKIEL 6:3 - ASII LAKDAP Bible (BSI)

³ Israil mung na pumthun kiima Tatiwe bomtsi kra tairong laq nguta chonglaq. Ngi, Tati Rakaü Hiqwe raq pumkaütiim thun ma, kin thun ma, jükhü hiqwii tsaühea thun ma, kiimaq jüwiitan thun ma, ara ibom chongtiikang kra taironglaq nguta chonglaq: Ngi raq Israilnok raq sumla phra shomnoq wan chang hiqba thun kra shiithenbaiq miitu nepja mitiisaüha.

Hawa Naga Bible 2001

³ Yehowa kvjaz kuex tay tvkoc Israel kanx htenc muex jungx shuiuz, kanx htenc, ghaq luimx htenc, khuic vwarc htenc nuiyc warc tvnx htenc lex ngaz, Johvlc Yehowa rueq yvmx lac jungx vphaungx tay shuinz: miq htenc rueq yac yuimx nawk palx yaq baung htenc kuex tvbac gay tvkoc ngaz rueq yaung tvkaz shaungx.

EJEKIEL 6:3 Referencias Cruzadas

1 HOKHVMX 14:23

Tsangshiq raq arot phra thun shomnoq chang hiqba diilulu pahea haito. Kiimaq longkham thun shongto, kiimaq Ashera sumla phra shomnoq chang berong pahea ku akin thun hamli na shong wanto. Kiimaq pechongtong thun angu wiita na arthun ara shong wanto.

ISAIA 27:9

Shatmaq ümtiikiiwa thatsang maiqse raq phra thun shomnoq chang berong-wacha longkaü thun kra wiita hiqrai shottlii maq tiithenbaiq jüq, kiimaq homseng honglu chaq chang berongwacha thun nai Ashera phra nyung shomnoq chang berong thun kra apun tiichong mak tiithenbaiq jiiq, kra raüta Israilnok ngarai thun ka midiikuq.

ISAIA 30:25

Ümtiikaq ranaiq wa namjaqtinok chela thun peruk weshaü achhe chang riimak thun kra namshiq raq khat lanta mijiip han, kiimaq tsangshiq ka mijiipbaiqhan, kiitiikaq pum thun aweatek wa kiimaq kin thun loweatek wa khamraisetiim midong. Raüta kham miki.

JEREMIA 2:20

Ajong Pinthum Tatiwe raq ngutlo, “Israil lei, rathup niiphü ümniiraq ngi arang ka no na tsuqbaiqlaü; ümniiraq ibom taimaü riilaü, Ngi shomnoq maü riilaü. Kin diilu aweatek na kiimaq pejaq nüm chong aweatek chongji na ümniiraq ase keti phra thun noq laü.

JEREMIA 22:29

O ihiq khu lei, i ra khu lei, ihiq khu lei! Tai liilii, Tatiwe raq chongtlaq kra:

JEREMIA 3:23

Naishiq raq hiqlam thun thaq na thatsang wan kai. Kriiriika naishiq ma jamlailiip min ahü riito. Israilnok ma khrum kewanti ka Tatiwe, nashiq Shiikeawe riili khrum kuqtlo.

JEREMIA 3:6

Josia ka hokham jatlaq akhing Tatiwe raq ngi ma nguto, “Sethoq nyung Israil raq jamlai wa klotaq kra chhitlaü shea? Apaiq ka iwokhong wa ahin niishe juhoto. Raüta kin diilulu aweatek na, kiimaq pesang chong ajaq nüm hea chongjitek na, ngaraüta mephe-nyung ma jato.

EJEKIEL 36:8

Shatmaq Israil mung na pum thun na pero thun na ajaq thun minüm wan kiimaq namshiq, isengi Israilnok miitu atsi ango mirkuq nong. Namshiq ka jaqlo liipan niilishe jam na misaü wan han.

LEWI 26:25

Ngi raq namshiq khuthaq na re she mitii dongha. Lata namshiq ma mo mitiihoha. Jamkhano ngukla namshiq raq nashiq liipan na tongshong bom kham wan kai raütu thun kra jin wan lan. Kiimaq namshiq ka namshiq khum tiichhii wan miitu chela thun kiina riitam wan han jiila, Ngi raq namshiq khuthaq na tha wa henghea healot mak phan thatsi kriishe mitiisaüha. Kra ningkhan she namshiq ka jamkhii min jasiq lot man she mirhan. Kra ningkhan, namjaqtinok puk niishe minyap wan han.

LEWI 26:30

Namshiq raq hiq lam thun na shomnoq tlan jam thun kra wiita mitiithen baiqha. Namshiq raq homseng honglu kechang berong-wacha thun ka wiita michaibaiqha. Lata nam maa phong ka namshiq raq shomnoq tlan sumla thun hiq na riiphongtlaq kriithaq na miphong baiqha. Arka itsankhiq tsi ma makshu tsi miishe mikloha.

AMO LUIK DVP (AMOS) 7:9

Isak saüsetiim raq shomjam thun haiwantaq kra, wiita she mishthen baiqha. Israilnok raq shomnoq wan chang asii jamthun kra, wiita she mirun baiq wan ha. Ngi raq Hokhamwe Jeroboam saüse phan ka, wiita she chongthum ma mitiijabaiq ha,” nguta Tatiwe raq chongtlo.

Mikha 6:1

Taironglaq! Tatiwe raq Israil shra tlo, tiidolaq, Tatiwe lei, laüta ümkha raü pot thun ka che laq, pum nai kin thun raq, ümniiraq nyan tlaü kha ka mitai laq!

Mikha 6:2

Rakaü hiqwe chap chang pumjong lei, Tatiwe raq asenginok ma kha nyantlaq kra tairong laq. Tatiwe raq asengi Israilnok khuthaq na kha nyan chang asi, apaiq raq Israilnok ma akuq, shiila raü kriishe diitlo.