EJEKIEL 26:3 - ASII LAKDAP Bible (BSI)

³ “Riita arningkhan, Ngi, Tati Rakaü Hiqwe raq akha ngutiikang: Tajar chela lei, Ngi ka ümniima wesang. Ngi raq ümnaq khat wati maiq mung thun pahea mishea wanha. Krai mren, tsangshiq ka khamjong chum phom blun wantlaq ikha miwa.

Hawa Naga Bible 2001

³ “Kvkhoc rvtueq majuiuc ngaz, Johvlc Yehowa rueq jungx vshaungx vruex kuex: Tire ghaqyungx lex, ngaz kuex mralx rvtauk. Ngaz rueq mnoz khvt tvkoc miqphvnx paunghvlc shvlx laq tauk, tsuinghez kuex svmuktvrax yuix daungx htenc ikhoc kvtenc vtueq kaz yaq.

EJEKIEL 26:3 Referencias Cruzadas

Tvtsvmc 107:25

Apaiq raq aming kuqto, raüta rathaiq henghea dongto raüta khamtso blun wanto.

ISAIA 5:30

Ümtiikiiwa kra ranaiq akhing she saüjiiq, raüla tsangshiq ka Israilnok khuthaq na khamjong chum blun wan tlaq ikha amok dung dung mihok wan. Liimanta, armung ara! Ranyaq tangtang kiimaq pitlang pitthea akhing she saü wato! Rawüli ka ranyaq wa riishe pangbaiq wanto.

JEREMIA 21:13

Jerusalem lei, ümniika hiq thung tan na longkaü jonghea adii min luhea kaü ra na düwantlaq ikha ngatlaü. Shatmaq Ngi raq ümniika mikhat-ha. Ümniika lachong dokdok, ümnaq khatti maiq ka jumin ahü nguta tsütsit tlaü. Kiimaq ümperuk mong niika rewe nyapwalot mak nguta tsütsit tlaü.

JEREMIA 50:31

“Bebilon lei, ümniika ashkong tamli. Arningkhan, Ngi, Rakaü Hiqwe Tatiwe Ningkun Ajongwe ka ümniima wesang! Ngi raq ümniima imo tiiho wan akhing ranaiq ka saü wato she.

JEREMIA 50:42

Tsangshiq ka liq nai nepja wiraq chhaq she; tsangshiq ka bihea ngamsang phaqti mang chan sap mak. Tsangshiq kumrang kong thaq na chao raüta, khamjong chumtso bluntlaq ikha tranghotlo. Tsangshiq ka Bebilon mungti rai riikhat kai khekham.

JEREMIA 51:42

Khamjong chum ka blun phom wan raüta Bebilon ka lam wanto. Raüta khamphom blun wantlaq kriiraq wiita mawanto.

JEREMIA 6:23

Tsangshiq ka maiqmii liq pi raq chhaq kiimaq nepjasai kaütiim wiraq chhaq she. Tsangshiq ka maiq ngamsang phaqtinok kiimaq ralangse min mangchan ahünok. Tsangshiq ka kumrang thaq na chaoraq raq, khamjong chum trang wa ikha ramok rachhai saühotlo. Tsangshiq ka Jerusalem longkai tiijeshat saühotlo.”

EJEKIEL 21:3

Ngi, Tatiwe raq ngutiikang ara chongkuqlaq: Ngi ka namhiq ma re. Ngi raq inepja michatha. Lata namshiq wiitarü mijiipbaiqha, maiqheati kiimin abiti kiimin romshaq mijiip baiqha.

EJEKIEL 26:19

Tati Rakaü Hiqwe raq akha ngutlo: “Ngi raq ümniika chela thun atiithen arbaiq, hiqmiq changkhü, maiq jumin simak she ikha mitiijabaiqha. Ngi raq ümniika sammok tra chum kham maq tsaühea mitlam baiqha.

EJEKIEL 27:26

Ümtiikiiwa ümniika ümjiiqtibi raq khamjong mong na jiiq wantaq, Shedong mung rahai raq ümniika tareko maq luhea jüjong mong na tiithenbaiqto.

EJEKIEL 28:22

Kiijaq siti mungmaiqse ma, Ngi, Tati Rakaü Hiqwe raq tsangshiq miitu jamlai wa ngutiikang ara tsangshiq ma chongkuqlaq: Sidon chela lei, Ngi ka ümniima wesang. Ngi raq ümniima jamkho mo tiihotiikang, kra chhiraüta maiqse raq Ngi mishom ra. Ngi raq ümtiikiiwa ümhiq na siti maiq thun ka tsat tiikang, lata Ngi ka asii dea nguta tiichhikuq tiikang, kiitiikaq tsangshiq raq, Ngi ardea Tatiwe nguta misap.

EJEKIEL 29:10

Ngi ka ümniima wesang. Kiimaq Nai rai miimin wesang. Ngi raq Ejip mung ka hiqmiq changkhü miishe mitiijabaiqha. Shekhu nü mung wa Migdol chela maq phaho lata shemai nü mung wa Aswan chela na saüli botkhulai rai mishot baiqha. Kriika Sudan mung rai hiq rai wang kiina saüli mijiipbaiqha.

EJEKIEL 38:3

laüta apaiq ma chonglaq, Ngi, Tati Rakaü Hiqwe ka apaiq ma wesang.

EJEKIEL 5:8

Kra ningkhan, Ngi, Tati Rakaü Hiqwe raq ümniima chongtiikang, Ngi ka ümniima wesang she. Ngi raq ümkha ka miphoha. Lata mo mitiihoha. Kra mo hotlaü ka maiq mung pahea raq michhi.

Mikha 4:11

Maiqmung pahea pong raüta ümnaq khatkai miitu thungto. Tsangshiq raq akha riichong tlo, “Jerusalem ka shiithenbaiq raa dongdii, Jerusalem ka athen kaiwi she michi rong i!”

NAHUM 2:12

Hangsi liwe raq ngam ka pahea kaqto, raüta ngam ka kholam kholiiq, tsebaiq raüta asekong nai akaü ma, longsha nyang na phongkuq wantlo.

NAHUM 3:5

Tati Ningkun Ajong Pinthumwe raq ngutlo, “Ninewi lei ngi raq ümniika, atiichamchao she mirha! Ngi raq ümnaiq kiimin achhut she mirbaiq ha! Lata maiqmung wiita man na, jea tiingaü mitiichap pha;

JEKERIA 14:2

Tatiwe raq mangjong hiq na siti maiq mung thun ka Jerusalem khatkai miitu adam na misheaho. Raüta rechap ka misürii wan. Jerusalem ka re raq khat raüta mitang wan. Nokmaiqse jam awak thun ka wiita mirut wan. Jechakre ka re raq mihaihiibaiq. Kra chelati khoko ka pongmung niishe munglu shumwi ma mitsuq wan. Shatmaq kiiwa abung akhii tiichong tlaq thun ka munglu shumwi miika tsuq wan mak miraq.

JEKERIA 9:4

Shatmaq Tatiwe raq tsangtsiiq tum ka, wiitashe wantha wanthi miwan baiq wan. Tsangtsiiq tum ka, sammoktra chummong niishe miwan baiq wan. Kiimaq chela ka wa maq hiq ma tiijali michaq baiq.

Luke 21:25

“Kra akhing na, rashe kaü nai jipi kaü thaq na, kiimaq ra na raiqsaiq thun sitlaq kra thaq na, awang chang thenjen wan pahea mitiichhi kuq. Mangjong hiq khu thaq na, mung ümchuwa sitlaq wiitarü ka, tsaihü jihü maq akii anyii watrang li she miraq. Kiimaq, sammoktra jütso mok trang kra tai raüta, mangjong maiqse ka, tsaidoq jidoq she, aphiip ajiip riili she mitsai.