EJEKIEL 26:13 - ASII LAKDAP Bible (BSI)

¹³ Ngi raq ümchela mong na phan phan ashi ange polotlaq kra tiikaiqshak mitiitsaq baiqha. Ngi raq ümchela mong na phaqlamtoro thun atsü angii kra wiita tiikaiqshak mitiitsaq baiqha.

Hawa Naga Bible 2001

¹³ Ngaz rueq mnoz shic vngoyc htenc lotlaz tvsuip gay ruiux mtorox thuic htenc kuex tvthauk gay shaungx.

EJEKIEL 26:13 Referencias Cruzadas

Tvtsvmc 137:2

Tamchong setiim kü thun na naishiq phaqlamtoro thun batthükai.

ISAIA 14:11

Man na ümniika phaqlamtoro thun tsü raüta shrengtlo. Shatmaq ümchaü ümniika arjaq wulum mung niishe. Ümchaü ümniika ajong phong ka changdü ma tiija laütiishe kontlaü. Kiimaq ümdü na samchang kheathum kaü ka ümngam phaqti ajong phong riitsaptlaq kriili she.’

ISAIA 22:2

Chelati mungmaiqse ka arii ariiq, agi asii watrang kiimaq achhang ahang watrangla. Ümsengi ara redong na tsaitaq thun ka rekhat lam maq tsaimak dea.

ISAIA 23:12

Sidon chela lei, üm chochi rilung ka thumto she. Kiimaq ümsenginok ka shumraü kharii mong niishe chamchaotlo. Tsangshiq ka Saipras mung na tiipaü laüho raü min, tsangshiq ka lunlot mak miraq.

ISAIA 23:16

Ümjaq na hünongtoro ka shamlaq, laüta chela tro na khumlaq, miitsan alaq arbaiq mephe nyung lei! Tsüngii laüta ümshi thun ka shinonglaq, maiqwere thun ka thongshiri heanonglaq.

ISAIA 23:7

Riita arka man na rathup rapha na atei wan, chojong chise maq polokhiq siti Tajar chela irdea shea thenta? Riita ara chelati raq khamjong re na tsangmungti laüho raüta maiqmung na hiqshong anyei pahea teiwantinok ira riimak shea?

ISAIA 5:12

Namshiq raq poi klo tlan akhing na, phaqlamtoro thun, kiimaq jaqsinpin nai paimin thun tsülanta che kla baknyang polo lantli mochii tlan. Shatmaq Tati raq jamlai wa kiimungtlaq kriika sapphaq man.

JEREMIA 16:9

Ngi Ajong Pinthum Tatiwe, Israilnok Shiikeawe raq jamlai bom chongke chang wa sitlaq kra tailaq. Ngi raq chojong chise maiqnai trang kiimaq khoqriiq shishiiq wiinum shewa maiqlam polotlaq kra wiitashe mitiitsaq baiqha. Armung na siti maiqse raq ara chong tiikang mra pin ka michhi.

JEREMIA 25:10

Ngi raq tsangshiq chojong chise, wiinum shewa, junlam poi rüriiq trangtlaq thun kriika wiita tiikaiqshak she mitiitsaq baiqha. Tsangshiq lemtem na chaq chang olip khamtai min ahü she miraq. Kiimaq aphaq asea chang raipo wonglo min ahü she miraq.

JEREMIA 7:34

Juda mung ka kumtsaiphii rumnyangkhi binjü miishe mijaki. Juda mung chela thun na nai Jerusalem chela chiihea wea lam thun na acho achi kiimaq apeo aleo ashi ange trang ka Ngi raq wiita mitiitsaq baiqha. Kiimaq maiq lam poi na chojong chise poi klo thun kiimin wiitashe mitiitsaq baiqha.

EJEKIEL 28:13

Ümniika Shiikeawe sonruk Eden na silaü. Kiimaq ümkhum na phan phan jem longseng laktum thun: rubi longseng kiimaq diamond longseng, topaj longseng, beril longseng, karnelian longseng, kiimaq jespar longseng; saphir longseng, emarel longseng, kiimaq garnet longseng laktum thun laklaü. Ümjaq na khum tiitsom chang hupsam thun ka chaq maq alo thun riito. Kriithun ka ümnaq miitu ümnaq phansang wan ranaiq aklo wan.

Hosea 2:11

Ngi raq apaiq raq poi thun klotlaq kra, rawiitek nai jipitek poi klotlaq thun kra, kiimaq apaiq raq Asii Niitiitsak Ranaiq poi klotlaq kra, kiimaq apaiq raq Shiikeawe shomnoq akhing poi klotlaq thun kra, wiitashe mitiithen baiqha.