EJEKIEL 21:26 - ASII LAKDAP Bible (BSI)

²⁶ Ngi, Tati Rakaü Hiqwe raq ara ngutiikang: Üm hokham khuphok nai nairai khuphok kra chut baiqlaq. Man na sitlan kiikhii ka riimak she. Miitsan maiqse thun ka wela miishe mitiija wan! Mung pengti welabi thun ka atiidea she mirbaiq!

Hawa Naga Bible 2001

²⁶ Ngaz, Johvlc Yehowa rueq jungx vshaungx. Nuimshiq khushec nuiyc khux phuk htenc kuex put taq shuinz. Yvmx muinz kungkhux wawc rulc rv-ngvlc muq shex. Htemc saz jix htenc muex luimc vkawc tvduiz kuq ruiux! Vyungx vlaungx bix kuex tvsvt gay shuiuz!

EJEKIEL 21:26 Referencias Cruzadas

2 HOKHVMX 25:27

Ewilmerodakh ka Bebilon mung na hokham ma shongtaq kra rawiili, apaiq raq Juda mung Hokhamwe Jehoiachin ma mangchan tsantsii tiichhi kuqto. Raüta apaiq raq Jehoiachin ka phaqtek wa atiidong she riito. Ara apaiq phaqtek mong wa tiidongtaq arka Jehoiachin ka munglu shumwi ma Bebilon mung na shea wan li maq, wiiroqtsam ri wiimiishi she angu rawii, jipi lüroqshi ri lünai angu na, kra jipi lüwa raroqnai ri ramiishi ranaiq na apaiq ka phaqtek mong wa tiidongto.

2 HOKHVMX 25:6

Jedekia ka Hokhamwe Nebukadnejar phaniishe shea wanto. Kiitiikaq Nebukadnejar ka Ribla chela na riito. Kiijaq Nebukadnejar raq Jedekia kha ka pho raüta, apaiq ka tiishutto.

Tvtsvmc 75:7

Shiikeawe kli phowe ka, wiijam ka atiishut mirbaiq wan kiimaq wiijam ka alam ma mitiijabaiq wan.

TAKSU LAK 27:24

Tsiiqtum ka pattup simak; kiimaq hokham khuphok kiimin pattup tsingmak.

ISAIA 47:12

Ümniiraq klotlaü mintin kiimaq awuq along ningkun kra samhea thüshan liina; kriithun ka ümnaq jeroji na klong lawan laü. Ija jursap, kriithun ka ümniima akhek amu hupsam ma mija sham na; jursap kriimaq ümjaqtinok kra mitiihailot haülo riila.

JEREMIA 13:18

Tatiwe raq ngi ma nguto, “Hokhamwe nai anyung hokham nyung ma chonglaq, tsangnai ka hokham ngacho kiiwa satki rongkiq nguta. Jamkhano ngukla tsangshiq hokham khuphok tsomhea thun kra tsangshiq khupo wa tiidea baiqto she.

AJONJÜ 5:16

Man niiwa naishiq, liisaü wase rilung khushü thumto she. Naishiq raq ngarai tangkai, kriikha na ümchaü miqkai she.

EJEKIEL 16:12

Ngi raq ümniima khü na pachang jaqtop kiimshi kiimaq niti thun kuqkang. Kiimaq ümniima ümkhu na phok chang tsomhea hokham nyung khuphok kuqkang.

EJEKIEL 17:24

Kra mung na sitlaq pechong tlotli raq, Ngi ardea Tatiwe nguta misap wan. Ngi raq pechang luheati thun ka adaq riibaiq kang, lata chongran setiim ka diiluhea hea tiijong tiikang. Ngi raq pesang chong thun ka atiijung riibaiq tiikang, lata shinriiqriiq chong thun kra ajaq nümwala waichatchat tiijabaiq tiikang, Arka Ngi, Tatiwe raq ngutiikang. Ngi raq jamlai wa mikloha ngutiikang, kriika Ngi raq mikloha dongdii.”

Luke 1:52

Apaiq raq honyung hokham ajongbi ka, hokham ngachang wa tiidea baiqto. Raüta tsanin wokninti ka tiijong luwanto.

James 4:10

Shiikeawe puk na aranse ma ja lanta nyap ronglaq. Raüla, apaiq raq namshiq ka ajong ala miishe mitiijong luwan.

PHOWEBI 17:5

Riita Mika raq phra shomnoq chang khok ka ajam na tiihongto. Kiimaq apaiq raq phra sumla thun haito kiimaq asii miirii min ashi kloto. Raüta asetiim phong wa weshi ka apaiq ramwe ma shongto.