EJEKIEL 16:44 - ASII LAKDAP Bible (BSI)

⁴⁴ Tatiwe raq nguto, “Maiq raq ara bom tiihap hong armaq, Jerusalem lei ümrilung ka mithapthi, ‘Anyung jamkhiiwa ase min kiikha.’

Hawa Naga Bible 2001

⁴⁴ Yehowa rueq, “Yerusalem lex, miq htenc rueq mnoz nuex seng vtueq vruex bomc tvguip kuex: ‘Vnyuiuz ikhoc, yalxjuik saz ikhoc,’ ngoz tueq bomc tvguip shuex.

EJEKIEL 16:44 Referencias Cruzadas

1 HOKHVMX 21:16

Krai mren Ahab ka tiidopot li she kra spiqro bagan kra lapwa wawanto.

2 HOKHVMX 17:11

Kiimaq Tatiwe raq kra mung wa maiq pongnok phan jobaiq wantaq kriiraq langtaq thatsang berong-wacha thun na Israilnok riimin homseng honglu chaq raüta noq wanto. Tsangshiq raq abi ashut jaqsham wan raüta Tatiwe tsankhiq shaü wanto.

2 HOKHVMX 17:15

Apaiq raq tsangshiq ma hon atsii achongkuq thun kra tai mak tleato. Apaiq raq tsangtitiim rai tongshong wantaq raükha thun kra lang mak riito. Kiimaq apaiq raq tsangshiq honlam tsü achongkuq bomtsi thun kiimin wiita shipoq wanto. Tsangshiq raq thiihü sumla phra thun shomnoq wanto. Raüta tsangshiq maiqmii kiimin hiqtili miishe jakito. Kiimaq tsangshiq raq tsangshiq tro na siti thatsang maiqse pongmungti thung alai thun kra lang wanto. Raüta Tatiwe raq tsangshiqnok jai naq phan rongkiq nguta aming akuq kra jinbaiq wanto.

2 HOKHVMX 21:9

Shatmaq Juda mungti raq Tatiwe aming thun ka lang mak riito. Kiimaq Manase raq tsangshiq ka kiijaq siti pongmungti thun raq Israilnok saü wan tlaq pat na Tatiwe raq kra mung wa jobaiq wantaq maiq phan thun raq ümchuwa ngarai abi klo wantaq kriithaq niimin Manase raq mungmaiqse ma tiinanpot biheashe ngarai tiitangto.

EJRA 9:1

Arthun jaqsham lot jai miishe, Israilnok mung rümti welabi wiijam ngi phana wato. Raüta ngi ma tsütsa ka akha chongto. Ramwebi nai Lewinok raq tsangshiq rilung ka asii pong na trai shatmaq si raüta thü wan mak riitlo. Tsangshiq raq Israilnok mung tho na siti, maiq pongnok phan, Ammonnok phan, Mobnok phan, kiimaq Ejipnok phan, kiimaq Kanannok phan, Hitaitnok phan, Perijaiq nok phan, Jebusaiqnok phan, kiimaq Amoraiqnok phan rai riishot riishaq li shongnga wantlo. Ara chongtiikai pongnok phan maiq ara riika, maiqphai asi, ashe ngarai pahea tang wantlo. Kiikhiisii hali Israilnok riimin kra ngarai thun ka tang wan dam tlo nguta ngi ma chongto.

EJEKIEL 12:22

“Maiqse lei, Israilnok mungti raq ara taksu bom ara jaram wa bliiq chongtla; ‘Akhing ka lea wanto. Shatmaq riisham bom chong tiithai thun ka pontiiwa niili mokito nya?’

EJEKIEL 12:23

Ümchaü tsangshiq ma Ngi, Tati Rakaü Hiqwe raq kra bomtsi khuthaq na jamlai wa ngutiikang ara chongkuqlaq. Ngi raq kra taksu bomtsi kra atiithum she mirbaiqha. Kra bomtsi ka Israil mung na thongshi bliiq chong mak she miraq. Kra rii na tsangshiq ma akha chonglaq: Akhing ka saüwato she, kiimaq riisham bomchong tiithai ka miku wan!

EJEKIEL 16:3

Jerusalem ma Tati Rakaü Hiqwe raq apaiq ma jamlai wa ngutlaq kra chongkuqlaq: “Ümrawü chhi ka Kannan mung na chhi laü. Ümwe ka Amoraiq phan. Ümnyung ka Hitaiq phan.

EJEKIEL 16:45

Tengto, ngohea shaq shaq, ümniika ümnyung jai phanti dea riilaü. Apaiq raq awese nai asetiim ka angoq aphai saisito. Ümniika ümnyino nyungtiim ikhiidea. Tsangshiq riiminla tsangwe setiim nai tsangsetiim ka saisito. Ümnaq nai ümnotiim chela ahin thun kriiminla tsangshiq ma anyung ka Hitaiq phan shea. Kiimaq tsangshiq ma awe ka Amoraiq phan riito.

1 SAMUEL 24:13

Ümniiraq richüwe bom tiihap, ‘Abi kiimung ka abi ati maiqsetiim riili kiimung tlo,’ ngutlaq kriiri asap haü. Krai mren, ngi raq ümdü na jaq ka miiq mang.