EJEKIEL 16:12 - ASII LAKDAP Bible (BSI)

¹² Ngi raq ümniima khü na pachang jaqtop kiimshi kiimaq niti thun kuqkang. Kiimaq ümniima ümkhu na phok chang tsomhea hokham nyung khuphok kuqkang.

Hawa Naga Bible 2001

¹² Ngaz rueq mkhuiz waungx nuiyc nac jic tvjic vtueq svp hvlc khushec tvbuz phaungx.

EJEKIEL 16:12 Referencias Cruzadas

RAPHA HIQWA LAK 24:47

Kiimaq ngi raq apaiq ma waikang, ‘Riita ümwe ka juwa?’ Kiimaq apaiq raq treto, ‘Iwe ka Bethuel. Nahor nai Milka se.’ Kiijiishe ngi raq akhü na pachang jaqtop nai ajaq dang na pachang jaqsin thun kra tiipa kuq kang.

TAKSU LAK 25:12

Taksu maiqse raq, asap atsinti ma, tsii chongke ka, chaq jaqtop riimak la, chaq laktum atlak ikha tsomhea.

ASHICHONG 1:10

Ümkhudap tei jan jangjang janghea kumrang maibong ikha. Dang na lakshiitum alak ikha wanrang wiira tsomhea,

ASHICHONG 1:11

Shatmaq naishiq raq chaq raü kampho tum mitlak kai.

ISAIA 28:5

Akhing ranaiqshi misaü wan, raüla Ajong Pinthum Tatiwe ka asenginok rejaq song atiichong thun kra miitu achhai anyii pepütu maq ahai hokham khuphok ikha miraq.

ISAIA 3:19

Kiimaq tsangshiq jaq dang na patlaq thun kra minyea wan. Apaiq raq tsangshiq khupo pangchang bannin khea phu thun kra minyea wan.

ISAIA 3:21

Tsangshiq jaqshi thun na jaqtop patlaq thun kra, kiimaq tsangshiq khü na khütop thun patlaq kra minyea wan.

JEREMIA 13:18

Tatiwe raq ngi ma nguto, “Hokhamwe nai anyung hokham nyung ma chonglaq, tsangnai ka hokham ngacho kiiwa satki rongkiq nguta. Jamkhano ngukla tsangshiq hokham khuphok tsomhea thun kra tsangshiq khupo wa tiidea baiqto she.

EJEKIEL 16:14

Ümshamhea tsomwa ka mangjong hiq na maiq mung ümchuwa sitlaq kriithun na ratsa la ratsa she nyam wanto. Ümshamhea ka minhap. Jamkhano ngukla Ngi raq ümsham ka tarü thaq na ahea atsom pinthum tiijakuq kang.” Arka, Tati Rakaü Hiqwe raq ngutlo.

EJEKIEL 16:17

Kiimaq Ngi raq akuqha kampho nai chaq laktum thun kra lamho laüta, maiqwe kaütiim sumla phra hai laü. Laüta tsangshiq rai sethoq kiicham laüta siwan laü.

EJEKIEL 21:26

Ngi, Tati Rakaü Hiqwe raq ara ngutiikang: Üm hokham khuphok nai nairai khuphok kra chut baiqlaq. Man na sitlan kiikhii ka riimak she. Miitsan maiqse thun ka wela miishe mitiija wan! Mung pengti welabi thun ka atiidea she mirbaiq!

EJEKIEL 23:42

Kiimaq tsangnai tho na maiq phong apo alo ahaiseati riibom riinai trang kra tiitai shat. Kiimaq maiq kongshi ka kumtsaiphii rumnyangkhi mung wa asheaki kra saü wato. Tsangshiq raq tsangnai ma, jechakre raq jaq na pachang jaqsin kii thun ka jaqdang na tiipakuqto kiimaq tsangnai khupo na tsomhea hokham khuphok tiiphop kuqto.

Hosea 2:13

Kiimaq apaiq raq ngi laqbaiq raüta, Baal phra shomnoq wanto, kra miitu mitsa shaha. Lata mitiichamchaoha. Kiimaq apaiq raq achaq aseng laktum thun ka, lak raüta awesekong jaijo wantaq kra miitu, ngi raq apaiq ka mitiichamchaoha. Arka Tatiwe raq chongtlo.