EJEKIEL 1:3 - ASII LAKDAP Bible (BSI)

³ Kiijaq Bebilon mung na, Chebar Rai kii na, ngi raq Tatiwe ka ngi rai riibom taikang. Kiimaq ngi raq apaiq ningkun heng ka ikhum na asi sapkang.

Hawa Naga Bible 2001

³ Babelon mungx Kebar Ruilx hep maq, Yehowa rueq ngaz muex jungx phuex kvjaz kuex tay vtueq vpiq luimc vkawc kuex ngaz rueq lvp tauk.

EJEKIEL 1:3 Referencias Cruzadas

1 HOKHVMX 18:46

Kiimaq Tatiwe ningkun ka Elija khum niishe rom wanto. Raüta apaiq raq akhu akhea adü na asam thun kra achhü tro na phataqtaq she shatto. Raütiishe apaiq ka Ahab khaki na sinkhu na Jejreel chela nü kiiniishe juto.

2 HOKHVMX 3:15

Riita ümchaü min paimin toro tsüngii atsinti shiwe ashi ngi phana sheaki rongkiq,” ngutiishe chongto. Kra shiwe raq apaiq hünongtoro kriishe tsüto. Kiijiishe Tatiwe ningkun ka Elisha khum niishe saükito.

Tvtsvmc 137:1

Bebilon mung na jürai thun kii na naishiq ngakai; laita naishiq hoqtrangkai Jajon tiima laita.

JEREMIA 1:2

Tatiwe raq Jeremia rai riibomto kra rawii ka Amon se Josia ka Juda mung na hokham jawan li maq rawii wiiroqshi ri wiitsam she angu na riito.

JEREMIA 1:4

Tatiwe raq ngi ma nguto.

JEREMIA 29:15

“Namshiq raq chongtlan, Tatiwe raq namshiq ma Bebilon mung na shammibi shongkuqto ngutlan kata.

EJEKIEL 1:1

Rawii roqtsam she angu na jipi lüblai liiwa rabiingi ngo ranaiq akhing riito. Ngi, ka ramwe jaqshamti. Iwe mang ka Buji. Kra akhing na ngi ka munglu shumwi ma atsuq wan Jehudinok rai Bebilon mung na, Chebar rai tan na sikang. Ramungtan ka atlin riikito. Kiimaq ngi raq riisham mak maq Shiikeawe ka chhikang.

EJEKIEL 10:15

Riita ara cherubim kaütiim arka ngi raq kongkhu lak na Chebar Rai kii na chhikang kra kong kriili riito. Riita cherubim kaütiim ka ra na tiido wan kiita,

EJEKIEL 12:13

Shatmaq Ngi raq apaiq tiimin chang chiiq chan lata mikheha. Lata apaiq ka mitiiminha. Latiishe ngi raq apaiq ka Bebilon chela niishe mishea wanha. Kiijaq apaiq ka makchuk maq siraütli she, jam min chhimak miili mitsai.

EJEKIEL 3:14

Tatiwe ningkun ka ikhum na henghea maq saükito. Kiimaq ngi ka apaiq wenyi raq jamkho dowantlaq kra phan phan, ngi ka kiqdaqtam dokdok kiimaq tsankhiqhea riito.

EJEKIEL 3:15

Krai mren she, ngi ka munglu shumwikong sichang hiqshong, Chebar Raikii na Tel Abib hiq na saüwa kang. Kiimaq ngi ka tsangshiq phong na saüwa kang. Kiimaq ngi raq jamlai wa chhikang kiimaq taikang kra tiima lata sunghü tsiihü kiimaq amao rai latli kiijaq ramiishi sikang.

EJEKIEL 3:22

Ngi raq Tatiwe ningkun henghea ka idü na asi sap kang. Kiimaq apaiq raq ngi ma akha nguto taikang, “Tiidolaq laüta hiq thung tan kiina kilaq. Ngi ka ümniirai kiijaq mirbom kang.”

EJEKIEL 3:23

Krai mren, ngi ka kra hiq thung tan kiiniishe kiho kang. Kiimaq kiijaq Tatiwe khushü ngao chhai nyii ka kongkhu ji na Chebar Raikii na chhikang kiikha chhikang. Ngi ka hiq na bumkisaq bum kikang.

EJEKIEL 33:22

Apaiq ka misaüwa shaq na, kriima kongkhu raji na, Tatiwe ka ngi rai asi nguta apaiq ningkun heng ka ngi raq sapkang. Anap ranap angu niishe kriiwe ka ngi phana saü wato. Kra akhing niishetiq Tatiwe raq ngi ma inü maq abom miitu ningkun ka jangkuq nongto.

EJEKIEL 37:1

Ngi raq ikhum na Tatiwe ka ngi rai asi nguta ningkun henghea sapkang. Kiimaq apaiq wenyi raq ngi ka rom wan raüta kin hea wea na hiq thung tan ashi maiqrii phong raq ama kiijaq ngi ka dowanto.

EJEKIEL 40:1

Kra ranaiq ka wiinye wa jiha raroqshi angu ranaiq. Kriika naishiq munglu shumwi ma tsuq wan li maq rawii wiiroq nai ri wiibiingi rawii riito. Kiimaq Jerusalem ka re raq jiiwan li maq rawii wiiroqshi ri wiiblai she angu ranaiq riito. Kra ranaiq ikhum na Tatiwe ka ngi rai asi dea nguta ningkun jonghea ikhum na asi nguta sapshat riikang. Kiimaq apaiq raq ngi ka rawang win na dowan saq boq wanto.

EJEKIEL 43:3

Ara riisham makchhi arka man na Shiikeawe raq Jerusalem tiithenkai kitaq lak na kiimaq ngi raq Chebar Rai kii maq chhikang kiikha riito. Kiijiishe ngi ka hiq na bumki tlii riikang.

EJEKIEL 8:1

Munglu shumwi jawanli maq wiitrok she angu na, kra rawii wa jipi lütrok angu na kra jipi wa rabiingi ranaiq na. Juda mung wa munglu shumwi asi wati phong wa shiilangbi ka ngi rai ijam na anga sea riikai. Tiihanghiiq miili Tati Rakaü Hiqwe ningkun ka ikhum na saükito.

DANIEL 10:4

Rawii phawan jipi lüwa, raroq nairi rablai angu ranaiq na, ngi ka ajong alu Taigris Raikii na chapraü riikang.

Hosea 1:1

Arka Tatiwe raq Bari se shammiwe Hosea ma riisham bom maq atiichongki. Ara riisham bom chong arka Hosea raq, Juda mung rümti hokhambi Ujjia, Jotham, Ahaj kiimaq Hejekia pat na chongkuqto. Krapat na Israil mung rümti hokhamwe ka Jehoash se Jeroboam riito.

Yoel 1:1

Arka Tatiwe bomtsi Pethuel se Joel ma riisham bom maq atiichongki:

1 Timothy 4:1

Shatmaq, rawiichii pat na maiq wiijamti raq tsangshiq kamtsantsii ka athaq mirbaiq nguta Asii Wenyi raq tsangriri hea maq chongkuq tlo. Tsangshiq raq arot winji bomchong nai thawe raq ashrinkuq manphan kiima mikam wan nguta chongtlo.

2 Peter 1:21

Jamkhano ngukla, riisham bomchong ka, maiqse tsan mong maq adong riimak. Shatmaq Asii Wenyi raq shammibi ka rom raüta, tsangshiq raq Shiikeawe nübok wa tsütsa taitlaq kra chongkuqto.