EJEKIEL 1:10 - ASII LAKDAP Bible (BSI)

¹⁰ Kra atra ngamkaütiim loweatek theaphi ka kaüshi theaphi ka pong pong phanblailai theaphi riito: khaki nü wa theaphi ka maiq theaphi, jaqtsi nü siim wa theaphi ka hangsi theaphi, jaq pha nü siim wa theaphi ka minsaü pongwe theaphi, kiimaq tokkun nü wa theaphi ka liihawe theaphi riito.

Hawa Naga Bible 2001

¹⁰ Vtvraungx ngvmx saz vshiz phok nuex httax yaq htvlx bvlic kuex vshiz nuiyc vshiz rv-ngvlc muq: khaungx tvmax kox nuex kuex miq htvlx, vkeq kox nuex kuex hangsic htvlx, vphvrx kox nuex kuex manx pung htvlx, vyix kox kuex lawx htvlx rvtueq.

EJEKIEL 1:10 Referencias Cruzadas

1 KAÜWA WERAÜ 12:8

Dawit ka kumtsaiphii rumnyangkhi na sichonji na apaiq rai pong wan damti Gad phan wa maiq nolajongbi phenlabi thun ka arthun ara riito. Tsangshiq ka liiq sham nai piq sham na sreabi. Tsangsham ka hangsikong ikha phiiptsi jiiptsi, kiimaq aphiq kiimin pum na siti chhingi jutlaq ikha phiqhea.

YOBA 39:27

Liihakaü raq ümnaq amingke shea khetla apaiq raq achü ka pum diilu pinthum ba na hai miitu?

TAKSU LAK 14:4

Wak the chang minsaüpang ahü raüla, tsamtiip ka shaqmii miraq; shatmaq minsaü pang asi raüla, tsamtiip na tsam ama miraq.

ISAIA 40:31

Shatmaq jurwa Tatiwe raq mikhrumkuq nguta kamtlaq, tsangshiq ma ningkun anye mishoqkuq. Tsangshiq ka rakong maq ra na liihakong ikha mibisiq, tsangshiq ka phiqhea miju shatmaq nii tsimak miraq, tsangshiq ka khum wan ruq miraq, shatmaq ahun anü ahü miraq.

ISAIA 46:8

“Ara tsan na tiitsang ronglaq, namshiq ngarai maiqse kong raq; tiima ronglaq Ngi raq jamlai jaq wa shamkang kra.

EJEKIEL 1:6

Shatmaq kra ngamkaütiim blai ka atheaphi ka blailai jongri kiimaq akaü khumtek dü na arakong ka blailai riito.

EJEKIEL 10:14

Cherubim kaütiim theaphi ka blailai siisaq. Apha shaqshaq theaphi ka minsaü pongwe theaphi ikha. Kiimaq theaphi anai ngojati kriika maiqse theaphi ikha. Kiimaq theaphi atsam ngojati kriika hangsikaü theaphi ikha. Kiimaq theaphi blai ngojati kriika liihawekaü theaphi ikha.

EJEKIEL 41:19

siimko niika maiq theaphi. Kra siimti ka taitsi chong phanü na nyiraü riito. Kiimaq siimko nü ka hangsikaü theaphi riito. Kriiti theaphi ka konü siim na taitsi chong ashiti phanü na tiinyi raü riito. Khechong tlotli na akha siisaq haito.

DANIEL 7:4

Apha shaqshaq kaü ka, hangsikaü sham ikha. Shatmaq liiha kaü ikha arakong asi. Ngi raq liirat tiikang bala liipan niili, arakong thun ka chatbaiqto. Raüta ngamthaiq kaü ka ado raüta maiq ikha tiichapto. Raüta apaiq miika maiqse khutsai she thiikuqto.

WEAWEA 2:10

Kiimaq shemai nü siim niika, Reuben phan alan khea chantlaq wokhong na siti weraü thun ka akong akong maq, maiqmiimii welabi wokhong na, tsangshiq piitiip thun ka akha mitei wan: Maiq phan aphan welawe maiqwea Reuben phan wa Shedeur se Elijur 46,500 Simeon phan wa Jurishaddai se Shelumiel 59,300 Gad phan wa Deuel se Eliasaph 45,650 Maiq tlotli ka 151,450 Alaü wan wawantlaq akhing na Reuben phan alan kheachan wokhong na siti ka kongnai ngoja na miwa.

WEAWEA 2:18

Kiimaq shenyap nü siim niika, Ephraim phan alan khea chantlaq wokhong na siti weraü thun ka akong akong maq, maiqmiimii welabi wokhong na, tsangshiq piitiip thun ka akha mitei wan: Maiq phan aphan welawe maiqwea Ephraim phan wa Ammihud se Elishama 40,500 Manase phan wa Pedahjur se Gamaliel 32,200 Benjamin phan wa Gideoni se Abidan 35,400 Maiq tlotli ka 108,100 Ephraim phan alan khea chantlaq wokhong na siti weraü thun ka kongtsam ngoja na miwa.

WEAWEA 2:25

Shekhu nü siim niika, Dan phan alan khea chantlaq wokhong na siti weraü thun ka akong akong maq, maiqmiimii welabi wokhong na tsangshiq piitiip thun ka akha mitei wan: Maiq phan Aphan welawe Maiqwea Dan phan wa Ammishaddai se Ahiejar 62,700 Ashar phan wa Ochran se Pagiel 41,500 Naphtali phan wa Enan se Ahira 53,400 Maiq tlotli ka 157,600 Dan phan alan khea chantlaq wokhong na siti weraü thun ka jai tiisup na miwa.

WEAWEA 2:3

Tombutiip maq shedong nü siim niika, Juda phan alan khea chantlaq wokhong na siti weraü thun ka akong akong maq, maiqmiimii welabi wokhong na, tsangshiq piitiip thun ka akha mitei wan: Maiq phan aphan welawe maiqwea Juda phan wa Amminadab se Nahshon 74,600 Isakar phan wa Juar se Nethanel 54,400 Jebulun phan wa Helon se Eliab 57,400 Maiq tlotli ka 186,400 Alaü wan wawantlaq akhing na Juda phan alan khea chantlaq wokhong na siti raq lamshea sinkhu na miwa.

Luke 15:10

Ngi chongpha, tai ronglaq, ikhiisii hali, Shiikeawe rasetiim kiimin, ngarai maiqse ashi raq tsantsii klai raü la, kai michochi!”

1 Corinthians 14:20

I phu I notiim lei, namshiq ka namshiq tiima na noshiisetiim ikhiika naqsi rongkiq she. Abi ati lam phan niika, noshii setiim ikha si ronglaq. Shatmaq ahea lam phan niika, namshiq tiima tsantsii ka nyungwere tsii ikhiishe tsii ronglaq.

TRI CHONGKE 28:49

Tatiwe raq üm khuthaq na pong mungti rathup rapha mungti kra mishea wan. Kra mungti bom ka ümniiraq taimaü mirhaü. Tsangshiq ka wa raüta liihawe raq wu phiimtlaq ikhiishe ümniika miphiim wan.

Revelation 4:7

Apha kaü ka hangsi kaü ikha. Kiimaq kaü nai ngojati ka minsaü pongwe ikha. Kiimaq kaütsam ngojati ka maiqse theaphi ikha. Kiimaq kaüblai ngojati ka liihawe abi wan nam shiinam ikha.

Revelation 5:5

Kiijiishe nyungwere phong wa maiq weshi raq ngi ma bom ka akha chongto, “Naqhoqkiq. Liilaq! Juda weraü wa hangsi kaü Dawit ma asaü saüpai, ajong weshi raq rekhat ka atang wan kun she. Krai mren, apaiq raq ara sil atrap miishi ara tiibun raüta, akom ka alin miraq.”

PHOWEBI 14:18

Krai mren, ramiishi ranaiq ngoja na, Samson ka atap mong na minyap wan shaq na, kra chelati maiqwere raq apaiq ma chongto, “Ngiq ngu thaq na asum phan asi shea? Hangsi thaq na ningkun ajong asi shea?” Kiijiishe Samson raq treto, “Namshiq raq iminsaü kaü maq, ni ka thuman nguraü ka, namshiq raq liichum ka, sap man mirhan wa.”