EJEKIEL 1:1 - ASII LAKDAP Bible (BSI)

¹ Rawii roqtsam she angu na jipi lüblai liiwa rabiingi ngo ranaiq akhing riito. Ngi, ka ramwe jaqshamti. Iwe mang ka Buji. Kra akhing na ngi ka munglu shumwi ma atsuq wan Jehudinok rai Bebilon mung na, Chebar rai tan na sikang. Ramungtan ka atlin riikito. Kiimaq ngi raq riisham mak maq Shiikeawe ka chhikang.

Hawa Naga Bible 2001

¹ Wawc rok thuimx raungwawc yapix lex bvlic yac raungx bv-ngac raungnuiyq, Babelon mungx Kebar Ruilx hep nuex thuq wvnc tueq Yuda miqsaz htenc nuiyc Buzi saz ngaz shomc waz Ezekiel hez httax yaq nuex raungx kvdaz wvnc vtueq Tishox kuex romzyac tvkhic maq ngaz rueq khiz tauk.

EJEKIEL 1:1 Referencias Cruzadas

RAPHA HIQWA LAK 15:1

Arjai maq, Abram raq riisham mak maq chhito kiimaq Tatiwe raq apaiq ma bom achong ka akha taito, “Naq haikiqjo, Abram la. Ngi raq ümniika haisi rasong mong wa khup wong kuq shat mirha. Kiimaq ümniima poksi jonghea mikuqha.”

RAPHA HIQWA LAK 46:2

Kiijaq Shiikeawe raq apaiq ma rawa na riisham makchhi maq riibomto. Raüta apaiq ka heato, “Jakob lei, Jakob lei!” “Ngi arjaq lii,” nguta apaiq raq treto.

Tvtsvmc 137:1

Bebilon mung na jürai thun kii na naishiq ngakai; laita naishiq hoqtrangkai Jajon tiima laita.

DUNGWVNC 24:10

Kiimaq tsangshiq raq Israilnok Shiikeawe ka chhito. Ahok phi takiq niika saphir longseng pen maq ahai maiqkhum chang lam ikha, ra jamkho wai chat chat li tlaq kiikha riito.

ISAIA 1:1

Ara lakdap na waiqtaq tsütsa thun arka Juda mungti nai Jerusalemti miitu, Shiikeawe raq Isaia ma atiichhikuq bomtsi. Isaia ka Amoj se. Apaiq raq shammi jaqsham wantaq arka hokhambi Ujjia, Jotham Ahaj kiimaq Hejekia raq Juda mung na hokham jaqsham wantaq pat wa.

ISAIA 6:1

Hokhamwe Ujjia tsaikitaq rawii, ngi raq Tatiwe ka chhikang. Apaiq ka apaiq hokham ngacho na ngaraü, ratsan na, akhushü ngao jonghea khakii ngiimngiim chhikang. Kiimaq adü na samtong jongkaü samtlaq kriiraq Shomjam mong ka wiita hamto.

JEREMIA 29:15

“Namshiq raq chongtlan, Tatiwe raq namshiq ma Bebilon mung na shammibi shongkuqto ngutlan kata.

EJEKIEL 1:3

Kiijaq Bebilon mung na, Chebar Rai kii na, ngi raq Tatiwe ka ngi rai riibom taikang. Kiimaq ngi raq apaiq ningkun heng ka ikhum na asi sapkang.

EJEKIEL 10:1

Ngi raq cherubim khuthaq na jamtamkaü kiijaq liikangta, kriithaq niika hokham ngacho athii tsinhea phan saphir longseng maq alo ikha chhikang.

EJEKIEL 10:15

Riita ara cherubim kaütiim arka ngi raq kongkhu lak na Chebar Rai kii na chhikang kra kong kriili riito. Riita cherubim kaütiim ka ra na tiido wan kiita,

EJEKIEL 10:20

Ngi raq kra cherubim kaütiim ka kongkhuji na Chebar Rai kii maq Israilnok Shiikeawe takiq na ngaraqraq chhikang kriili dea nguta sap kang.

EJEKIEL 10:22

Tsang theaphi thun kiimin ngi raq kongkhu lak na Chebar Rai kii maq chhikang kra dongdii li riito. Cherubim ka kaütek khaki nü na rusan tingting wawantlo.

EJEKIEL 11:24

Riisham makchhi maq Shiikeawe wenyi raq ngi ka ra na dowanto. Raüta Bebilon mung na munglu shumwi sitiikai hiq kiiniishe shea wanto. Kiijiishe riisham makchhi ka imakki wa mokisaq she maqkito.

EJEKIEL 3:15

Krai mren she, ngi ka munglu shumwikong sichang hiqshong, Chebar Raikii na Tel Abib hiq na saüwa kang. Kiimaq ngi ka tsangshiq phong na saüwa kang. Kiimaq ngi raq jamlai wa chhikang kiimaq taikang kra tiima lata sunghü tsiihü kiimaq amao rai latli kiijaq ramiishi sikang.

EJEKIEL 3:23

Krai mren, ngi ka kra hiq thung tan kiiniishe kiho kang. Kiimaq kiijaq Tatiwe khushü ngao chhai nyii ka kongkhu ji na Chebar Raikii na chhikang kiikha chhikang. Ngi ka hiq na bumkisaq bum kikang.

EJEKIEL 40:2

Ngi raq riisham mak maq chhikang, Shiikeawe raq ngi ka Israil mung na sheahoto. Raüta ngi ka pum diiluhea kiijaq thü wato. Ngi raq imakki na jam phong ka pahea chela ashi ikha chhikang.

EJEKIEL 43:3

Ara riisham makchhi arka man na Shiikeawe raq Jerusalem tiithenkai kitaq lak na kiimaq ngi raq Chebar Rai kii maq chhikang kiikha riito. Kiijiishe ngi ka hiq na bumki tlii riikang.

EJEKIEL 8:3

Apaiq raq ajaq ikha kriika ngi phanü na tliisaq riito. Raüta ngi ka ikhudap maq dopot laphoto. Kiijiishe ara riisham makchhi maq chhikang, ngi ka Shiikeawe wenyi raq ra na rawang win na luhea na dowanto. Raüta ngi ka Jerusalem na sheahoto. Raüta apaiq raq ngi ka Jerusalem Shomjam shekhu nü nü kilamchong wang mong kilam chongti ba kiijaq shea wanto. Kiijaq Shiikeawe mak lii na riiqkhiq phan sumla kaü ashi kra tiinga raü riito.

Hosea 12:10

“Ngi raq shammibi ma phanrap tiichhikuq wan kang. Tsangshiq raq Israilnok ma tiithai tiimai, honlam tsii pahea chongkuq wanto. Shatmaq tsangshiq raq tai wan mak.

Yoel 2:28

Arjai niishe, ngi raq iwenyi ka isenginok khuthaq na miraükuqha. Kra akhing namsetiim maiqwesere, kiimaq jechaksere raq riisham bom maq itsütsa ka, chiiriim raüta michongkuq wan. Namwetiim tikiibi riimin rawa ma maq michhi wan. Kiimaq namsetiim jerobi riimin, riisham mak maq michhi wan.

WEAWEA 12:6

Kiimaq Tatiwe raq nguto, “Ümchaü Ngi raq jamlai bom wa chongtiikang ara tai ronglaq! Namshiq phong na shammibi siraüla, Ngi ka tsangshiq rai isham ka riisham makchhi maq tiichhikuq tiikang. Kiimaq tsangshiq rai rawa ma maq riibom dam tiikang.

WEAWEA 4:3

laüta maiqwere tlotli arawii wiiroqtsam maq pha raüta wiiroq biingi na saüli maiq ka wealaq, laüta Tatiwe asi Tombutiip na jaqsham milotti thun tsangshiq mang ka lakdap na waiqthülaq nguta chongto.

Matthew 17:9

Jesuq nai ajaqshisetiim atsam ka pum kriimaq asatkai lam miishe, Jesuq raq tsangtsam ma, “Ümchaü namtsam raq jamlai wa riisham mak maq chhi lan, kriika Maiq Se kra ama wa midong wan shaq wiiwii, maiq ahinti ju miimin naq chong rongkiq,” nguta kiq thangto.

Matthew 3:16

Khamlam lot ri she, Jesuq ka khamchum mong maq dong wanto. Kra akhing na Jesuq raq ramungtan ka atlin raü chhito. Kiimaq Shiikeawe Asii Wenyi ka haütaü kaü ikha ra wa satki raüta, apaiq khuthaq na ngakai chhito.

Mark 1:10

Jesuq ka kham mong maq takii na dong wan ri li she, apaiq raq ramungtan ka tiidi wan chhito. Kiimaq Shiikeawe Wenyi ka haütaü kaü ikha satki raüta, akhu thaq na ngakito.

Luke 3:21

Kra akhing na nokmaiqse thun tarü raq, khamlam wan lot jai she, Jesuq riimin kham ka lam wanto. Apaiq raq khamlam akhing na achu jaüto. Apaiq achu jaürea akhing na, ramungtan ka atlin riikito.

Luke 3:23

Jesuq raq apaiq traho jaqsham phaho akhing na, apaiq rawii ka wiiroqtsam tin she riito. Apaiq ka nanok raq, Joseph se nguta tiima wanto. Joseph ka Heli se.

John 1:51

Kiimaq apaiq raq, “Ngi raq chongtiikang arka tengteng. Ümchaü sanha namshiq raq mungtan kilü ka tiidishat she michhi han. Kiimaq Shiikeawe rasetiim ka, Maiq Se khuthaq na akiti aki, awati awa, adü asat, akhum ashiim she michhi han,” ngutiishe tsangnai ma chong kuqto.

Acts 10:11

Apaiq raq ramungtan kilü ka atiidi riiraü chhito. Kiimaq ramungtan maq jonghea luhea adiimliim kaü ashi ka shokblai wiita maq sham raüta, mangjong hiq nü ana atiisat rea wan chhito.

Acts 10:3

Apaiq raq ranaiqshi, ranaiq naritsam tin khan na, riisham mak maq tsangriri hea, Shiikeawe raq atiiki rase ashi ka chhito. Rase raq, “Kornelias!” nguta apaiq rai bomto.

Acts 7:56

Krai mren, “Liirong laq! Ngi raq ramungtan kilü ka atiidi raü chhi tiikang. Kiimaq Maiq Se ka Shiikeawe ma jaqtsi nü na chap raü chhi tiikang!” nguta Stephen raq chongto.

2 Corinthians 12:1

Ngi riika jamkha riita jiimin tiishomra rai chang li she dongdii riishatshat. Tiishomra rai lata ngi ma jamlai liip rai chang riiwe kla ahüli jiimin, tiishomra rai chang ka sikito. Shatmaq, ümchaü riiwe tiina, ngi ma, riisham raq jamlai wa tiichhikuq taq, kiimaq ngi ma Tati Jesuq Khristo raq jamlai wa tiichhikuqtaq, kriishe chongkuq pha.

Revelation 19:11

Kiijiishe, ngi raq ramungtan ka atiidi raü chhikang. Kiimaq kiijaq kumrang alü kaü ashi chap raü chhikang. Kriithaq na chaoti we mang ka Tsapkapkap nai Riikhaqli nguta ngutlo. Apaiq riika tingting maq kha pho tlo. Raüta re ka khattlo.

Revelation 4:1

Arjai miishe hali, ngi raq ra nü na liikangta, ramungtan na kilü ashi ka atiidi raü chhikang. Kiijiishe, ngi ma kongkhu lak na chongketi, abom lerong tsü heng ikhiiwe kriiraq hali, ramungtan maq, “Ana wara. Ara rawii shiqwii hongtha wan chang bomchong sitlaq ara, ngi raq ümniima tiichhi kuq pha. Arthun arka hongtha wan chang dongdii,” nguta ngi ka heato.