DUNGWVNC 9:34 - ASII LAKDAP Bible (BSI)

³⁴ Shatmaq hokhamwe raq kriithun ka chhi raüta, apaiq raq ngarai hali tang nongto. Apaiq nai asengi ajong alabi thun ka kongkhu na jamkhiiwa kiikhiili wanshak shak wankito.

Hawa Naga Bible 2001

³⁴ Kvkhoc yaungx wvnc tueq kuex hokhvmx waz rueq khiz vtueq mvrax laukshiz yaq yek tueq. Piq nuiyc piq miq vyungx vlaungx bix khux tsanz yek vtueq,

DUNGWVNC 9:34 Referencias Cruzadas

2 KAÜWA WERAÜ 28:22

Riita apaiq dii na chamchao sangrai ka henghea she saü wan kiita, Ahaj raq Tatiwe makki na ngarai ka pahea tang wan wan khoti riito.

2 KAÜWA WERAÜ 33:23

Shatmaq apaiq ka awe jamkho aran ma jaraüta tsantsii klaitaq, kiikha klai wan mak dea riito. Kiimaq Tatiwe wokhong na nyap wan mak dea riito. Apaiq ka awe nam miimin, tiinanpot bihea ngarai klo wanto.

2 KAÜWA WERAÜ 36:13

Jedekia raq Hokhamwe Nebukadnejar puk wa dongho mat tanto. Apaiq ka Hokhamwe Nebukadnejar raq Shiikeawe mang na apaiq wokhong na wanse ma jalata tsapkapkap misiha nguta shiitep raüta atiitum atiisi riito. Apaiq ka wanshak shak mra tiidii mak riito. Kiimaq Tatiwe Israilnok Shiikeawe puk na nyap wan mak ngiimto.

DUNGWVNC 4:21

Kiimaq Tatiwe raq Mosheq mahali nguto, “Riita ümchaü min, ümniika Ejip mung niishe jangho nongtlaü. Kiimaq Ngi raq ümniima awang chang jaqsham thun klo miitu ningkun kuq kang kra hokhamwe makki na klo miitu khekham riilaq. Shatmaq Ngi raq hokhamwe tsan tsü ka lanlaqlaq mitiija baiqha. Kiimaq apaiq raq Israilnok ka tiiwa mak miningtang.

DUNGWVNC 7:14

Kiijiishe Tatiwe raq Mosheq ma nguto, “Hokhamwe ka pinthum wanshak shak kiimaq isenginok ka tiiwa mak ningtang hoto.

DUNGWVNC 8:15

Kiimaq hokhamwe raq makphang thun jiimtaq kra chhito. Kiimaq apaiq ka wanshak shak hali tsinki nongto. Arka Tatiwe raq chongtaq kra phan phan wankito. Kiimaq hokhamwe raq Mosheq nai Aron bom ka taimak hali lanki nongto.

DUNGWVNC 9:33

Mosheq raq hokhamwe ka baiqthü raüta, chela phai niishe kihoto. Raüta ajaq ka ra na do raüta Tatiwe jaq wa achu jaüto. Kiimaq ramok wa, tsak-hiiq rok wa, kiimaq rajun wa trang ka wiita atsaq she riikito.

DUNGWVNC 9:35

Kiimaq Tatiwe raq Mosheq lümaq kongkhu miiphü tiithaitaq kra phan phan, hokhamwe raq Israilnok ka tiikimak ningtanghoto.

THARC TVLUINGC 8:11

Maiqse raq mat atsa ka jeriiqriiq hea jam nguto tangtla? Tri jinti ashutti ka jaqlo thit thit tsangshiq kha kra phokuq mak, raüta tsasha mak kha maq, mat atsa pahea tang wan tlo.

1 SAMUEL 6:6

Namshiq ka Ejip mung hokhamwe nai asenginok wanshakshak tsiitaq ikha, jaram tsin rai wea? Tsangshiq raq Israilnok ka Ejip mung wa mitiiwa baiq shaq wiiwii, Shiikeawe raq tsangshiq ka anginok tiijataq kra namshiq raq naq laq rongkiq.