DUNGWVNC 4:12 - ASII LAKDAP Bible (BSI)

¹² Ümchaü min, kilaq! Ümnaq jamkhii bom chang wa ka Ngi raq mikhrum kuqkang. Kiimaq jamlai chong chang wa kra Ngi raq michong kuq kang.”

Hawa Naga Bible 2001

¹² Majuiuc kaz kuiuz! Mnoz muex kvjaz ngaz rueq romc kuq phaungx, mnoz rueq yvmx khoc jungc juing lac kuex ngaz rueq jungx kuq phaungx,” ngoz tueq jungx tueq.

DUNGWVNC 4:12 Referencias Cruzadas

Tvtsvmc 105:26

Kiijiishe apaiq raq ajaqshi se Mosheq tiikito, kiimaq Aron, apaiq raq atsea wan kra tiikito.

Tvtsvmc 143:10

Ümniika i Shiikeawe; ümniiraq athithi na jaqsham miitu ngi ma shrinkuqlaq. Ngi ma ahea klokuqlaq, laüta ngi ka hansang lamphan na shunshealaq.

Tvtsvmc 32:9

Kumrang ikha riimakla kumshot kaü ikha tsiihü naqja rongkiq, tsangshiq ka jinpo tiikaq raüta nai ngamkhü shinket maq hitraütiitiq tiikhum chang.”

DUNGWVNC 3:12

Shiikeawe raq treto, “Ngi ka ümniirai adam mirha. Kiimaq ümtiikiiwa ümniiraq mungmaiqse ka Ejip mung wa tsuq wantlaü, kiitiikaq ümniiraq Ngi ka ara pum arjaq mishomnoq haü. Kriikata ümniika Ngi riidea tiikikang nguta saqse miraq.”

DUNGWVNC 4:13

Shatmaq Mosheq raq treto, “Riimak, Tatiwe, mangchan laüta maiq ahinti tiikilaq.”

DUNGWVNC 4:15

Ümniiraq apaiq ma chonglaq. Laüta jamlai chong chang wa kra apaiq ma chonglaq. Ngi raq namnai wiita ma jamlai chong chang wa kra mikhrum kuqkang. Kiimaq Ngi raq namnai wiita ma jamlai klo chang wa kra achong mirkuqkang.

DUNGWVNC 4:16

Apaiq ka ümnübok ma mija. Krai mren mungmaiqse ma jamlai chongke chang wa kra ümniiraq chongrii na apaiq raq michong kuq. Kra raüla ümniika Shiikeawe ikha mija haü, ümniiraq apaiq ma jamlai bom chong chang wa kra michong kuq haü.

ISAIA 49:2

Apaiq raq ibomtsi ka jasai ikha siraüraü tiijato. Apaiq jaqkhong maq ngi ka tiikhup wongkuq wanto. Apaiq raq ngi ka liqsinkii ikha tsaito, sihea kiimaq ahiip homa tiijeje thütlo.

ISAIA 50:4

Ajong Thaq Na Ajong Pinthum Tatiwe raq jamlai chong chang wa kra ngi ma shrin kuqto, kra ningkhan ngi raq ahun aniiti ma ningkun shoqkuqlot tiikang. Wranaptek apaiq raq itsan tiichhiitlo; apaiq raq ngi ma jamlai phan shrinkero wa kra tai miitu.

JEREMIA 1:9

Kiijiishe Tatiwe raq ajaq ka tlü saq raüta inübii na shamsaq thanto. Raüta ngi ma, “Tailaq, Ngi raq ümniima jamlai bom chong chang wa ratlaq kra kuqtiikang.

WEAWEA 16:28

Mosheq raq mungmaiqse ma nguto, “Riita ümchaü sanha ngi raq arthun jaqsham tiikang arka Tatiwe raq shong raü tiidea shamtiikang, ngi tsiitsii maq ashamha riimak nguta, namshiq raq misaphan.

Mark 13:11

Kiimaq ümtiikiiwa namshiq ka, maiq raq lap raüta, rung na tiichap wantlaq, kra akhing na, namshiq raq maiq bom ka jamkhii tre chang wa miraq nguta, kongkhu na naq chapa rongkiq. Rung maq maiqse raq namshiq ma bom wai tlaq kra akhing na, Asii Wenyi raq tsangshiq bom ka jamkhii tre chang wa kra namshiq ma achong mirkuq. Kra phanphan namshiq raq tsangshiq bom ka mitre han.

Luke 11:1

Ranaiq shi Jesuq ka bashi na achu jaü rea riito. Apaiq raq achü jaülot jai she, ajaqshisetiim phong wa ashi raq, “Tatiwe le, Johan raq ajaqshisetiim ma achu jaü shrinkuqtaq kiikha, naishiq miimin shrinkuq laq,” nguta apaiq ma chongto.

John 14:26

I We raq Asii Wenyi ka, i mang na mitiiki. Apaiq ka namshiq Khrumti we. Ümchaü ngi raq, namshiq ma ümchuwa bomtsi chongkuq tiikang thun arka, apaiq riishe hali, namshiq tsan mong na tiidokuq wan nong raüta, tsangriri hea miishe wiita michong kuq wan nong.

Ephesians 6:19

Kiimaq ngi raq Shiikeawe bomtsi apaü raüta athü kra, nanok ma ningkun ajong maq, kholam kholiiq chongke wan miitu, achu jaükuq rong laq.

TRI CHONGKE 18:18

Ngi raq tsangshiq phana ümnaq kiikha shammiwe ashi tsangshiq phong kiiwa tsea lata mitiikiha. Apaiq raq jamlai chongke chang wa kra ngi raq apaiq ma michongkuqha. Kiimaq Ngi raq apaiq ma aming kuqkang kra wiita apaiq raq mungmaiqse ma michongkuq.