DUNGWVNC 38:21 - ASII LAKDAP Bible (BSI)

²¹ Tatiwe asi Tombutiip longpen anai na Aming Roqshi awaiq kra thüchang tiip kra hai miitu ja ajin ümchuwa lang wantaq thun weawea raüpot ka arthun ara riito. Kra hupsam thun rong raa tlaq wea wea raüpot ka Mosheq raq achu miraa nguta aming akuq. Kiimaq kra raüpot waiqthüti ka Lewinok ramwe Aron se Ithamar wokhong maq jaqsham wanti raq waiqto.

Hawa Naga Bible 2001

²¹ Tvrac rokshiz vwuiyq shec lungdvmx nueyc tvy juing Yehowa httax yaq Tap tvkoc shuimc lvmc juing ghaqdungc hup vsvmx vtvtsuingc wvl taq rvtueq. Kvruex wvlc tvy kuex Moshe rueq nvr vtueq shomc waz Arun saz Ethamar rueq shunshvlx yaq kuex Lewi miqsaz htenc rueq shuimc juing rvtueq.

DUNGWVNC 38:21 Referencias Cruzadas

1 KAÜWA WERAÜ 6:3

Amram setiim wenai, Aron nai Mosheq, kiimaq ase jechakse ashi. Apaiq mang ka Miriam. Aron setiim ka weblai riito: Nadab, Abihu, Eleajar, kiimaq Ithamar.

2 KAÜWA WERAÜ 24:6

Kriikha na apaiq raq Jehoiada nai tsangshiq sheati welabi ka tiiheato. Raüta akha shiitepto, “Lewinok raq Juda mungti nai Jerusalemti jaq wa phunta hikai chang Tatiwe asi Tombutiip na lang miitu nguta Tatiwe jaqshi se Mosheq raq mungmaiqse ma achongthü kra namshiq raq jam nguto tiisham man riitlan?”

YOBA 11:4

Ümniinga ümniiraq chongtlaü kiidea tengteng ngutlaü; Kiimaq ümniika Shiikeawe maklii na asii nguta tiima tlaü.

YOBA 22:23

Tengto, ümniika aranse ma jalaüta Shiikeawe wokhong na jang wan raa dongdii laüta ümjam kun wa abi jaqsham thun ka wiita thaqbaiq laq.

YOBA 26:1

Namshiq raq ngi ka jamkho khrum holanta— miitsan kaq, ningkun ahü ngi akhnok ma!

Tvtsvmc 15:1

Tatiwe, üm Shomjam mong na juwa minyap walot? Jurwa Jajon kin maq mishomnoq lot, ümnaq asii kin maq?

DUNGWVNC 25:16

Laütiishe Ngi raq aming thun waiqthüje longpen wiinai mikuq kang kriishe tek mong kiijaq thülaq.

DUNGWVNC 26:33

Kra kheathum ka Tombutiip wukhu na alen alen na khaiq thun tiihongje kriijaq bat hi hi batthülaq. Kiimaq kra khetuk chang kheathum tiichan tlaq kra jai niishe Tongshong Tek, among na longpen wiinai tiithiishat kra tothülaq. Ara khetuk chang kheathum ariiraq Asii Khok kra Asii Pinthum Khok kriiwa pong na mirai baiq.

DUNGWVNC 38:20

Kiimaq Tombutiip wukhu shapchang tiikha chan chang khaiq thun kiimaq keathung tro ruk chang kheathum chan chang khaiq thun ka miiki maq siisaq aklo.

DUNGWVNC 38:22

Uri se Bejalel apaiq ka Hur ma asaü Juda phan wa kriiwe raq phanrap phanrii jaqsham ka Tatiwe raq aming kuqtaq kra phan phan kloto.

DUNGWVNC 40:3

Laüta kra mong na Aming Roqshi thüchang Tongshong Tek ka tothülaq. Kiimaq kra khaki na khok tuk chang kheathum kra chanlaq.

DUNGWVNC 6:23

Aron raq Elisheba lamto. Apaiq ka Amminadab se kiimaq Nashon ma ano ashea nyung. Kriinyung raq apaiq ma asetiim ka Nadab, Abihu, Eleajar, kiimaq Ithamar humkuqto.

WEAWEA 1:50

Kra rii na Lewi phan maiq thun miika, Ngi asi Tombutiip nai kra mong na sitlaq hupsam thun kra shiililii jaqsham arang kra kuqlaq. Tsangshiq raq tiip nai kiijaq sitlaq hupsam thun kra mihopi wan. Raüta kra tiip mong wa jaqsham thun kra misham laq. Raüta tsangshiq tiip thun ka tombutiip tro na mitei wan laq.

WEAWEA 1:53

Shatmaq Lewi phan raq tsangshiq piitiip ka Tombutiip tro na tei wan ratlo. Raüta Tombutiip kra khe ratlo. Kriika maiq ahinti jumin kra tho na wamak chang miitu. Kiimaq itsan tiikhiq raüta Ngi raq Israilnok ka jiipbaiq mang chang miitu khe wan ratlo.”

WEAWEA 10:11

Israilnok ka Ejip mung wa laü wanli maq wiinai she angu na, kra rawii wa jipi liinai ngoja na, kra jipi wa raroqnai ranaiq na, Tatiwe asi Tombutiip khuthaq wa phumda kaü ka wawanto.

WEAWEA 18:2

Ümniima tanyang senobi, Lewi phan ka shea wan laq, ümnaq nai ümsetiim raq Tombutiip na jaqsham tlan kiijaq, namshiq khrumke miitu.

WEAWEA 24:5

Israilnok tombutiip thun ka kai tsomhea,

WEAWEA 9:15

Tatiwe asi Tombutiip ka chan wan akhing ranaiq na, phumda kaü ka sat kito. Raüta tiip ka wiita pang baiqto. Rawa niika kra phumda kaü ka watu kaü ikha riito.

Matthew 17:4

Kra chhi raütiishe, Petar raq nguto, “Tatiwe, nashiq tarü arjaq chakai arka pinthum kiim jonghea! Ümniiraq thapthi haü jiila, ngi raq arjaq baüli tiipsetiim atsam haipha. Ümniirii ashi, Mosheq rii ashi kiimaq Elija rii ashi.”

Acts 7:44

“Riita, natitiim pat na Shiikeawe Sichang Tiip ka tsangshiq rai nongshnong, kumtsaiphii binjü maq, bashi na chan wan wan raüta siwanto. Kra Shiikeawe Sichang Tiip kriika, Shiikeawe raq Mosheq ma jamkho tiichhi kuqtaq kra phanphan haito.

2 Corinthians 5:1

Nashiq raq asap i she, ranaiq shishi ka ara ümchaü nashiq sitiikai, nashiq han-ngam khum jolitiip arka, ariim riiki raüta atham she mirki. Ara thamkai jai miishe, Shiikeawe raq nashiq sichang jam, ramungtan niishe mikuq. Kra jam ka Shiikeawe apaiq jaq maq ahai. Kra jam ka pattup pat-sa thenki mak phan.

Hebrews 8:2

Apaiq ka ümchaü, Asii thaq niimin Asii Khok siqlaitap niishe nga raüta, Ajong Pinthum Ramwe ma ja raüta, Shiikeawe shomnoq jaqsham tlo. Riita ara chongtiikai, ramungtan na sitlaq, Shiikeawe shomnoq chang chiisan jolitiip sitlaq kriika, Tati Shiikeawe raq ahai. Maiqse jaq maq ahai ka riimak.

Hebrews 9:11

Shatmaq, Khristo ka Ajong Pinthum Ramwe ma ja raüta, nashiq ma ahea awa, rahea phan kra lamho raüta, arjaq saükito she. Kiimaq ümchaü apaiq ka athuk atsom, aku ari wiq maq ahaihun jolitiip mong kiijaq nga raütiishe, Shiikeawe ka shomnoqtlo. Ara jolitiip arka, maiqse jaq maq ahaihun ka riimak. Arka, ara ra nai hiq ariirai atiiq wandam ka riimak.

2 Peter 1:13

Ngi raq namshiq ma akha sungkhu tsiilam chongke wan arka, ngi ma homaho jaqsham ashi. Arkha maq, ngi ka atra sitiikang wiiwii, namshiq tsan tiichhii wan miitu tsii chongke ka nungpaq mang mirha nguta tiima tiikang.

Revelation 11:19

Kiijiishe, ngi raq ramungtan wa Shiikeawe shomjam kilü ka dito chhikang. Kiimaq Tongshong Tek kiimin shomjam mong na chhikang. Kiimiili she rachhai ralüp watrang, ramok wa trang, kiimaq hiqjong muwa trang, kiimaq tsakhiiq rokwa trang liishe chhikang.

Revelation 15:5

Arjai miishe, ngi raq ramungtan wa shomjam kilü ka dito chhikang. Shiikeawe ngachang tiip ka shomjam mong na riito.

Revelation 21:3

Ngi raq hokham ngachang ngacho maq tiihong raüta abom, maiq bom ashi akha taikang, “Ümchaü Shiikeawe jam ka maiqse rai she! Apaiq ka tsangshiq raishe misi. Kiimaq tsangshiq ka apaiq sengi she miraq. Shiikeawe apaiq ka tsangshiq rai nong nong she misi wan dam. Kiimaq apaiq ka tsangshiq Shiikeawe miraq.