DUNGWVNC 35:29 - ASII LAKDAP Bible (BSI)

²⁹ Israilnok mungmaiqse tlotli raq, jurwa honglu kewan lungwiittlaqti raq, tsangshiq honglu thun ka Tatiwe jaqsham miitu lamkuq wanto. Arka apaiq raq Mosheq ma aming kuqtaq kra phan phan kloto.

Hawa Naga Bible 2001

²⁹ Yehowa rueq Moshe muex nvr tueq yauk shuimc phvnx ruip saz tvkoc Israel miqsaz lotlaz wawc vkuy vnoalc roc thuinz vhttax jix htenc tsuingshiq rueq shomc kuy juing kuex laq wuez tueq.

DUNGWVNC 35:29 Referencias Cruzadas

1 KAÜWA WERAÜ 29:14

“Kiitinkhan jonglu kra ningkhan, isenginok nai ngi riika ümniima jamlai phan kene chang min ahü sitiikai. Jamkhano ngukla, phanrap phanrii ka ümjaq wa phe maq kongphiq akuq haü siisaq li riim tiikai. Krai mren naishiq riika ümniiraq naishiq ma jamlai wa kuqlaü, kra ümhupsam kriili jangkuq nongkai.

1 KAÜWA WERAÜ 29:17

Ngi raq asapha ümniiriika maiqse angu kunli tsantsii ka maitai tlaü, kiimaq jurwa tsantsii khangriri hea riimtlaq kriiti rai ka chochi khiq sitlaü. Tsantsii khangriri hea maq kiimaq tingting tsantsii maq, ngi raq arthun ara khoqriiq shishiiq maq ümniima kiinong kuq tiikang. Kiimaq ngi raq chhi wan kang she, ümsenginok ümchaü arjaq thungtii wantaqti raq khoqriiq shishiiq maq ümniima honglu thun ka kuq wanto.

1 KAÜWA WERAÜ 29:3

Riita arthun riichom rom kang arthaq niimin, ngi raq itachong hupsam wa kampho kiimaq chaq thun kuqkang. Jamkhano ngukla ngi raq Shiikeawe Shomjam miitu itsan tiitsi lata lungwii tiikang.

1 KAÜWA WERAÜ 29:6

Kiijiishe maiq aweraü thaq wa welabi, maiq phan khuthaq wa tuwebi, phen rung thaq wa phentu jongbi, kiimaq hokhamwe tachong hupsam liiti welabi thun raq maiqmii tsü maq alu mikuq hai nguta dongto.

2 KAÜWA WERAÜ 35:8

Kiimaq asengi ajong alabi thun riimin mungmaiqse miitu, ramwebi miitu, kiimaq Lewinok raq lang miitu khrum kuqto. Kiimaq Shomjam na arang hoti ajong alabi- Ramwe Ajong Pinthumwe Hilkia, kiimaq Jekeria nai Jehiel riika ramwebi ma sku aranse kong nai chhechhi arese kong hingnai ri shitrok kuqto. Kiimahali min saü pongwe kong ka shitsam kuqto. Arthun arka poi akhing na honglu take miitu kuqto.

EJRA 3:5

Kiimaq, arthaq niimin, ara chongtiikai honglu kuqwan tlaq niimin, tsangshiq raq rahinjaq joli Shiikeawe shomnoq akhing na, atra nyamse ka wiipumtam maq, honglu wa na chaq wan tlaq, kiimaq hali Jinye Tsan Wan Poi akhing na alu kuq wantlaq, kiimaq rahinjaq joli akhing na mungmaiqse thung raüta, shomnoq wantlaq noqku akhing na, honglu ümchuwa kuq wantlaq, kiimaq hali, Tatiwe ma lungwii raüta maiqmii tsantsii maq kuq wan tlaq, kra thun ka kuq wan nongto.

EJRA 8:28

Ngi raq ramwebi ma, “Namshiq ka namti namwe Shiikeawe ma asii arai kongphiq nguta akuq baiq maiqsetiim. Krai mren, mungmaiqse raq lungwii raüta honglu akuq, chaq kampho maq alo, tak apin nai kampho ngam maq alo, tak apin thun wiita kra asii hupsam siisaq she jo.

DUNGWVNC 35:4

Mosheq raq Israilnok mungmaiqse tlotli ma nguto, “Tatiwe raq akha aming kuqto:

DUNGWVNC 35:5

Tatiwe ma honglu kuq ronglaq. Maiq loweatek jurwa honglu ke lungwiitlaq, kriiti raq chaq, kampho, riimakla miiki lam wan raüta mikuqlaq;

DUNGWVNC 36:3

Tsangshiq raq Mosheq jaqwa Israilnok raq asii Tombutiip hai miitu ümchuwa honglu kuq wantaq hupsam thun kra jaüto. Shatmaq Israilnok mungmaiqse riika tsangshiq honglu ka Mosheq ma wranap tek kuq wan ruqli kuqto.

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

1 Corinthians 3:5

Riita, ija, Apolo ka ju wiita? Kiimaq Paul ka ju wiita? Naishiq arka Shiikeawe jaqshisetiim li. Naishiq lümaq namshiq ka Shiikeawe lamphan na shun shea tiikai kriili. Tatiwe raq naishiq khumtek ma jamlai phan sham akai wa pheakuqtaq, kriili sham kuq tiikai.

1 Corinthians 9:17

Ngi raq ara minshiiq wan tiikang arka, i tsiitsii maq tlungwii lata ashamkuq ha ngu raü jiitiina, ngi raq amaq athii lap chang ngutiimin misi wa. Shatmaq ümchaü sanha, ngi raq Shiikeawe minshiiq tiikang arka, ngi ma holai akuq kha maq sham tiikang. Shiikeawe raq ngi ma ara minshiiq miitu arang kunli ake wanwi she.

2 Corinthians 9:7

Arkha maq, maiq khumtek raq juwe riiwa, maiqmii tsan na jamkha mikuqha nguta wa tiima tlan, kra phan phan kuq rong laq. Akhan anyan lam maq lo, kiimaq aming shiikhoi ikha tiima raüta kene ka riimak. Ara jamkhano chongtiikang ngukla, Shiikeawe riika jurwa tlungwii raüta kuqtlaq, kriiti ka lungwii tlo.

Galatians 6:16

Riita, ija, ümchaü min, juwa ara chong tiikai rilung anye ara lap wan raütiishe sitlaq, kriiti ma, Shiikeawe raq khusang rakhang rilung, kiimaq atiihang wan mangchan kli she, asho awo maq mishman kuq laq. Tsangshiq miimin kiimaq, Shiikeawe sengi maiqse tarü ma, mishman kuq laq!

TRI CHONGKE 11:32

tsan na tiitsangshat maq, ümchaü ranaiq ngi raq namshiq ma kuq tiikang thungtri raütu thun ara atsi dada maq lang ronglaq.

TRI CHONGKE 12:32

“Ngi raq namshiq ma ümchuwa aming kuqkang thun kra wiita lang ronglaq. Arthaq na laihin naq tiitsuq rongkiq. Kiimaq kriithun wa aming tsi shi ra min lambaiq maimak.

TRI CHONGKE 4:2

Ngi raq namshiq ma jamlai aming wa kuqtiikang arthaq na namshiq raq ahin naq tiitsuq rongkiq. Kiimaq arthun aming arwa poshi ra min naq lam baiq rongkiq. Ngi raq namshiq ma Tatiwe namshiq Shiikeawe aming thun kuqkang kra lang ronglaq.

2 Peter 1:19

Ara ra wa bomtsi saütaq kriika, man na shammibi raq Messia ka misaüho lii nguta chiiriim raüta tra hokuq wantaq kriika, tengto dea nguta bomchong raükha tiipha wan she riito. Arkha maq, nashiq raq shammibi bomchong ka tsan na atsi maq thü laita kam hai jiika nashiq ma ahea miraq. Krai mren, namshiq tarü raq, shammibi raq achongthü tsütsa kiima kam lanta sironglaq. Tsangshiq raq achongkuq tsütsa ka ranyaq mong na piijongteng tlü tlaq ikha maiqse ma wenyi walüli. Ranap rawü rashe midong hoshaq wiiwii ka, piijongteng wanii ka akhek raa tlo. Namshiq mongjii na Jesuq Khristo, ranap Saiqwüpo kra misaüho shaq wiiwii, shammibi bomchong piijongteng kra samhea tiinyai lanta thü ronglaq.

PHOWEBI 5:2

Tatiwe tiitsam laq! Israilnok ka re khatkai, shairang chapto; mungmaiqse kiimchii maq, tiido rang rang chapto.

PHOWEBI 5:9

Imongjii ka Israilnok phentubi rai, kiimaq mungmaiqse kiimchii riichii maq, rekhat chap wanti rai sitlo, Tatiwe li tiitsam!