DUNGWVNC 29:43 - ASII LAKDAP Bible (BSI)

⁴³ Kiijaq Ngi raq isengi Israilnok rai mirhumha. Kiimaq Ngi asi kha maq makse chhat-hit chai nyii raitlaq kriiraq kriiba ka asii ma mitiija.

Hawa Naga Bible 2001

⁴³ Kvruex baung kvyuq Israel miqsaz rulc ngaz rvhumc vtueq, ngaz phelez vtaungx ngauz vngax maq tvsawc nawc shaungx.

DUNGWVNC 29:43 Referencias Cruzadas

1 HOKHVMX 8:11

Kra phum da ka Tatiwe asi kha maq chaihea lang lang chhaito. Kra ningkhan ramwebi raq tsangshiq jaqsham wa nong Shomjam mong na nyap wa lot mak she riito.

DUNGWVNC 25:22

Ngi raq ümniirai ka kiijaq mirhum kang. Kiimaq apang chang thaq na cherubim kaünai hea wea kiimaq Ngi raq ümniima Israilnok miitu ithung tri ka wiita mikuq kang.

DUNGWVNC 29:42

Arka pattup pat-sa na saüli ara wiipumtam-chaqtlii honglu arka imakki na Ngi asi Tombutiip kilamchong na kuq wan ruq riichang. Arba arjaq Ngi raq isenginok rai riihumki lili mirha. Kiimaq ümniirai mirbomha.

DUNGWVNC 29:44

Ngi raq Tombutiip nai berong-wacha ka asii ma mitiijaha. Kiimaq Ngi raq Aron nai asetiim ka Ngi shiikumpan miitu ramwe ma pong na atsea lata mithüha.

DUNGWVNC 40:34

Kiijiishe Tombutiip ka phumda raq pang wanto. Kiimaq Tatiwe asi makse chathit chhainyii liliim raq Tombutiip ka mong wanto.

DUNGWVNC 40:35

Atinkhan chhainyii rai kha na Mosheq ka Tombutiip mong na nyap walot mak riito.

ISAIA 60:1

Tiidolaq, Jerusalem lei, laüta rashekaü ikha liliimlaq; Tatiwe khushü ka ümkhu thaq na chhaitlo!

EJEKIEL 43:5

Tatiwe wenyi raq ngi ka ra na dopot dowanto. Raüta wang mong keathung kiiniishe shea wanto. Kiijaq ngi raq Shomjam ka Tatiwe khushü ngao liliim raq ama wanwishe chhikang.

LEWI 9:4

Kiimaq minsaü pongwe alai lamhü ashi, kiimaq sku pongwe ashi kra rintii-honglu miitu lam wan chang. Raüta tsangshiq raq kriithun ka Tatiwe ma honglu na wong-honglu rai tel maq shot raüta kechang. Tsangshiq raq arka keraa dongdii. Jamkhano ngukla Tatiwe ka ümchaü ranaiq tsangshiq rai mirhumki.”

LEWI 9:6

Mosheq raq nguto, “Tatiwe raq namshiq ma arthun ara klo ronglaq nguta aming kuqto. Kra riihanla apaiq asi makse chathit liliim ka namshiq ma mitiichhikuq.”

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

2 Corinthians 3:18

Riita, ara chongtiikai arai mren, nashiq tarü raq nashiq theaphi ka panghü miishe, Tatiwe chhainyii ngao ka tliliim tiikai. Kiimaq ara chongtiikai chhainyii ngao, Tatiwe dü wa nashiq khum na saü tlaq arka, Asii Wenyi ahata. Ara Asii Wenyi ariiraq, nashiq rilung arka apaiq sham ikha achhai thaq niimin achhai anyii henghea she tiichhai nyii wan miitu she, nashiq rilung ara klai kuq wan tlo.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

1 John 3:2

Lungwii phunainotiim le, nashiq ka ümchaü Shiikeawe setiim she. Shatmaq ümchaü jamkho sitiikai, arthaq na jai miika ümtinkhan chhai nyii rilung she wa milap rong i riila, kriika ümchaü nashiq raq tak lot mai shaqli. Shatmaq nashiq raq bomtsi poshi ka asap i. Khristo ka ümtiiko saüho jiiq, kra akhing na nashiq min apaiq la apaiq she miklai rong i. Ara jamkhano akha ngutiikai ngukla, nashiq raq apaiq ka, apaiq riikhaqli jamkho sitlaq kiikhiishe michhi rong i.