DUNGWVNC 29:4 - ASII LAKDAP Bible (BSI)

⁴ “Kiimaq Aron nai asetiim ka Ngi asi Tombutiip kilamchong kiina shea wanlaq. Kiimaq tsangshiq ma khum tiisii mrochhi khum tiisii he ronglaq nguta chonglaq.

Hawa Naga Bible 2001

⁴ “Arun nuiyc vsaz hez htenc kuex ngaz httax taungx Tap kaluix daungx kvyuq shvlx laq vtueq, nawk palx htungx maq yuix rvhoalc tvkoc tsuinghez muex jungx shuiuz.

DUNGWVNC 29:4 Referencias Cruzadas

DUNGWVNC 26:36

“Kiimaq Tombutiip na nyap wa chang kilü ka kheathum ashi müsaisai raihi-nairai, raiwai, mintiitii, kiimaq unirai rongshii maq ataq kiimaq rai maq sumla atiitsom waiq chhang kra kilü ma tiihonglaq.

DUNGWVNC 29:3

Laüta kriithun ka taükok na thiilaq. Laüta ümtiikiiwa ümniiraq minsaü pongwe nai sku pongse aresenai kra Ngi ma honglu na takuqtlaü akhing ara winsii thun armin honglu na kuqlaq.

DUNGWVNC 40:12

“Laüta Aron nai asetiim ka Tombutiip kilamchong tho na shea wanlaq. Laüta tsangshiq ma pü tiishi jühe ronglaq nguta chonglaq.

DUNGWVNC 40:28

Raüta apaiq raq Tombutiip kilamchong na chan chang kheathum kriishe chanto.

DUNGWVNC 40:32

Kriika ümtiikiiwa tsangshiq ka Tombutiip mong na watlaq riimakla berong-wacha na watlaq akhing na, Tatiwe raq aming kuqtaq kra phan phan tsangshiq jaq nai hokphi ka kiijaq hetlo.

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

EJEKIEL 42:14

Ümtiikiiwa ramwebi ka Shomjam na jaqsham wa watlaq raüta tsangshiq ka kinphai rinkea kiina kaiho rotlaq, tsangshiq raq Tatiwe shiililii jaqsham na samtlaq miirii thun kriika ara khok thun mong na thüthü raa dongdii. Tsangshiq raq khea ka ahin samho raütiitiq nokwe riitam tlaq rinkea mong niishe kai chang miraq.”

LEWI 14:8

Raüta kriiwe raq akhea kriishe mihe. Raüta akhu ka loktam asi mirbaiq. Kiimaq ajü she mihe. Kra lot jai shetiq apaiq khum ka asii she miraq. Pii mak she. Kiimaq apaiq ka piitiip mong na nyap wa nong mimai she. Shatmaq apaiq ka apaiq tombutiip mong niika nyap wa raamak. Tiipphai na apaiq ka ramiishi sichang.

WEAWEA 8:9

Laütiishe Israilnok mungmaiqse tlotli ka adam na triitam laq. Kiimaq Lewinok ka Ngi asi Tombutiip khaki na tiichap laq.

Ephesians 5:26

Apaiq raq ara, apaiq miisaq kuq raüta phungtu ka Shiikeawe ma apkuqto. Apaiq raq tsangshiq khum ka kham maq tiisii hetse kuqlot raütiishe, Shiikeawe ma kiinong kuqto.

TRI CHONGKE 23:11

Rajiko niishetiq apaiq raq ajü ka riihe chang. Kiimaq rashe nyap wan akhing niishetiq apaiq ka piitiip mong na jang wan nong mimai.

Titus 3:5

Apaiq raq nashiq chhii wantaq kriika, nashiq raq shamhea kaiwa jaqsham laita chhiike wan ka riimak. Shatmaq, Shiikeawe apaiq tsan mong na, nashiq tiihangke mangchan tsii rüm tlaq kriimaq chhiito. Apaiq raq nashiq chhii wantaq arka, Asii Wenyi raq nashiq khum ka hetse kuq wantaq kra, lümaq chhii kuq wanto. Ara chong tiikai, Asii Wenyi raq nashiq khum hetse kuq wantaq ara lümaq, nashiq khum na, anye rawii tiichhi kuqto she. Raüta rilung anye she kuqto.

Hebrews 10:22

Krai mren, ümchaü sanha, nashiq ka Shiikeawe wokhong niishe nyap tlo rong i. Tiima tsantsii siirairai maq, kiimaq kamtsantsii pharangrang maq, tsantsii ka ashe ashi wiita tiijai maq tiisii he laita, kiimaq nashiq khum ka asii kham maq jühe laitiishe, Shiikeawe wokhong na warong pha.

1 Peter 3:21

Kra rathup jüjang wantaq liichum ka, ümchaü namshiq raq kham lam tlan kra lümaq, namshiq khum tiichhii kuq tlaq kra tiiji shi kuqto. Kriika han-ngam khum wa ashe ashi maqraiq hebaiq riimak. Shatmaq Shiikeawe ma tsantsii siirairai maq kiqkham raüpot khake wan achu jaü bomtsi. Ara lümq namshiq ka Jesuq Khristo amaa wa dongwantaq ningkun maq chhiito.