DUNGWVNC 29:33 - ASII LAKDAP Bible (BSI)

³³ Kiimaq tsangshiq raq tsangshiq ramwe ma shong wan akhing na ram ram ngamrea tsangshiq mrochhi chang ngamrea kra miphaqlaq. Ara phaqsea arka ramwebi lamlam riili phaqsea chang. Jamkhano ngukla arka asii.

Hawa Naga Bible 2001

³³ Tsuinghez kuex ruimruimx shuex nuex, mvrax kvdawc shomc kuq yaq phuiuz vsvy htenc kuex phauk saq shuex rvtueq. Kvruex kuex vsawc phuiuz svy ningkhvnc nuex shomc waz bix rueq dvyx phuiuz svy mvy yaq.

DUNGWVNC 29:33 Referencias Cruzadas

Tvtsvmc 22:26

Miitsan maiqsetiim raq tsangwok phetak chhaq miphaqsiq; Tatiwe pha na wati raq apaiq mitiitsam, Tsangshiq ka pattup pat-sa she dea mirong winlaq!

DUNGWVNC 29:32

Raüta tsangshiq raq kra ngam ka Ngi asi Tombutiip na wachang kilamchong tho na nga raüta taükok na winsii thun abung tiichongtlaq krai miphaqlaq.

LEWI 1:4

Kriiwe raq nyamse khupo na ajaq maq sham chang. Kiimaq kra nyamse ka apaiq ngarai thun tiikhoi miitu takuqto nguta mitao wan.

LEWI 10:12

Mosheq raq Aron nai asenai tiichongtlaq Eleajar nai Ithamar ma nguto, “Wong-honglu Tatiwe ma akuq abung tiichongtlaq kra lam ronglaq. Lanta kra wongwin kiimaq pi maq shohü winsii lum ronglaq. Lanta berong-wacha tho na phaq ronglaq. Jamkhano ngukla ara honglu arka pinthum asii.

WEAWEA 1:51

Ümtiikiiwa namshiq ka lamjap piitiip kiiwa laüwan nong tlan, Lewi phan raq Tombutiip kra arun miraq. Raüta piitiip anye kiijaq hali tiip ka mihai wan nong. Juwa kra Tombutiip tho na wajiiq, kriiti ka tiitsailaq atsea baiq chang.

WEAWEA 16:40

Arka Aron saüse phan riimakti raq, juli jiimin berong-wacha tho na Tatiwe ma homseng honglu chaq wa maimak nguta, Israilnok miitu honlam bomchong ashi riito. Kriiti ka Kora nai asenginok khiimbaiqtaq kiikha wa raq apaiq kiimin mikhiimbaiq. Arthun jaqsham klo wantaq arka Tatiwe raq Mosheq lümaq aming kuqtaq kra phan phan Eleajar raq kloto.

WEAWEA 16:5

Kra raütiishe apaiq raq Kora nai asenginok ma akha nguto, “Anap ranap Tatiwe raq nashiq ma, apaiq rii maiq ka juwa tsea wantaq, kriiwe ka nashiq ma mitiichhikuq. Apaiq raq juwa ajaqshi ma shongtaq, kriiwe ka apaiq phana mitiiwa. Raüta berong-wacha na honglu ka mitiikuq wa.

WEAWEA 18:4

Tsangshiq ka ümniirai adam maq jaq sham dam chang. Raüta Tombutiip miitu tsangshiq raq jaqsham chang holai ümchu wa sitlaq kra khaq khaq sham ratlo. Shatmaq tri maq tseatsiiq wanhüti riika, ju riimin ümniirai jaqsham dam maimak.

WEAWEA 18:7

Shatmaq Asii Pinthum Khok nai berong-wacha na ramwe jaqsham chang ümchuwa sitlaq kriika ümnaq nai ümsetiim raq lam lam riili sham ratlo. Arthun jaqsham arka ümnaq arang. Jamkhano ngukla Ngi raq ramwe jaqsham kongphiq ka ümnaq miili kuqkang. Krai mren, maiq juwa arthun jaqsham miitu shong wan mak dea, kriiti weshi ra ka arthun asii hupsam thun artho niila wa raüla, apaiq ka atsea mirbaiq.”

WEAWEA 3:10

Ümniiraq Aron nai asetiim ka ramwe jaqsham miitu mishong haü. Maiq ahinti raq ramwe jaqsham kra shamlai nguta manhii raüla, kriiti ka tiidoq ra atsea baiq chang miraq.”

WEAWEA 3:38

Kiimaq Mosheq nai Aron nai asetiim riika Tombutiip khaki nü na shedong nü siim na tsangshiq piitiip ka tei wan chang riito. Tsangshiq ma jaqsham ka Asii Khok na Israilnok miitu jaqsham chang ümchuwa sitlaq kra liiwan chang riito. Maiq ahinti jurwa ara tsangshiq jaqsham kra sham lai nguta danjiiq, kriiti ka tiitsailaq atsea baiq chang riito.

1 Corinthians 11:24

Raüta Shiikeawe ma kechu tumto. Raüta winsii ka atiiphan riito. Raüta akha nguto, “Ara i khum, namshiq miitu. Ngi ka tiimai lanta ara lang ronglaq.”

1 Corinthians 11:26

Arningkhan, namshiq raq ara winsii phu ara phaq tlan akhingtek na, kiimaq ara kok wa spiqtai ka nyang tlan akhingtek na, apaiq misaüho shaq wiiwii, Tatiwe tsaitaq tsütsa kra chiiriim lanta tiitai tlan ngushat.