DUNGWVNC 29:29 - ASII LAKDAP Bible (BSI)

²⁹ “Kiimaq Aron raq samtlaq ramwe rohun thun kriika apaiq tsaikai jai na asetiim miishe kiinongke chang. Raüta tsangshiq ka ramwe ma shong jai na ara tiisamke chang.

Hawa Naga Bible 2001

²⁹ “Arun shomc waz marrarc kuex piq thueyc kaz ruiux yuq, vsahez muex shomc waz ruimruimx shuex nuex svmx lvp shuex rvtueq.

DUNGWVNC 29:29 Referencias Cruzadas

2 KAÜWA WERAÜ 13:9

Namshiq raq Aron saüse phan Tatiwe ramwebi kiimin jobaiq lan she. Kiimaq namshiq Lewinok kiimin jobaiq lan she. Tsangshiq lai miitu namshiq raq pong mungti thun raq jamkho shongtlaq kiikha ramwebi she shonglan. Juwa namshiq phana minsaü pongwe heraüta lo riimak la sku kaümiishi heraüta namshiq phana ramwe ma tiishong wa watlo. Raüla ju li saüwa raü min namshiq raq apaiq ka namshiq phra kaütiim ngutlan kra ramwe ma shongtlan.

DUNGWVNC 28:2

Ümphu Aron miitu ramwe miirii thun kra klolaq. Laüta apaiq miirii ka khushü adong kiimaq athuk atsom tiihong kuqlaq.

DUNGWVNC 29:28

Kiimaq ümtiikiiwa isenginok raq rintii-honglu kuqtlaqtek na, ara awühokpe ngam nai akhuk ngam arka ramwe rii ngamrea pong na raithü raa nguta Ngi raq pattup pat-sa klaimak phan tri miishe shatthü tiikang.

DUNGWVNC 29:30

Aron se juwa awe pum song ramwe ma shongtlaq kiimaq juwa Ngi asi Tombutiip na Asii Khok na jaqsham wa nyap watlaq, kriiti raq ara rohun arka ramiishi na saüli samchang.

DUNGWVNC 30:30

Kra laütiishe Aron nai asetiim khum na ramkham kiimaq tiibok nyat laq. Laüta tsangshiq ka Ngi shiikumpan ma ramwebi ma shonglaq.

DUNGWVNC 40:15

Kra laüta tsangshiq ka awe jamkho asii ramkham tel ma nyat laüta kiinong kuqlaü kiikhiisii, tsangshiq kiimin ramkham tel maq nyat laüta kiinong kuqlaq. Kra riihaüla tsangshiq ka ramwebi ja raüta Ngi shiikumpan jaqsham milot. Ara ramkham tel maq nyattlaü ariiraq tsangshiq ka pattup pat-sa ramwebi ma mitiija wan.”

LEWI 16:32

Ramwe Ajong Pinthumwe ka, riikhaqli thungtri maq ashong wan we riichang kiimaq awe pumsong ma ashong wanwe riichang. Apaiq riitiq ara khum tiisii wan khuliiq tsaichhin jaqsham ara klo wan chang. Apaiq raq ramwe rohun kra samchang.

LEWI 8:1

Tatiwe raq Mosheq ma nguto,

WEAWEA 18:8

Tatiwe raq Aron ma nguto, “Tsan na tiitsanglaq, Ngi ma kuqtlaq honglu thun wa na chaq chang riimak tlotli akhek jaqmiiq thun kriika, Ngi raq ümniimiishe kuqtiikang. Ngi kriithun ka ümniima nai ümsaü ümsetiim rii pattup pat-sa miitu saqseng athiiq ikha kuqtiikang.

WEAWEA 35:25

Mungmaiqse raq matwe ka ajaqtiwe apaiq phuk lam rittlaq kriiwe jaq wa tiiwongke chang. Kiimaq tsangshiq raq apaiq ka atiipaü chang chela apaiq jutaq kiijaq hali tiijang wan nong chang. Apaiq ka kra chela na kra matdong akhing na Ramwe Ajong Pinthumwe kra mitsai shaq wiiwii siruqli sichang.