DUNGWVNC 28:38 - ASII LAKDAP Bible (BSI)

³⁸ Aron raq ara akhakam na pachang. Raütiq Ngi, Tatiwe raq, Israilnok raq honglu ümchuwa Ngi ma kiinong kuqtlaq thun kra, mungmaiqse raq honglu thun kuqtlaq akhing na phanshi ra tiishut raü min, Ngi raq mitaoha.

Hawa Naga Bible 2001

³⁸ Israel miqsaz rueq Ngaz, Yehowa muex shomc nawk kuq phuex phvnx htenc nuex tvyaq phaq gay lvmx httax ruiux muinz, tsuingshiq rueq shomc kuq yaq kuex ngaz rueq lvmc tvkoc Arun rueq piq vkhaungx kuimx nuex phop shec rax.

DUNGWVNC 28:38 Referencias Cruzadas

DUNGWVNC 28:37

Laüta arka raiwai maq triiwat hi hi arap raülo maq khuphok na khaki nü siim kiijaq tiikoplaq.

DUNGWVNC 28:43

Aron nai asetiim raq wranaiqshe arthun rohun ara sam raütiitiq, tsangshiq ka Ngi asi tombutiip na wachang riimakla Asii Khok na berong-wacha na honglu kewa ramwe jaqsham wa chang. Kra raütiq tsangshiq sham ka tiichhi wa kha na tsangshiq ka tsatbaiq mak miraq. Arka pattup thungtri raütu, Aron nai asaü asetiim raq lang chang.

ISAIA 53:6

Nashiq tarü ka skuse amo arki ikha siwankai, nashiq loweatek maiqmii lampu rit siwankai. Shatmaq Tatiwe raq nashiq mo ka apaiq ma tiiho wanto, nashiq tarü raq kra mo ka howan chang wa.

ISAIA 56:7

“Ngi raq namshiq ka Jajon na, Ngi asii kin na mishea wanha. Ngi raq namshiq ma chochi jonghea ijam achujaü chang jam na mikuqha. Kiimaq namshiq raq Ngi ma berong-wacha na honglu akuq wanhan thun kra mitao wanha. I Shomjam ka mangjong maiqse tlotli miitu achu jaü chang jam ngutiishe mingu.”

ISAIA 60:7

Kedar nai Nebaioth mung wa skukong ka wiita Ümniima honglu kewa misaü wan. Raüta berong-wacha na mitakuq Tatiwe tiichochi miitu. Tatiwe raq apaiq Shomjam ka pinthum achhai anyii pattup mitiichhainyii wan.

LEWI 1:4

Kriiwe raq nyamse khupo na ajaq maq sham chang. Kiimaq kra nyamse ka apaiq ngarai thun tiikhoi miitu takuqto nguta mitao wan.

LEWI 10:17

“Riita namnai kra ngarai-honglu ngam ka asii siqlaitap maq phaq man jamto? Arka pinthum asii ngamrea. Kiimaq Tatiwe raq mungmaiqse ngarai kra tiisii wan miitu namshiq ma a kuqto.

LEWI 22:16

maiq ahinti arthun ara phaqsea thek makti ma tlomdam raüta. Kriila ngu raüla kriiwe ka ashutwe miraq kiimaq kriiwe raq mo ka miho. Ngi ka Tatiwe kiimaq honglu thun ka asii ma tiija tiikang.”

LEWI 22:9

“Ramwebi tarü raq Ngi raq akuqha thungtri raütu thun kra lang ratlo. Riimakla tsangshiq ka ashut ma mijaki. Raüta atsai miraq. Jamkhano ngukla tsangshiq raq asii thungtri raütu ka langmak jinto. Ngi ka Tatiwe. Kiimaq Ngi raq tsangshiq ka asii tiija tiikang.

LEWI 23:11

Apaiq raq kra akhek atiitsang honglu na Tatiwe ma mikuq. Kra riihan jiitiq namshiq ka Tatiwe raq mitao wan. Ramwe raq kra Asii Niitiitsak Ranaiq jai miitiq mikuq.

WEAWEA 18:1

Tatiwe raq Aron ma nguto, “Ümnaq nai ümsetiim kiimaq Lewi phan raq Ngi miitu Ngi asi Tombutiip mong na jaqsham tlan kiijaq shutphit han jiila, kra mra hotlan kha ka namshiq raq mo mihohan. Shatmaq ramwe jaqsham na shut phit han jiila, ümnaq nai ümsetiim lam lam riili kriikha miitu mo mihohan.

John 1:29

Kiimaq napjai ranaiq niishe, Johan raq Jesuq ka apaiq phanü na awarai she chhito. Kra chhi raüta, Johan raq nanok ma chongto, “Liirong laq arhata, mangjong maiqse ngarai howanti Shiikeawe Skuse!

2 Corinthians 5:21

Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.

Ephesians 1:6

Ümchaü sanha, Shiikeawe ka kai shomra wan rong i. Apaiq raq nashiq ka achhai anyii kaphap khoqramkii maq takuq wanto she. Raüta apaiq raq kai lungwii tlaq, Ase pum na nashiq ma phe maq, kongphiq jonghea kuqto she!

Hebrews 9:28

Arkha maq tiina, Khristo raq maiqse ngarai kra tiisiike miitu, klang maq lakshi wa niili panthit akhum ka Shiikeawe ma honglu na kuq raüta tsaitaq. Apaiq ka jai na lakshi hali misaüki nong. Kra saüki tlaq kriika, ngarai homa hokai miitu ka riimak she. Shatmaq, apaiq saükai kheti, maiqse ümchuwa sitlaq kra tiichhiike kai miituli she miki nong.

1 Peter 2:24

Khristo raq nashiq ngarai ka apaiq khum na howan raüta, pumsongkham na tübaiqto. Arka nashiq ka ngarai na tsaikai miitu. Laita nashiq ka kechu miitu lishe atra siwan miitu tsaito. Nashiq thatsi ka apaiq mopung mithun maq tiiheakuqto she.

1 Peter 2:5

Namshiq ka atra longkaüsetiim ikha warong ra. Lanta namkhum ka longkaüsetiim ikha, Shiikeawe raq asii wenyi shomjam kra mihai laq. Kra shomjam mong na namshiq ka asii ramwebi ma ja lanta, wenyi honglu kiimaq Shiikeawe tsan tiiheali chang honglu, Jesuq Khristo lümaq mikuq han.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.