DUNGWVNC 24:10 - ASII LAKDAP Bible (BSI)

¹⁰ Kiimaq tsangshiq raq Israilnok Shiikeawe ka chhito. Ahok phi takiq niika saphir longseng pen maq ahai maiqkhum chang lam ikha, ra jamkho wai chat chat li tlaq kiikha riito.

Hawa Naga Bible 2001

¹⁰ tsuinghez rueq Israel miqsaz Tishox kuex khiz wuez tueq. Vpiq yaz phaungx nuex kuex saphire lung vphawc shec ikhoc khiz tueq.

DUNGWVNC 24:10 Referencias Cruzadas

RAPHA HIQWA LAK 32:30

Kiijiishe Jakob raq nguto, “Ngi raq Shiikeawe ka mantut na tiqtaq sham riichhi kang. Kra taü miimin ngi ka atrali sitiikang.” Kra ningkhan apaiq raq kra hiq ba ka Peniel nguta mangto.

RAPHA HIQWA LAK 32:31

Jakob ka Peniel maq tiidowan na rashe ka adong she riito. Kiimaq ahok ka doqshdoq she riito. Jamkhano ngukla ahüko ka asi she riikito.

1 HOKHVMX 22:19

Kiijiishe Mika raq abi ri akha tiitsuq chongkuqto, “Ümchaü min Tatiwe raq jamlai wa chongtlaq kra tairong laq! Ngi raq Tatiwe ka ramungtan na apaiq hokham ngacho na ngaraü chhikang. Kiimaq arasetiim thun ka apaiq tho na chapraqraq.

2 KAÜWA WERAÜ 6:17

Riita, ija, ümchaü min, Tatiwe Israilnok Shiikeawe lei, ümniiraq ümjaqshi se Dawit ma kiq khamkuq laü thun bomtsi ka wiita kunli mikupi wan laq.

DUNGWVNC 24:11

Shiikeawe raq ara Israilnok mung welabi ka tiimitsi mak riito. Tsangshiq raq Shiikeawe ka chhito. Kiimaq kra raütiishe tsangshiq ka kiijaq adam na nga raüta phaqsea khamnyang kloto.

DUNGWVNC 3:6

Ngi ka ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.” Kra ningkhan Mosheq raq atheaphi ka khea maq pangto. Jamkhano ngukla apaiq ka Shiikeawe theaphi na liikham mak ahaisi riito.

DUNGWVNC 33:20

Ngi raq ümniima itheaphi ka tiichhi kuq mang. Jamkhano ngukla jurmin itheaphi na liilot mak. Kiimaq chhi raüta atra silot mak.

DUNGWVNC 33:23

Kra latiishe Ngi raq ijaq ka alam she mirbaiqha. Kiimaq ümniiraq ijainü siim kra michhi haü. Shatmaq itheaphi ka liilot maü.”

ASHICHONG 5:14

Ajaq wiinai pinthum tsomhea, ajaq niika moqhon apa longseng jaqtop ikha, Ahü ahan ka nyeajokjok hea, chiiwi saphir longseng chhai maq atop ikha tsomhea.

ASHICHONG 6:10

Ranapchu rawii li wan tlaq ikha, ara juwa? amaklii ka ranap rashe dongwan tlaq ikha tsomhea Ashamhea ka jipi li chaihea ikha.

AJONJÜ 4:7

Na hokhamwesetiim kechu maiqsetiim, tingting kiimaq tsakhiiq ikha siirairai sekong riito. Kiimaq kuilang kuilakong riito. Kiimaq ahong ala siisaq riito.

EJEKIEL 1:1

Rawii roqtsam she angu na jipi lüblai liiwa rabiingi ngo ranaiq akhing riito. Ngi, ka ramwe jaqshamti. Iwe mang ka Buji. Kra akhing na ngi ka munglu shumwi ma atsuq wan Jehudinok rai Bebilon mung na, Chebar rai tan na sikang. Ramungtan ka atlin riikito. Kiimaq ngi raq riisham mak maq Shiikeawe ka chhikang.

EJEKIEL 10:1

Ngi raq cherubim khuthaq na jamtamkaü kiijaq liikangta, kriithaq niika hokham ngacho athii tsinhea phan saphir longseng maq alo ikha chhikang.

DANIEL 10:17

Ngi ka dise ashi atijongwe khaki na chaptlaq ikha chaptiikang. Ngi ka ümniirai jamkho mirbom damha? Ikhum na ningkun min ahü she. Kiimaq itsitsü min healot mang she.”

WEAWEA 12:8

Kra ningkhan, Ngi raq apaiq rai ka mantut na tiqtaq riibom dam tiikang. Linham linhok riibom dam tiikang. Shiiwang bomtsi miika riimak. Apaiq raq Ngi sham ka jam khiiwa kriimin chhito! Ikhla namnai raq ijaqshise khuthaq na bombi kiqsü ka jaram wa kuq tlan?”

Matthew 17:2

Tsangshiq raq apaiq ka liishat liipan niili, Jesuq sham ka aklai riikito. Apaiq theaphi ka rashe kaü ikha chhaihea langlang chhairai wanto. Kiimaq apaiq khum na khu akhea asam thun kriimin maiqmak alirat rashe kii li ikha lüdiidii hea she chhairai wanto.

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 14:9

Kiijiishe, Jesuq raq treto, “Ngi ka luhea she namshiq tarü rai adam na siwan kang. Kra taü maq dongdii min, ümchaü niitaq ngi ka juwa, ümniiraq sap maüli shatshat sha Philip? Jurwa i sham chhitaq, kriiti riika, i We sham kiimin chhito she. Kra taümaq dongdii min, ümniiriika, ‘Naishiq ma Awe sham ka tiichhi kuqlaq’ ngutiika jamkho ngutlaü?

John 6:46

Maiqse raq Awe sham ka jurmin chhi mak dea. Ngi ahata Awe pha wa akiha. Ngi tlea raüta Awe ka jurmin chhi mak dea.

1 Timothy 6:16

Apaiq kli ka tsai mak phan; Apaiq ka mangjong maiqse raq jurmin chhi walot mak chang ramungtan rawüli na siti we. Apaiq sham ka jurmin chhi mak dea; Kiimaq apaiq sham ka jurmin chhilot mak miraq. Wiitarü raq Apaiq kli mishreng laq. Kiimaq pattup thum mak miq mak maq, ra nai hiq ka milang laq! Amen.

1 John 4:12

Shiikeawe ka jurmin chhi mak dea. Shatmaq nashiq liipan na riimang riichan laita sihai jiila, Shiikeawe ka nashiq rai pumshi hanshi dea sitlo ngushat miraq. Kiimaq apaiq lungwiitsii ka nashiq khum na asho awo maq sitlo ngushat.

Revelation 1:16

Ajaq jaqtsi nü niika, raiqsaiqpo miishi shamtlo chhikang. Kiimaq anübok miika, nepja siimhap ri na aniq asi, sihea dong tlo chhikang. Atheaphi ka rashe ranaiq shethung bala kiirai tlaq ikha, henghea lirai tlo chhikang.

Revelation 21:11

Kiimaq Jerusalem ka Shiikeawe khushü ngao raq achhai anyii wa hea la riito. Kra Chela ka athii tsinhea phan Jaspar longseng chhai tlaq ikha wüjangjang hea chhai raitlo.

Revelation 4:3

Apaiq theaphi ka athii tsinhea phan longseng jespar, kiimaq karnelian longseng chhai tlaq ikha, chhaihea lang lang, awai nai ashii rong chhai rai tlo chhikang. Kiimaq kra hokham ngacho kra komtam na, maitsai kaü ashi asi. Maitsai rong ka emarel longseng chhai tlaq ikha chhai nyiinyii hea.